Hôiv đôngx tỉnh Lai Châu khóa XVI nhiv kruôr thôngz đhâu 16 nghị quyết zov chênhr ntơưv jiês cơưv tiv pêz, paz trâu kriz uô têx tsưr ziv huôv tsar kinh tế - xã hội ntu 2026 - 2030. Lar heik, zos têx nghị quyết cik txos yưv pênhr côngz, muôz pênhr uô têz qơưk têx tsaz yênhx, hlôngr tsưr ziv sir zôngv jôngr phưx vưv têx dưv anr zov chênhr thiêz cuiz tênhv biên chế shông 2026. Bí thư Tỉnh ủy, Chủ tịch Hôiv đồng tỉnh Lê Minh Ngân heik cxuô cấp, nganhx sêi đrơưv uô tsênhz mênhx nghị quyết yênhx tsaz yênhx, hâux lưv tsênhv tsênhz, nzor muôz têx quyết sách lok uô hâur luz nênhx, paz trâu thax tsav qơư huôv tsar sêi, hur jông thiêz truôx đrênhk./.

Khắc Kiên - Lik Thox cxêik nhênhv.

Đhâu têx hnuz khiêr đreiv đhâu đêx nas cuôr yôngz, tox xưz poz, tsôngv box thax tsav đêx cuôr cuôr Mường Than, tỉnh Lai Châu tưz tror siz zâuv lok têx vax tsêr , jux juk truôx tuk luz nênhx. Hâu nov ntơưv qơư tsênhv zênhx max fuô uô luôs hâux lưv paz cxiv tsa qơư nhoz yiêz trâu chor chuôz zis nhoz thax tsav zôngx ziv muôx tox xưz poz; txos nhiv no tưz choz zok 7 hâur tas nro 24 luz tsêr trâu pêx xênhv nhoz thiêz sir jos uô cov tiêr tas nro uô ntêx hnuz 15/8. Đros trâu têx li heik co, 6,5 tiv đêiv ntâu đros ntâu zav nox, chuôz zênhx zos têx tsưr tsix, nênhs siêz jông paz tuôx tưz tâu pheiz puz txos trâu chor chuôz zis trâus ruôr hiêv, paz tsôngv box nzor truôx tuk luz nênhx đhâu đêx nas uô. Zơưv Hoàng Phi Hùng, Phưv Chủ tịch UBND xã Mường Than, tỉnh Lai Châu puz pâuz: “Iz chas  txoz cxơưx trâu pêx xênhv muôx qơư nhoz truôx, muôx txâuk zav nox xuz thơưx, xã thiêz têx cơ quan, ban nganhx hâur tỉnh cux tưz bax tsưr ziv  paz pêx xênhv muôx tsưr ziv huôv tsar uô nox truôx, li: khưx phưx, kho têx liêx têz blêx, liêx têz uô kôngz tsênhv trâus ruôr hiêv. Iz chas co, xã cux zuôr sir jos sik côngv têk, hu zâuv têx tập đoàn lox li Mavin, Đại Dương chiê kriz uô têx qơư công nghiệp, tsêr meir ntok ntâuz, xơưs tsôngk tril yo lok sik qơư tsiv uô zav nox, chiê  paz hlôngr pâur hâux lưv uô trâu pêx xênhv”./.

Khắc Kiên – Riê Lâux cxêik nhênhv

Đhâu ntâu six hơưv sir jos zok nriêr, lưx lươngv muôx vax huôv tưz zok nriêr tâu tas nro chor nênhs trâus đêx cuôr yôngz zos 3 lênhx nhuôs zâu ntơưv xã Gia Phù, tỉnh Sơn La. Li tưz tso mông uô ntêx co, zar hnuz kêix xiêz 1/8, ntux nas lox muôx yưv sâuv thax tsav xã Gia Phù, tỉnh Sơn La. Txos thâuv 7 six tsâuk ntux, pêx xênhv pov iz luz yêz meir pôngz trâu hâur đêx ntơưv jok Chéo Bau thiêz hêik trâu chinhr quyênx ntơưv qơư pâuz. Đhâu co, chuôz zis sik côngv đros chor nênhs nhoz jok Chéo Bau tsưr tsix zok nriêr thiêz xav jênhv muôx 3 lênhx nênhs pôngz plox mông.

Đhâu ciês txeik tâu xor mông, Ủy ban xã Gia Phù tưz huiz tôngv lưx lươngv công an, quân sự, dân quân, đros pêx xênhv hâur jok kriz uô côngz xưv nriêr zok lơưr tsưr ziv "4 ntơưv qơư".

Đhâu qênhz yuôx puz pâuz, lênhx nhuôv T.T.L, xênhz shông 2012, tsar yêz meir thâux đros oz lênhx nhuôv zos T.T.N, xênhz shông 2021 thiêz T.T.T, xênhz shông 2023 muk uô liêx têz taz sik tsi pov tror lok tsêr. Hmo xiêz 1/8, lưx lươngv muôx vax huôv tưz zok nriêr tâu oz lênhx nênhs trâus tuôs zos T.T.L thiêz T.T.N. Txos tas cik hnuz xiêz 2/8, T.T.T thiêx tâu nriêr pov kuôk qơư yêz meir pôngz hâur đêx muôx nhos 4 cêik cêr. Hâu nov ntơưv qơư tưz uô tiêr têx ntâuz ntơưr choz zok chor nênhs no trâu chuôz zis chiê uô đaz uô kruô trơưk phôngz cxưx ntơưv qơư thiêz tsưr tsix seiz nus, paz trâu chuôz zis./.

Trấn Long - Lik Thox cxêik nhênhv.

Công an tỉnh Điện Biên hêik pâuz, txix hli 5 shông 2026 txos nhiv no, taz viv tưzqênhz  pov thiêz xưv bluô zuôr xar 50 lênhx nênhs hêik, tso têx xor mông tsik jông sâuv mạng xã hội. Đhâu qênhz yuôx, lưx lươngv muôx vax huôv tưz xưv bluô 4 lênhx nênhs, heik kriê 33 lênhx cov tsi cxoz uô nzir têx jông li heik sâuv; yuôr têx lênhx txơưr đuô tsênhv tror tâu uô tsênhz mênhx. Công an tỉnh cux hêik pêx xênhv gra siêz tsưr ziv jênhv pâuz thâuv sir zôngv mạng xã hội, qênhz yuôx xor mông uô ntêx thâuv zuôr heik kriê lok sik tso têx xor mông, tsik đros luôs lưv tus  tso têx xor mông tsik trơưk chei, paz cxiv tsa tênhx qơư mạng xã hội truôx tuk thiêz jông./.

Vũ Lợi – Riê Lâux cxêik nhênhv