Sơn La cê zos thax tsav chos ntâu ntông nox txir tiv zix nhoz faz Bắc, lox tiv 2 tas nro têz qơưk đros zuôr xar 85 cxênhz hecta ntông nox txir, sâu tâu yênhx puôk cxênhz tênhr txir iz shông; muôx 280 ntâu mã số thax tsav chos tưz tâu cungz thiêz muôs tơưv trâu niêv ciêz têx têz qơưk Úc, Mỹ, Trung Quốc, EU...Chiv sâu txir ntông nhoz Sơn La qir sâu txix hli 4 txos hli 11 zax lix yênhx shông. Viv li, huôx tôngv cxơưz tiês cik côngv sâu zuôr xiv huv kôngz nuv trâu tiv phaz thôngz đhâu nền tảng số zos tsưr ziv coaz tsôngv chiê huôv tsar kinh têr số kôngz nuv. Zơưv Lê Hoàng Tài, Phưv cục tsar cục cxơưz cxiz muôv muôs puz pâuz: “Iz cxiê trang muôv muôs điện tử cux xưk li têx nền tảng số nhiv no tsênhv uô sâuv têx ứng dụng công nghệ thôngz xor mông, pêz pov nhoz ntâu têz qơưk tưz chox lok chêx cuk jông trâu nênhs muôv muôs. Chênhr viv li no zos iz hâur têx mak pêz xar tiêk Sơn La zuôr paz trâu tsôngv box nôngx mênhx sâuv zuôr zuk li xiv huv”./.

Trấn Long-Txâur Vax cxeik nhênhv

Lơưr Tsênhv qơư njuôk ntux yar ntux nas Têz qơưk, txix hnuz 24/4-3/5, thax tsav Bắc Bộ, Trung Bộ muôx ntux lok nas thiêz muôx chuô, têx qơư muôx ntux lok nas lox, thiêz zôngx ziv muôx chuô lox, lok lơưs đros nas. Ntơưv huyện tox siêz Trạm Tấu, đros zos thax tsav tox trôngz siêz, nxaz tox ntâu, pêx xênhv uô nênhx nhoz trâu têx cưx đêx, cưx ha, ntar trôngz viv li hâux lưv yax kriê, hêik pêx xênhv phax tar jông ntux nas chuô đêx ngaz cuôr tâu tsov cưv txos thiêz sir jos kriz uô. Zơưv Gư Xênhv Zax, tsar jok Mù Thấp, xar Bản Mù, huyện Trạm Tấu hêik: “Nhoz ntơưv no thâuv tưs njuôk xav tiêk zuôr muôx ntux lok nas mak pêz tso chor nênhs nhoz đôiv phax tar ntux têz ruôr hiêv hâur jêx jok muk hêik lok sik yax kriê đhâu têx loa trâu pêx xênhv sơưr đơưk pâuz tsik muk uô liêx têz, muk mak tsik pư ntơưv têx liêx têz, lok sik muôx ntux lok nas lox mak tsik tsuv muk đêz tsêr”./.

Trịnh Xuân-Lik Thox cxêik nhênhv

Iz lênhx pox niêv chiv chir xênhz zus mê nhuôk hâur tsêr, lok nyar ntâu viv li nhiv kruôr tâu chox muk chơưv kho ntơưv tsêr kho moz đa khoa tỉnh Điện Biên, thiêz chơưv tâu yênhx côngz. Uô ntêx co, hnuz 12/4 tsêr kho moz jênhv tâu xor mông, thix ziv paz txưv txix Tsênhv quư y tế huyện Mường Nhé lok lênhx pox niêv no. Lênhx pox niêv no xênhz zus tul nhuôk tiv 3, 2 jiês uô ntêx mak feik muôz mê nhuôk taz sik tsi chuv tôngv muk tsênhv qơư y tế seiz shuôk mak ho chiv chir xênhz zus hâur tsêr. Thâuv muk tsêr kho moz, nênhs moz tưz lok six hnhar; lok nyar lok six ntâu. Đhâu iz ntu chơưv kho, lênhx pox niêv no đas jos tưz jông đuô tuôx, tâu tso muk tsêr hnuz 25/4. Bác sĩ Ngô Thị Nhung, tsar kho xênhz zus nhuôk, tsêr kho moz đa khoa tỉnh Điện Biên heik: Tas nro têx pox niêv tsuv yax six sez shuôk tas jos xênhz zus mê nhuôk, tsi xênhz zus nhuôk hâur tsêr, chiê taz por đas jos, taz por txox siê trâu niêv thiêz mê nhuôk./.

Vũ Lợi-Txâur Vax cxeik nhênhv

Ntâu doanh nghiệp du lịch ntơưv Lào Cai, tiv zix zos têx qơưk uô jâuz mor nox, nhoz so, homestay tsênhv njiz trâus phiv liv txix têx cui tênhv lok phax tar tơưs cuz. Têx kror phiv liv phênhv ntâu zos cik txos Chinhr phuv li Nghị định 136 shông 2020 uô tsênhz mênhx đuô Chêi phax cuz tuô cuz thiêz Thông tư 06 Bôv Cxiv tsa lok Ngaz tuk phax cuz tuô cuz đros thiêz têx tsêr nhoz, côngz trinhx. Lơưr Đại tá Bùi Hồng Tuấn, Trưởng phòng Cảnh sát Phax cuz tuô cuz thiêz zok nriêr chơưv paz-Công an tỉnh Lào Cai, tas nro tỉnh nhiv no muôx zuôr xar 1.700 qơư tsuv sêiz car lok phax cuz, tuô cuz lok vênhx huôv, du lịch; hâur co, muôx 900 ntâu qơư kinh doanh nhoz so. Đhâu qênhz yuôx, chuôs li tas nro cxuô kror qơư puôr lênhx tsik tâu taz por cxuô kror lok phax cuz tuô cuz; taz sik, uô ntêx mak nhiv kruôr zos hêik pâuz, kruôz kriê xưz./.

An Kiên-Lik Thox cxêik nhênhv