Zar hnuz kêix xiêz 4/8, ntơưv tỉnh Phú Thọ, Phưv Thủ tướng Chính phủ Hồ Quốc Dũng tưz đros dự hâur jiês cơưv uô trơưk Bộ Chính trị Nghị quyết 57 lok huôv tsar khoa học, công nghệ, xar tơưv ntâu hâux lưv jông, hlôngr yiêz số. Hêik hâur jiês cơưv, Phưv Thủ tướng cux muôx luk kruôk txos Phú Thọ uô tâu truôx luôs hâux lưv huôv tsar uô nox, nhiêx txiêx tsar ndê 10% 6 luz hli hâur shôngk shông thiêz sơưr tiv 3 pir li cxuô tỉnh hâur têz qơưs. Phưv Thủ tướng cux hêik, hâu nov tỉnh Phú Thọ tsuv tror sir jos uô truôx jông hâux lưv hlôngr yiêz số, huôv tsar công nghiệp, công nghệ cov px muôx phênhv sâu tâu thiêz muôx txâuk chor nênhs txux chi siêz uô hâux lưv.

Ndax trâu ntu no, tỉnh Phú Thọ tưz tso tơưv qơư uô siv-huôv tsar uô nox, 90 hnuz cxiv kho dữ liệu tỉnh cov huv đros./.

Tsu cxêik nhênhv-Đinh Tuấn-Lan BT

Hâur hmo xiêz 04/8, tỉnh Sơn La lok nas lox, muôx kênh qơư lok nas lok six hloz. Trơưk li Ban seiz car phax tar têx tsi jông tỉnh Sơn La ntâuk grê, têx ar, poz jêz kror cxiê qơư tưz cxênhv đêx tas, têx thax tsav tox siêz zôngx ziv trâus tu xưz.

Txix ntux txơưr txar têx phiv liv, zơưv Nguyễn Thành Công, Phưv Chủ tịch Ủy ban tỉnh Sơn La tưz chox kriê cxuô lưv lươngv muôx vax huôv thiêz ntơưv qơư fuô uô tsưr ziv phax tir thêir zênhx max nas lox; tso nênhs nhoz trơưr ntơưv qơư hâur yênhx hnuz hmo, sir jos qênhz shuôs têx qơư tsi yuô truôx khor chiê sei đrơưv yêik txar pêx xênhv muk nhoz qơư truôx tuk, iz chas ntơư hu zâuv chor tuz lênhv, công an thiêz tso yêz muk đros paz pêx xênhv chiê truôx tuk trâu sơưr đơưk hâur ntu lok nas lox, zôngx ziv muôx tox xưz poz: “Heik zênhx max txos trâu tas nro chor xã, phường nhoz hâur thax tsav lok nas lox hmo no chiê  chiê cxuô xã phường tso nênhs nhoz trơưr ntơưv qơư, zênhx amx heik trâu tỉnh pâuz lok têx zôngx ziv trâus đêx nas uô ruôr hiêv thiêz bax lênhx nênhs lơưr tsưr ziv 4 ntơưv qơư chiê khưx phưx têx tsi jông tiv đêx nas uô; heik trâu sơưr đơưk pâuz txos têx qơư tsi truôx khor, cxuô xã phường txưr tsi khênhr lênhx nênhs tưs muk lol đhâu chor thax tsav, suôv qơư muôx đêx huôv lox thiêz cưx đês cưx ha, tsas đêx, đêx lox”./.

Trấn Long– Riê Lâux cxêik nhênhv

Đhâu iz hnuz siz chos côngv cxiv kho, thoz huk têx trâus đêx nas uô ruôr hiêv, txos trâu 7 six tsâuk ntux hnuz xiêz 4/8, txox cêr muk trâu cxuô luz jêx jos Tân Phượng; Khiểng Khung, xã Lâm Thượng, tỉnh Lào Cai yêz tưz muk lok tâu đhâu, paz tâu trâu yênhx puô chuôz zis hla đhâu têx phiv liv.

Uô ntêx co, đhâu coz nas lok lox truz ntêr hnuz, hmo xiêz 3/8 txox cêr co tưz trâus poz ntâu ntu. Lar hêik zos sâuv đơưv trôngz cxaz nhoz đruôz đraz jos Khéo Lạnh; jos Tân Phượng, muôx 2 cxênhz ntâu khối ar, poz jêz poz lok cxuz txox cêr co, yêz thiêz yênhx puô chuôz zis muk lok tsik tâu đhâu./.

                                      Tsu cxêik nhênhv-Thừa Xuân-Lan BT

Cơ quan txiv ngaz qênhz yuôx Công an tỉnh Lào Cai nhiv kruôr qênhz yuôx, uô tsênhz mênhx 3 lênhx nênhs sir zôngv fov pa tưx uô chiê tuô nôngk tsi trơưk chei ntơưv xã Chấn Thịnh, sâu tsês tâu 2 traz fov pa đros ntâu chuôz zênhx cik txos. Đhâu qênhz yuôx xav tinhv, Trần Mạnh Cường, xênhz shông 1986, nhoz đrôngs Hà Nội thiêz Nguyễn Quốc Việt, xênhz shông 1991, nhoz xã Cát Thịnh, tỉnh Lào Cai zos 02 lênhx nênhs buôk ti sir zôngv fov pa chiê tuô nôngk; Lương Quang Khánh, xênhz shông 1983, nhoz xã Văn Chấn, tỉnh Lào Cai tsar yêz lox thiêz paz khơưk têx nôngk tuô tâu ntơư. Txơưv chor nôngk trâus tuô co tsi zos têx nôngk muôx grik, zôngx ziv trâus pôngz nôngz taz sik sir zôngv fov tưx uô zos uô cxâuv chei têz qơưk; zôngx ziv tsi truôx tuk. Nhiv no Công an tỉnh Lào Cai tsênhv tror qênhz yuôx chiê uô tsênhz mênhx thiêz muôz tik cêr cxâuv trơưk chei têz qơưk cui tinhv./.                                                   

 Đinh Tuấn– Riê Lâux cxêik nhênhv