Zar hnuz kêix 26/5, nhoz tsaz yênhx uô côngz xưv ntơưv tỉnh Điện Biên, Phưv Thủ tướng Chinhr phuv Phạm Thị Thanh Trà đros đoàn côngz xưv zuôr hlơưr shaz ntơưv Qơư txi côngv Đại tướng Võ Nguyên Giáp nhoz xar Mường Phăng. Đoàn tưz tsês iz phênhz shov chiê ndo txos lênhx Tổng tư lệnh no, lênhx nênhs tưz paz trâu Ntâuk zênhx Điện Biên Phủ nto bê sâuv ntiêx têz. Qơư txi côngv nhoz hâur thax tsav Di tích lịch sử têz qơưk qơư ntâuk zênhx tros châuz ntơưv Điện Biên Phủ, jê qơư Chỉ huy Côngz xưv ntâuk tros châuz ntơưv Điện Biên Phủ nhoz ntơưv Mường Phăng. Trơưk tsaz yênhx, têis cik 27/5, Phưv Thủ ntướng dưv Ntênhk uô đaz uô kruô trâu chor liệt sĩ ntơưv Qơư kuô nza liệt sĩ Tông Khao thiêz uô hâux lưv đros Ban Thường vuv Tỉnh ủy Điện Biên./.

                                                                                                              Vũ Lợi-Lik Thox cxêik nhênhv

5 luz hlik hâur shôngk shông 2026, kinh tế xã hội tỉnh Sơn La tror huôv tsar uô tâu jông. Phênhv sâu tâu hâur 3 luz hlik txix hli 1-3 njuôk xav tâu 14 cxênhz 500 tyv đeiv ntâu, tsar ndê zuôr xar 98% pir li shông uô ntêx, sơưr tiv 8 hâur 34 tỉnh, TP hâur tas nro têz qơưk. Ngênhx kinh tế huôv tsar truôx jông, hâur co ngênhx dịch vụ tsav ntâu đuô hur si, xar muôx 44% T.Ư tsưr ziv njuôk xav. Sâu nhiêx txiêx ntơưv qơư 5 luz hlik njuôk xav tâu 2 cxênhz 210 tỷ đeiv ntâu, bâuv 46% T.Ư tsưr ziv njuôk xav. Tỉnh tưz cir ntơưr yưv pênhr uô 13 dưv anr, xav hur si pênhr đas cir 21 cxênhz ntâu tỷ đeiv. Muôz têx nhiêx yưv pênhr côngz tâu iz cxênhz 300 ntâu tỷ đeiv, bâuv 28% tsưr ziv tso tơưv. Hâur ntu zuôr txos, Sơn La tror đơưk tu têx phiv liv trâu huôv tsar uô lax luôv, hlôngr yiêz tênhx qơư yưv pênhr uô, cxơưz cxiz uô sei têx dưv anr zov chênhr, lar heik zos cêr muk chênhr Hòa Bình-Mộc Châu ntu đhâu thax tsav tỉnh./.

                                                                                                             Trấn Long-Riê Lâux cxeik, nhênhv

Jiês thik cơưv tiêr ntơưr cxênhx pêz shông 2026 ntơưv Lào Cai pov chor shux xênhz tsar ndê ntâu đuô oz jiês đros xar muôx 20 cxênhz lênhx shux xênhz dưv thik ntơưv 58 qơư thik. No zos shông xuz thơưx thax tsav qơư tsử rtsix thik tưr lox đar li no đhâu chiê oz luz tỉnh lok uô cê, kriz đar thax tsav tỉnh thiêz uô lơưr chinhr quyền oz cấp. Kror yiêz shông no zos tsik yuôr Ban chox kriê cấp huyện, hlôngr trâu co zos côngz xưv sik côngv, bax cxuô kror chiê kriz uô ciês txix Sở Zoz zux đros Ủy ban 39 xar, phường qơư muôx shux xênhz thik tưr. Tỉnh Lào Cai cux hêik pâuz kriz uô truôx jông Ban chox kriê thik tưr têz qơưk li tsưr ziv “4 zos-3 tsik muôx” chiê paz trâu jiês thik tâu tsưr tsix ngaz tuk, huv chêi, paz trâu chor shux xênhz uô tâu jông têx jax thik. Zơưv Đỗ Minh  Tâm – Phưv Giám đốc Sở Zoz zux tỉnh Lào Cai hêik pâuz:“Hâur co “4 zos” zos huv chêi thiêz kriê thik, zos thiêz txâuk cxuô kror, huv zos txơưx jênhv tâu choz, huv six hơưv chiê xưv lik tâu têx kror muôx yưv. Thiêz “3 tsik muôx” zos tsik tso siêz, tsik cxơưx hênhr thiêz tsik tưx xưv lik têx phiv liv muôx yưv”./.

                                                                                                               An Kiên-Lik Thox cxêik nhênhv

Phongx Cảnh sát qênhz yuôx nênhs zuôr muôs zax zênhz tsi trơưk chei, công an tỉnh Sơn La nhiv kruôr ntêk tâu Kruô Xaz Xênhv Shôngx, xênhz shông 1953, nhoz jok Bua Hin, xã Mường Hung, tỉnh Sơn La lok sâuv zuôr muôs zax zênhz tsi trơưk chei. Têx chuôz zênhx sâu tâu muôx 200 ntâu njiêr yuôx shơư zênhz, 24 gam zênhz đuz, 4 traz fov, 560 luz muôk txưr thiêz ntâu chuôz zênhx txơưr đuô cik txos. Kruô Xaz Xênhv Shôngx zos lênhx tuôr hâur txuz zuôr muôs, uô luôv zax zênhz tsi trơưk trâus Công an tỉnh Sơn La ruôr por tsês lok hli 01/2026, lênhx nênhs trâus ntêk zos Bả Lôngx Xênhv Hơưx, xênhz shông 1988 nhoz jok Kéo Co, xã Mường Hung. Đhâu qênhz yuôx nzir, cơ quan muôx vax huôv tror ntêk zênhx max tâu Jêz Xênhv Lâux, xênhz shông 1992, zos Lôngx pos niêv; Cầm Văn Hải, xênhz shông 1988 nhoz ntơưv Sơn La; Trần Lê Sơn, xênhz shông 1980 nhoz Quảng Ninh; Lê Minh Dương, xênhz shông 1985 thiêz Hoàng Mạnh Hùng, xênhz shông 1980 puôr lênhx nhoz uô cê ntơưv tỉnh Thanh Hóa, sâu tsês tâu ntâu zav zax zênhz. Nhiv no txuz nuv co tsênhv tror tâu qênhz yuôx chiê uô tsênhz mênhx./.

                                                                                                                   Thu Thùy-Riê Lâux cxeik, nhênhv