Têx Chi bộ nhoz hâur Đảng ủy cơ sở Sơn La zuôr uô tiêr luôs hâux lưv tsưr tsix Đại hội uô ntêx hâur hli 12/2024. Cấp ủy cxuô cấp tưz sir jsó chox kriê đại hội uô ntêx thiêz zênhx max zuôr chênhz zênhv chiê muôx cêr thôngx ziv hâur tas nro Đảng bộ. Hnuz 29/11, Chi bộ jok Tiền Phong, xã Hát Lót, huyện Mai Sơn, Sơn La tưz tsưr tsix Đại hội jiês tiv 3, six cxiv 2025-2027. Co zos Chi bộ Đảng ủy xã Hát Lót, huyện Mai Sơn xeir tsưr tsix Đại hội uô ntêx; cux zos iz hâur 4 chi bộ tsưr tsix Đại hội uô ntêx hâur tỉnh Sơn La hli 11/2024. Trơưk li tỉnh ủy Sơn La tsưr ziv, têx chi bộ nhoz Đảng ủy cơ sở hâur tỉnh zuôr uô tiêr hâux lưv tsưr tsix đại hội uô ntêx hâur hli 12/2024. Têx Chi bộ tsưr tsix đại hội zuôr qir uô lơưr txix hli 1/2025 txos uô ntêx hnuz 31/3/2025. Cấp xã uô tiêr hâux lưv Đại hội hâur hli 2/2025, cấp huyện mak uô tiêr uô ntêx hnuz 31/8/2025. Đại hội Đảng bộ tỉnh Sơn La zuôr Đại hội tiêr uô ntêx hnuz 31/10/2025./.

Lê Hạnh-Riê Lâux cxeik, nhênhv

Hôiv thảo khoa học têz qơưk đros tsênhv njiêz “Phuôx huiz tsiv gri, pênhr jos xar hôiv-nhân văn phưx vưv huôv tsar tỉnh Lào Cai zos yênhx phênhv chuôz ndê thiêz tsênhv qơư siz txuôk đros thax tsav txos shông 2030, tsưr ziv uô txos shông 2050” nhiv kruôr tsưr tsix ntơưv Lào Cai. Hôiv thảo jiês no zos diễn đàn khoa học chiê uô tsênhz mênhx têx vênhv thix lý luận, qênhx shênhx, hêik pâuz siêz xar, tsưr ziv, tsênhv chêi thiêz tsưr ziv chiê phuôx huiz tsiv gri, pênhr jos xar hôiv-nhân văn nhoz Lào Cai; đros co, paz cungz nzir têx khoa học hâur cxiv tsa Dưv thảo hêik pâuz chinhr triv muôz trâu Đại hôiv Đảng bôv tỉnh jiês tiv 17, ntu 2025-2030, ntâuk gri txos tỉnh Lào Cai li huôv tsar hâur ntu huôv tsar yiêz. Pos Nguyễn Thị Vân Hằng, Phưv Hiệu trưởng Tsêr cơưv Chinhr triv tỉnh Lào Cai puz pâuz: “Têx sêiz lax hêik pâuz ntơưv Jiês cơưv tưz paz lok six ntâu trâu ntu 2025-2030 zuôr txos, Lào Cai zuôr tso tơưv tâu têx tsưr ziv lok huôv tsar vênhx huôv hêik cxuô thiêz vênhx huôv nhân văn hêik taz. Hâur co, têx vênhx huôv ntơưv thax tsav qơư zuôr tâu phuôx huiz, tuôr tsês chiê hâur huôv tsar kinh têr du lịch cux li Lào Cai têx hâux lưv txơưr. Thiêz cur xar no zuôr zos kror bax uô ntêx chiê Lào Cai hla trâu ntu huôv tsar yiêz”./.

An Kiên-Lik Thox cxêik nhênhv

Ntênhs hội nthuôr uô lov jêv grêk tâus cêr tâu huyện ntus đriv Mường Tè (Lai Châu) tsưr tsix uô hâur têx hnuz hội vênhx huôv cxuô heir nênhs shông 2024. Mường Tè (Lai Châu) muôx 10 heir nênhs sik đros uô nênhx nhoz uô cê, hâur co muôx têx heir nênhs lok six tsơưs nênhs li: Cống, Mảng, La Hủ.... Iz heir nênhs nhiêk muôx nhiêk têx txux chi vênhx huôv txơưr tsi siz thôngx, co chênhr zos têx jông chiê tsôngv box cxuô heir nênhs por hưv, tuôr tsês phưx vưv huôv tsar ju lix. Ntênhs hội tâu nthuôr uô lok six lov jêv, đros trâu cxuô heir nênhs li: Si La, Cống, Mảng, La Hủ, Hà Nhì....têx txux chi vênhx huôv. Zơưv Đao Văn Khánh, Chủ tịch Ủy ban huyện Mường Tè heik pâuz, ntênhs hội zos ntơưv qơư hâux lưv uô tsi so hâur niêx shông . Đhâu ntênhs hội, huyện xar piêr kriê cxuô heir nênhs hâur thax tsav têx txux chi vênhx huôv, cêr nênhx phôngz cxưx trâu tsôngv kruô sơưr đơưk pâuz txos. Ntênhs hội cux zos six hơưv sơưr đơưk tâu siz chuôs njiz thiêz đros côngv cêr lov jêv, tâu pâuz txos cxuô heir nênhs têx txux chi vênhx huôv jông. Co zos hâux lưv uô chiê kruôs txos têx txux chi vênhx huôv, lênhx nênhs thiêz thax tsav muôx ntâu tsar zav jông nhoz ntus đriv./.

Khắc  Kiên-Riê Lâux cxeik, nhênhv

Kriz uô dưv anr “Paz, gra siêz đas jos txux chi phax tar ntâuk tsiv pox niêv thiêz nhuôv zâu paz thơưz pox niêv txir nênhx muôx vax huôv siz luôs ntơưv tỉnh Điện Biên” hnuz 1/12, Sở Lox tôngv-Saz pênhz thiêz Xar hôiv sik côngv đros Un Women tsưr tsix Hôiv thik “Nriêr pâuz txux chi lok chêi têz qơưk thiêz pox niêv txir nênhx vax huôv siz luôs, phax tar ntâuk tsiv nhoz pox niêv txir nênhx shông 2024”. Cxaz chuôz hôiv thik muôx 5 câu lạc bôv txir nênhx sir jos uô lơưr pox niêv txir nênhx vax huôv siz luôs tuôx txix Sở Lox tôngv-Saz pênhz thiêz Xar hôiv, Sở Tư pháp, Công an huyện Điện Biên, xar Noong Luống (huyện Điện Biên), xar Pá Khoang (TP. Điện Biên Phủ). Chor đôiv tsuv thik tưr đhâu 3 kror. Hôiv thik tưr tsik zos paz muôx qơư uô si jông, mak tsênhv paz sir jos, uô ntêx hlo paz trâu huôv tsar, kriz đar uô tsưr ziv câu lạc bôv txir nênhx sâuv thax tsav tỉnh; chiê paz gra siêz jênhv pâuz, txơưx jênhv trâu cxuô cấp, nganhx thiêz tas nro xar hôiv lok pox niêv txir nênhx vax huôv siz luôs li kror zov chênhr thiêz phax tar ntâuk tsiv nhoz pox niêv txir nênhx. Đros co, yax kriê đêz đar txux chi lok phax tar ntâuk tsiv nhoz pox niêv txir nênhx txos trâu pêx xênhv sơưr đơưk đros pâuz./.

Báo ĐB-Lik Thox cxêik nhênhv