Tỉnh Sơn La nhiv kruôr tso tơưv cui tênhv yiêz cxaz nzir trâu ntâu tsênhv chêi paz trau chor chuoz ziv trâus têz qơưs sâu ar; lar hêik zos chor chuôz zis muôx luz nênhx txov nhêv. Trơưk li UB tỉnh Quyết định số 14 shông 2026, chor chuôz zis trâus têz qơưs sâu ar hâur ntu uô ntêx, tsuv riêr qơư thiêz paz cxiv uô tsêr trâu, paz 1-3,5 triệu nhiêx iz chuôz zis iz luz hli, trơưk têx thax tsav qơư. Chor chuôz zis muôx txix 5 lênhx nênhs, tâu têz qơưs muôz nzir 500 cxênhz đêiv nhiêx iz lênhx/iz luz hli. Hâur ntu paz zos thâuv têz qơưs tsênhv zok nriêr tsik tâu ar trâu nhoz truôx qơư.

Đros co, tỉnh cux muôz nhiêx paz trâu chor chuôz zis muôx côngz têz qơưs txix 4,5 txos 6 triệu iz chuôz zis; paz 4 triệu trâu chor chuôz zis pluôs, thâuv tsênhv yêik qơư nhoz. Lar hêik, quy tênhv yiêz no uô mênhx phênhv nhiêx paz trâu chor chuôz ziv cxiv uô tsêr, têx ar tsik trâus têz qơư thêv nhiêx huv đros têz qơưs têx chêi tso tơưv./.

                                                                                                                    Tsu cxêik nhênhv-Trấn Long-Lan BT

Tỉnh Phú Thọ nhiv kruôr muôx Quyết định sôr 1578 lok Đề anr Tsưr tsix “Hnuz hôiv Vênhx huôv Phú Thọ” ntơưv saz đrâuv têz qơưk thiêz “Hnu hôiv vênhx huôv saz đrâuv têz qơưk” ntơưv Phú ntu 2026-2030. Đề anr li tsưr ziv zos sir jos hâur yênhx shông, tỉnh tsưr tsix tsơưs tiv zix 1 xor xưv “Hnuz hôiv vênhx huôv Phú Thọ” ntơưv saz đrâuv têz qơưk thiêz xor xưv “Hnuz hôiv vênhx huôv saz đrâuv têz qơưk” ntơưv Phú Thọ. Thôngz đhâu co, paz kriz uô chor luôs hâux lưv li: piêr pâuz txos têx đuôz lok tỉnh Phú Thọ thiêz têx tsiv gri vênhx huôv trâu sâuv ntiêx têz pâuz; chuôz cxaz txêik jênhv, sik njiz thiêz hêik txos têx tsiv gri ntiêx têz trâu ntơưv thax tsav qơư. Cxơưz cxiz sik côngv ntiêx têz oz tos sâuv cxuô kror; zaz zâuv yưv pênhr, huôv tsar du lịch thiêz kriz đar ciêz đrôngs; chuôz cxaz sik njiz pêx xênhv thiêz sik côngv côngv thôngx ntiêx têz; sir jos uô jông tỉnh li côngz xưv sik njiz vênhx huôv./.

                                                                                                                   VOVTB-Lik Thox cxêik nhênhv

Đhâu txuz nhiês xor mông quan trắc tênhx qơư, tỉnh Lào Cai tưz uô truôx jông hâux lưv qênhz yuôx hệ thống quan trắc hâur thax tsav, sêiz car  tsik chiê uô ruôr hiêv txos tênhx qơư. Đhâu chor nênhs nhênhz chơưv sở kôngz nuv-Tênhx qơư tỉnh Laox Cai hêik pâuz: Muôx 8 hâur 14 đơn vị tâu qênhz yuôx pov uô têx tsik tâu huv đros; iz doanh nghiệp trâus bluô 180 triệu nhiêx. Đhâu qênhz yuôx pov muôx yưv têx tsik jông hâur  máy. Chênhr zos li hêik co, chiê tir thêir têx tsik jông nhiês xor mông quan trắc, tỉnh Lào Cai tsênhv taz tov uô truôx jông cxuô faz tsưr ziv tir thêir, chiê truôx tuk lok công nghệ thiêz qênhz yuôr hâur hệ thống quan trắc tênhx qơư. Pos Ngô Thị Liên Anh, Phưv Chi cục tsar chi cục Tênhx qơư tỉnh Lào Cai hêik pâuz: “Chiê uô truôx jông lok chuôz zênhx qênhz yuôx, sêiz njuôk shuôk, cux tâu cán bộ Sở kôngz nuv kriê txuôk đros. Chi cục Tênhx qơư hêik, cxuô faz tsưr ziv sir công nghệ chiê tir thêir têx tsik jông”./.

                                                                                                                      Tsu cxêik nhênhv- An Kiên-Lan BT

Ntơưv jok Pa Kha, xar Lóng Luông, tỉnh Sơn La, Phòng Cảnh sát zoz thôngz Công an tỉnh Sơn La sik côngv đros Công an xar Vân Hồ nhiv kruôr cxov tâu Nguyễn Văn Tiến, xênhz shông 2003, nhoz ntơưv xar Tân Khánh, tỉnh Thái Nguyên lok kror cxâuv huôz nox. Uô ntêx co, txêik tâu mông txix Công an tỉnh Thái Nguyên hêik pâuz muôx nênhs huôz nox thiêz khiêr gâuv chêix yêz kruô txix Hà Nội trâu Sơn La, lưx lươngv muôx vax huôv tưz tsưr tsix qênhz shuôk chor yêz lok muk đhâu sâuv thax tsav. Đhâu qênhz yuôx, công an sâu tâu txix lênhx nênhs no iz trax triêv, iz luz điện thoại thiêz pov muôx nzir 20 luz điện thoại iPhone ntiv hâur hnaz. Lênhx nênhs no hêik pâuz tiêk tưz huôz chor điện thoại co ntơưv iz qơư muôs điện thoại ntơưv tỉnh Thái Nguyên. Nhiv no txuz hâux lưv tưz tâu choz zok trâu Công an tỉnh Thái Nguyên tror qênhz yuôx, nriêr pâuz trơưk chêi têz qơưk cui tênhv./.

                                                                                                            Thu Thùy-Lik Thox cxêik nhênhv