Đhâu iz shông kriz uô chinhr quyền oz cấp, tỉnh Điện Biên tưz txo grêk txix 129 txos yuôr 45 taz viv hành chính cấp xar, paz uô ntov jông bôv mêir, phưx vưv tâu jông trâu pêx xênhv. Taz sik, chor hâux lưv nhoz cấp xar tsar ndê ntâu, hok iz cxiê thã tsav qơư cux tsênhv muôx tsik tâu txâuk chor canr bôv uô hâux lưv huv đros, chôngz lênhx nênhs tsuv uô ntâu kror hâux lưv. Chiê đơưk kho, tỉnh Điện Biên tưz tso nzir canr bôv txix cấp tỉnh lok paz, đros co chuôz cxaz kriê nzir txux chi trâu chor canr bôv. Têx tsưr ziv no tưz paz gra siêz txux chi uô hâux lưv trâu chinhr quyền cấp xar, tax tâu uô lơưr chinhr quyền yiêz. Zơưv Lê Đình Tuyên, Phưv Giám đốc Sở Nội vụ tỉnh Điện Biên puz pâuz: “Tỉnh cux tưz muôx ntâu tsưr ziv paz trâu uô hâux lưv cấp xar cov jông đuô li kriê nzir txux chi uô hâux lưv, nriêr pâuz chor côngz chức Đảng, đoanx thêv, chinhr quyền chiê muôx tsưr ziv txar qơư uô hâux lưv huv đros. Iz chas co zos chuôz cxaz canr bôv cấp tỉnh lok chor xar uô jênhv vưv sir zôngv công nghệ thôngz mông hâur đơưk kho, uô têx hâux lưv. Txix co cux tưz paz txo grêk lok six ntâu hâur uô têx jênhv vưv nhoz cấp xar”./.

Vũ Lợi-Lik Thox cxêik nhênhv

            Tas cik hnuz xiêz 3/6, HĐ tỉnh Lai Châu khóa 16 six cxiv 2026-2031 krêz uô jiês khiêz phêv tiv 3 đros tsưr ziv khiêz phêv ntơưv qơư thiêz txuôk txos têx xã, phường sâuv thax tsav tas nro tỉnh. Ntơưv jiês khiêz phêv, HĐ tỉnh seiz shuôk, sik seiz lax thiêz thôngz đhâu 10 nghị quyết chuyên đề, chêx chôngk lok 4 vênhv thix tsênhv muôx: huiz tôngv thiêz sir zôngv muôx chêx cuk têx pênhr jos nhiêx txiêx; tror hlôngr yiêz cxix luôk chính trị txix tiv phaz; seiz shuôk chủ trương hlôngr qơư tsov txos lok sir zôngv jôngr phưx vưv têx dự án zaoz thôngz tsênhv; thôngx cxix seiz shuôk, uô tiêr tỉnh li ntâuz ntơưr quy phạm pháp luật. Têx teiv plor cux mnôngs ntâuz ntơưr, dự thảo nghị quyết thiêz pov cov qênhz yuôx cik txó cơ chế nhiêx txiêx, nhiêx phí, seiz car nriêr zok khoáng cxax, paz KHCN, hlôngr yiêz xar tơưv thiêz côngz xưv bax uô dự án cêr muk chênhr Bảo Hà-Lai Châu. Đhâu jiês krêz uô, jiês khiêz phêv tưz sik seiz lax ntơưv tuêv chiê uô tsênhz mênhx têx njiêz luv uô ntêx thâuv seiz shuôk, thôngz đhâu lơưr vax huôv./.

Khắc Kiên-Txâur Vax cxeik, nhênhv

              Ntâu shông đhâu, yênhx cxênhz ziv chuôz zis ntơưv chor jok Đá Chồng, Khe May, Khe Mạ, Đồi Hồi, Khuôn Gió, Ngòi Vồ (xar Yên Bình, tỉnh Lào Cai) luz nênhx zos khov trâu chos ntông keo, bồ đề, bạch đàn. Thâuv ntêx, kriz uô thiêz sâu zuôr muôs têx ntông lok six zôngx ziv thâuv tsuôk muôx tâu chinhr quyền lok sik kiểm lâm li xav jênhv. Taz sik, txix hâur shôngk shông 2026, uô lơưr têx cui tênhv yiêz lok chor ntông, nhiêx sê thiêz zuôr muôs lơưr Cục Nhiêx sê Nghị định 68/2026, Thông tư 26/2025 thiêz Công văn 949 tưz uô trâu ntâu ziv chuôz zis thiêz doanh nghiệp njiz ntâu phiv liv hâur uô têx ntâuz ntơưr. Ntâu thax tsav jôngr txos chêix sâu taz sik muôx tsik txâuk ntơưr sir zôngv ar viv li lax sâu muôs lok sik trâus nhov gri, hok doanh nghiệp cux cxơưx viv muôx tsik txâuk têx ntâuz ntơưr. Li Pos Lương Thị Minh ziv chuôz zis nhoz jok Đá Chồng muôx 7 héc ta ar chos jôngr, taz sik nhiv kruôr muôx 2 héc ta ntâu muôx ntơưr sir zôngv ar, uô trâu muôx tsik txâuk chor ntông muôs chiê uô thiêz muôs tơưv saz đrâuv têz qơưk: “Têx shông thâuv ntêx mak zôngx ziv muôs xưz, tsik njiz phiv liv li chak. Taz sik jê no, chuôz zis cux tưz njiz trâus iz cxiê phiv liv tiêk chuôz zis tsuv muôx ntơưr zos ar har jôngr, photo căn cước, photo ntơưr vax ar jôngr chiê uô qơư nriêr pâuz lok chor ntông. Ntơưv pêz jok no tsik zos cur chuôz zis xưz mak lok six ntâu ziv chuôz zis cux njiz li no. Muôx têx chuôz zis oz pêz héc ta taz sik tsik muôx iz kror ntâuz ntơưr tưs hlo viv li tsik muôx nênhs zuôr”./.

Thừa Xuân-Lik Thox cxêik nhênhv

             Tas cik hnuz xiêz 3/6, Ban chox kriê lok nriêr thiêz chêx chôngk, xav tênhv xor mông têx liệt sĩ li poz cxa tỉnh Sơn La tsưr tsix tso pax, hlơưr shaz ntơưv Qơư nza liệt sĩ phường Tô Hiệu, ndo txos têx zênhz shôngx liệt sĩ tưz sir tas đas jos trox nya por vêv têz qơưk. Uô 500 hnuz hmo nriêr, chêx chôngk thiêz xav tênhv têx poz cxa liệt sĩ li xor mông, tỉnh Sơn La tsênhv cxơưz tiês muôz ADN njuôs siv chiê xav tênhv xor mông. Tas nro tỉnh nhiv no muôx 1 cxênhz 900 ntâu nza liệt sĩ ntơưv 14 qơư nza, hâur co muôx 587 luz nza tsi tâu xav tênhv tâu xor mông liệt sĩ. Lơưr tsưr ziv, txix hnuz xiêz 4/6, tỉnh zuôr krêz uô hâux lưv muôz ADN ntơưv qơư nza liệt sĩ phường Tô Hiệu thiêz sir jos uô tiêr hâux lưv no đros 587 liệt sĩ li chor paz cxa tsi tâu tâu xav tênhv tâu xor mông hâur 7 qơư nza sâuv tas nro thax tsav uô ntêx kaz hli 8/2026./.

Trấn Long-Txâur Vax cxeik, nhênhv