Nghị quyết sôr 2 hnuz 21/1/2021 Ban Chấp hành Đảng bôv tỉnh Sơn La lok “Gra siêz tsưr tsix đảng nhoz Đảng bôv xar, phường, thị trấn li đas jos lênhx tov thiêz tsav txênhz đros uô truôx jông cxiv luôs chinhr triv ntơưv thax tsav qơư” đhâu 3 shông kriz uô tưz uô tâu ntâu kror truôx jông. Tsênhv tsênhz, đhâu 3 shông kriz uô Nghị quyết sôr 2, tỉnh Sơn La tưz chiê 133 hâur 204 lênhx nênhs uô Bí thư xar, phường, thị trấn tsik zos nênhs nhoz ntơưv thax tsav qơư, tax tâu muôx 65% ntâu; 50% ntâu Chủ tịch Ủy ban cấp xar tsik zos nênhs ntơưv thax tsav qơư. Têx uô tâu no puôr lênhx uô tâu siêz đuô tsưr ziv Nghị quyết tưz tso tơưv txos shông 2025, khov tâu kriz uô cxix cxuô, sir jos ntơưv têx huyện, thành phố. Zơưv Nguyễn Việt Cường, Bí thư huyện ủy Mai Sơn, tỉnh Sơn La puz pâuz: “Xuz thơưx thâuv kriz uô chiê uô Bí thư, Chủ tịch tsik zos nênhs nhoz ntơưv thax tsav qơư, tsênhv muôx cxơưx hlo tsik xar hlôngr qơư uô hâux lưv nhoz iz cxiê canr bôv, pêx xênhv qơư muôx canr bôv tuôx tsênhv tsik tâu thôngx siêz. Tiv oz zos muôx tsik txâuk chor canr bôv txâuk cxuô kror chiê txar qơư uô hâux lưv, txix huyện muk trâu xar, txix xar no muk trâu têx xar txơưr. Pêz zos canr bôv tâu txar qơư uô hâux lưv tsênhv njiz trâus iz cxiê kror phiv liv hâur uô hâux lưv, tiv zix zos ntơưv chor xar nhoz đêz, tox siêz”./.

Lê Hạnh-Lik Thox cxêik nhênhv

Xav tênhv côngz xưv txu grês cêr pluôk zos jênhv vưv coaz tsôngv, uô uô ntêx hâur huôv tsar KTXH nhoz tiv phaz, ntu đhâu xã Bản Hon, huyện Tam Đường, tỉnh Lai Châu tưz krêz uô ntâu tsưr ziv txu grês cêr pluôk. Đhâu co, cxơưz cxiz tốngv box chiv chir sir jos hâur txu grês cêr pluôk truôx vênhs, sir jos uô bluô nux sauv zuk têz qơưk. Khov co, chor ziv chuôz zis pluôk txu grês jux jus hâur yênhx shông, nôngx cxênhz xã tsi so muôx têx hlôngr yiêz jông. Chiê muôz siêz tsôngv box li phênhv sâu, xã krêz uô ntâu tsưr ziv li: cxơưz tiês yax mông, vênhv tôngv tsôngv box sir jos tsiv uô kôngz nuv, hlôngr yiêz tsoz chos, tsiêx tu zus, chuôz tsar chiv chos; krêz uô muôx chêx cuk têx tsaz yênhx têz qơưk li qơư tsov txos, paz nôngz zuz, tsiêx cxu….phênhv sâu fênhx pheiz tax 45 tsov đeiv iz lênhx nênhs iz shông./.

Báo Lai Châu-Txâur Vax cxeik nhênhv

1.000 ntâu lênhx Hôiv viên nôngx mênhx thiêz hluôk nênhs tỉnh Yên Bái hnuz 2/12 tưz đros cơưv jiês cơưv sik thav đros hâu nov tỉnh no. Đros tsênhv njiêz “Nôngx mênhx thiêz Hluôk nênhs Yên Bái đros hlôngr yiêz sôr thiêz huôv tsar kinh têr, vênhx huôv, xar hôiv”, jiês cơưv tâu tsưr tsix txix tsưr ziv trực tuyến ntơưv qơư cơưv cấp tỉnh, txuôk đros trâu 8 kror qơư nhoz chor huyện, thị xar hâur tỉnh. Ntơưv jiês cơưv sik thav no, zuôr xar 20 jiês nus ciês ntơưv jiês cơưv thiêz yênhx puô luk nus xa đhâu cổng thông mông điện tử tỉnh, Trang thôngz xor mông điện tử chor sở, nganhx cik txos hôiv viên nôngx mênhx thiêz hluôk nênhs, đros muôx têx kror nus txos lok six tsênhv tsênhz tưz tâu xa txos trâu hâu nov tỉnh Yên Bái, li: têx tsênhv chêi paz trâu nôngx mênhx huôv tsar têx tsưr ziv uô kinh têr; tsênhv chêi paz trâu tror kho đuô uô nox, zuôr muôs thiêz truôx tuk luz nênhx đhâu trâus coz chuô sôr 3 ruôr hiêv; côngz xưv kriê hâux lưv uô, paz muôx hâux lưv uô, muk uô lox tôngv saz đrâuv têz qơưk; chor tsưr ziv paz phuôx huiz nôngx mênhx thiêz hluôk nênhs huôv tsar kinh têr, vênhx huôv, xar hôiv, du lịch, kriz uô nox, hlôngr yiêz sôr… Trần Thu Huyền, Phưv Bí thư Đoanx hluôk nênhs phường Nguyễn Thái Học, thành phố Yên Bái hêik pâuz: “Tuôx trâu Jiês cơưv hnuz no, cur muôx luk nus txos têx trâus coz chuô sôr pêz uô ruôr hiêv txos lok hluôk nênhs li tsưr ziv huôv tsar uô kinh têr xa txos trâu hâu nov tỉnh. Viv đhâu coz chuô sôr 3, hluôk nênhs li ntâu tsưr ziv uô nox trâus ruôr hiêv tas hur si, lok six lax kho đuô tâu. Đros lo luk nus no, cur vav tiêk ntu zuôr txos cấp ủy, chinhr quyền zuôr sir jos paz trâu têx tsưr ziv uô kinh têr, lok sik paz lok têx tsênhv chêi, kriê trâu chor hluôk nênhs hlôngr yiêz, xar tơưv hâur huôv tsar uô kinh têr”./.

Thừa Xuân-Lik Thox cxêik nhênhv

150 lênhx thí sinh zos têx cán bộ y bác sĩ, viên chức thiêz nênhs lox tôngv nhoz têx qơu y tế xã, nhân viên y tế jêx jos nhoz huyện Nậm Pồ, tỉnh Điện Biên nhiv kruôr cxaz chuôz jiês thik nriêr pâuz zênhz graz ntơưr li txux hiêv. Jiês thik zos Sở y tế côngv đros Tsenhv qơư seiz car moz tỉnh, Tsênhv qơư y tế huyện Nậm Pồ tsưr tsix. Jiês thik chiê yax mông, zaoz zux muôz siêz jênhv pâuz lok uô Chei phax tar zênhz graz ntơưr li txux hiêv đros đas jos, kinh têr, tênhx qơư, cxiv tsa iz tênhx qơư tsi muôx pa zênhz hâur cán bộ, công chức, viên chức thiêz nênhs lox tôngv. No cux zos jiês chiê cán bộ y tế têx cấp sik thav, pheiz kênh têx yênhx tưv lok hâux lưv phax tar zênhz graz ntơưr li txux hiêv sâuv thax tsav. Chêx cuk jiês thik, khơưk muôz iz giải iz, iz giải 2, iz giải 3, 1 giải 4 thiêz têx giải txơưr trâu têx tuêv thik tax chêx cuk siêz./.

Báo Điện Biên-Txâur Vax cxeik nhênhv