Hâur têx hnuz Côx hôiv khoar XVI uô cov tiêr jông bôv mêir lênhx tov chênhr Đảng thiêz têz qơưk, pêx xênhv txix chor phường txos chor jêx jok tox siêz Lai Châu puôr lênhx sêiz mnôngs jông đros muôx ntâu vav njôngr.

Tix lâus Hà Minh Hưng đros chôngz lênhx nênhs nhoz phường Đoàn Kết, tỉnh Lai Châu lo six shir phaz thâuv sêiz mnôngs Jiês cơưv tiv iz, Côx hôiv khoar XVI tsênhv tâu cơưv ntơưv Hà Nội. Đros pêx xênhv tox siêz, xêir tsov chor nênhs uô têx hâux lưv chênhr tưz tsik zos xor xưv chinhr triv zov chênhr, mak tsênhv kriz tơưv tâu têx tsênhv chêi tsênhv tsênhz, huv đros pêx xênhv, viv pêx xênhv; paz txoz cxơưx luz nênhx, huôv tsar kinh têr-xar hôiv ntơưv cxuô thax tsav qơư tox siêz, ntus đriv li Lai Châu: “Hâur têx hnuz đhâu pêz lok six tok njôngr trâu jiês cơưv Côx hôiv zuôr hêik pâuz chor hâu nov chênhr hâur Đảng thiêz Têz qơưk. Pêz têz qơưk tưz hla đhâu ntâu kror phiv liv, mak txix co pêz lok six vav njôngr tiêk chor hâu nov chênhr Đảng thiêz Têz qơưk khoar yiêz no zuôr paz trâu têz qơưk huôv tsar đuô”./.

Khắc Kiên-Lik Thox cxêik nhênhv

Hâur thủ tướng chính phuv Lê Minh Hưng li jax phuôx ploz thâuv jênhv uô Thủ tướng chính phuv lok hnuz xiêz 7/4/2026, thủ tướng heik tơưv Chính phuv li 5 tsưr ziv lox hâur six cxiv 2026-2031. Cux xưk li cử tri tas nro têz qơưk, cử tri tỉnh Lào Cai njênhs njôngr lok têx tsưr ziv no zuôr chox têz qơưk huôv tsar jông hâur kỷ nguyên yiêz. Cử tri Nguyễn Thị Thúy nhoz tuêv jênh phố Yên Ninh 12, phường Yên Bái, tỉnh Lào Cai puz pâuz, hâur 5 njiêz luv thủ tướng Lê Minh Hưng heik tơưv, cử tri tsov cưv txos hâux lưv cxiv tsa iz chính phuv hlôngr yiêz, phưx vưv tsôngv px: “Thủ tướng heik chính phuv zuôr truôx siêz, hlôngr yiêz tas nro têx cui tênhv pháp luật, txu grês têx ntâuz ntơưr hành chính, car chêx txos qơư têx tsi tâu uô tâu...No zos vênhv thix mak cử tri tsov cưv tiv zix viv thâuv car chêx tâu têx vênhv thix no mak zuôr txos kror paz têz qơưk huôv tsar hâur kỷ nguyên yiêz”./.

Đinh Tuấn- Txâur Vax cxêik nhênhv

Kriz uô “Côngz xưv 100 hnuz hmo” cxiv tsa 13 luz tsêr cơưv ntơưr nhoz thax tsav ntus đriv ntơưv Sơn La, têx hnuz no, cxuô kror hâux lưv tsênhv tâu sir jos uô sêi.

Ntơưv qơư cxiv tsa tsêr cơưv nội trú xar Lóng Phiêng, yênhx puô côngz nhân đros têx mêir tâu chiê sir jos uô têx hâux lưv, txix nquôr bê tông, cxiv tsa faz nja thêir txos têx qar cơưv ntơưr.

Ntơưv xar Yên Sơn, qơư sêiz car, tsêr lớp cơưv ntơưr, tsêr uô jâuz mor nox cux tưz tâu uô zuôr tiêr, paz muôx hlôngr yiêz nhoz qơư tsênhv yuôr ntâu txov nhêv no. Txơưv muôx yar ntux cuz sor, sơưr đơưk cux sir jos uô têx hâux lưv yênhx hnuz hmo lơưr tsưr ziv “Đruôz hnuz uô tsik tas, mak sir jos uô nzir thâuv hmo ntux”.

Txos nhiv no, ntâu côngz trinhx tưz uô tâu muôx 65 txos 70% têx hâux lưv, bax trâu ntu sir jos uô cov tiêr. Chor tsêr cơưv ntơưr yiêz tsênhv tâu uô tiêr jux juk, paz muôx tâu qơư cơưv ntơưr jông đuô trâu chor shux xênhz tox siêz, ntus đriv Sơn La./.

Trấn Long-Lik Thox cxêik nhênhv

Đhâu ntâu shông khiêr gâuv, Ngô Đức Lượng, xênhz shông 1989 nhoz xã Thanh Nưa, tỉnh Điện Biên tưz muk chiz coaz cảnh sát qênhz yuôx, Công an tỉnh Điện Biên chiê jênhv zuk li têx uô cxâuv. Lơưr ntâuz ntơưr txuz án, kaz shông 2018 txos hâur shôngk shông 2019, Ngô Đức Lượng tưz heik tơưv xor mông chuôr lok hâux lưv paz thor muk cơưv hâur têx tsêr cơưv Công an nhân dân chiê huôz nox ntâu lênhx nênhs li yênhx tỷ đeiv thiêz tưz nriêr cêr khiêr gâuv. Shông 2019, Công an tỉnh Điện Biên muôz tik cêr cxâuv thiêz tso tơưv cuiz tênhv nriêr zok Lượng. Đhâu 8 shông nriêr zok, yax mông, vênhv tôngv, hnuz xiêz 8/4 Ngô Đức Lượng tưz tuôx chiz coaz công an chiê jênhv zuk li tas nro têx hâux lưv uô cxâuv. Nhiv no hâux lưv no tsênhv tâu công an tỉnh Điện Biên tror qênhz yuôx, yưr lir lơưr PL li cui tênhv./.

Vũ Lợi-Txâur Vax cxêik nhênhv