Ntơưv jos Chiềng Đi 2, xã Vân Hồ, tỉnh Sơn La, nhiv kruôr tsưr tsix hnuz ntênhs “Viv truôx tul trâu jêx jos”. Tsaz yênhx zos Cục thôngz xor mông Công an sik côngv đros Công an tỉnh Sơn La, Tổng công ty Mobifone tsưr tsix. Đeix nta suôz VN cxaz chuôz iz qơư piêr kriê hâur têx chiz coaz, taz viv li qơư piêr kriê. Têx qơư co piêr kriê têx xiv huv pov tsir, điện ảnh, heik kriê têx xiv huv vênhx huôv tiv phaz; vênhx huôv côngv thôngx thiêz ntênhs ciêz tox siêz nhoz Tây Bắc. Hnuz ntênhs cux yax mông lok côngz xưv taz por txiv ngaz mênhx cxưx, tôn giáo, phax tar têx luk heik tsi jông, tsi zos uô tuôr xuôv txos cêr niêv côngv siêz mênhx cxưx; yax mông tơưv txênhz phax tar zax zênhz, têx huôx tôngv nziês đas sâuv mạng...kruôk txos têx lênhx nênhs jông, hâux lưv uô tâu jông hâur phongz yaox Tas nro tsôngv px por vêv txiv ngaz têz qơưk...Nhoz hâur tsaz yênhx, Đeix nta suôz VN muôx iz qơư piêr kriê tso phim cxeix laov 80 shông yênhx lix Đeix nta suôz VN, tso tsaz yênhx số 1 thiêz số 2 nta suôz luk Hmôngz “Truôx tul trâu jêx jos”. Đros ntâu huôx tôngv li siv uô nênhx chox luk sâuv Đeix, heik cưr cxiêx đros VOV, khơưk muôz huv, cài app đeix nta suôz VN li: VOV news, VOV live, VOV međia...Niêv lâuk Sùng Y Sống mênhx cxưx Hmôngz nhoz jos Co Chàm, xã Vân Hồ, tỉnh Sơn La shir phaz heik:“Đeix nta suôz Vn li qơư piêr kriê cur tâu cài app VOV, tâu khơưk muôz huv, shir phaz đuô zos nhiv no sâuv zuk luz điện thoại, txơưv nhoz tưs cux krêz tâu Đeix VOV chiê mnôngs xor xưv, tiv zix zos tsaz yênhx nta suôz luk HMôngz”./.

                                                                                                           Trấn Long-Txêik nhênhv

          Ủy ban tỉnh Sơn La nhiv kruôr đros Vietnam Airlines thiêz cxix luôs phênhz WinCommerce, Saigon, Co.op, Go! Tsưr tsix “ntênhs muôz têx txir khơưz nyar Sơn La muôs sâuv têx yêz za phưx vưv tsôngv kruô thiêz phênhz pheiz muôs hâur WinCommerce, Saigon, Co.op, Go!”. Sơn La nhiv no tsênhv tsưx phưv truôx 05 thax tsav chos txir khơưz nyar. Chiê gra siêz gri têx xiv huv ntơưv qơư, tỉnh Sơn La tưz choz trâu Tsênhv qơư cxơưz cxiz yưv pênhr, muôv muôs thiêz ju lix tỉnh đros Sở Kôngz nuv thiêz Tênhx qơư xeir tsov taz viv côngz iz cxênhz cir txir khơưz phưx vưv tsôngv kruô sâuv têx yêz za. Tsi tiêk muôx muôs sâuv chor yêz za, txir khơưz nyar Sơn La shông no tsênhv tâu phênhz muôs hâur WinCommerce, Saigon, Co.op, Go! Thiêz!, chiê buôk ti tâu txos ntâu tus chôngz lênhx nênhs sir zôngv hâur tas nro têz qơưk đhâu sâuv mạng XH, lar heik zos ntơưv ciêz đrôngs faz Nam./.

                                                                                                        VOV-Riê Lâux cxeik, nhênhv

9/ Cheix ntux lok nas mak têx ndêz, têx đrox zuôr tuôx ntâu. Tiv zix, hâur hlik hli 5 nhiv kruôr đhâu, ntơưv tỉnh Sơn La muôx yưv txuz trâus tưx ndêz zov chênhr uô 2 lênhx nênhs tuôs, 4 lênhx trâus tưx hnhar. Đros ntu co, ntơưv Lào Cai, tsênhv qơư y tế thax tsav Bảo Thắng cux sir jos chơưv kho 6 lênhx nênhs trâus tưx hnhar uô moz siêz, trâuv. 6 lênhx nênhs co txơưv chơưv kho tâu, taz sik siêz, trâuv puôr lênhx trâus moz hnhar tsênhv zuôr kho moz lêx ntêr. Bác sĩ chuyên khoa 1 Lê Văn Mạnh, Phưv tsar khoa chơưv kho, tsênhv qơư  ytế thax tsav Bảo Thắng heik:“Zos moz thâuv tuôx chơưv kho mak tưz lis, tưz trâus moz hnhar. Pêz heik tsôngv px tsi cxoz muk đêx ndêz lok nox, viv ndêz muôx tưx mak uô hiêv txos luz chêr lok six sei. Zos nox trâus, tsuv ciêr chênhr muk qơư y tế jê tiv zix chiê tâu chơưv kho”./.

                                                                                                    TTTB-Txâur Vax cxêik nhênhv

Mông txix Công an tỉnh Điện Biên heik pâuz, chor lưv lươngv muôx vax huôv nhiv kruôr yơưz phơưz, ruôr por tsês tâu 02 txuz zuôr muôs, uô luôv zax zênhz ntơưv xã Nà Bủng, ntêk tâu 3 lênhx nênhs zos Dùng Xênhv Tsaz, xênhz shông 1981, nhoz jok Trên Nương, xã Nà Bủng; Txơưx Phai Xênhv Lik, xênhz shông 1978 thiêz Tênhr Xênhv Hơưx, xênhz shông 1975 puôr lênhx nhoz uô cê ntơưv jok Ngải Thầu 1, xã nà Bủng lok sâuv zuôr muôs, uô luôv zax zênhz tsi trơưk chei. Têx chuôz zênhx sâu tâu txix 02 txuz heik sâuv zos: 9 hnaz zax zênhz cxuô zav, muôx nhos 1.800 njiêr yuôx shơư zênhz đros trâu 4 poz tâu xav zos zênhz đơưz. Trơưk li lưv lươngv muôx vax huôv ntâuk grê, tsi so yơưz phơưz, ruôr por tsês tâu têx txuz nuv tsi trơưk chei li heik sâuv tso pov Công an Điện Biên têx sir jos phax tir thêir chor nênhs zuôr muôs, uô luôv zax zênhz tsi trơưk chei sâuv thax tsav ntus đriv-qơư cuz nxor lok zax zênhz. Nhiv no têx lênhx nênhs trâus ntêk tâu đros trâu tas nro chor chuôz zênhx heik co tưz tâu choz trâu Phongx Cảnh sát qênhz yuôx nênhs zuôr muôs, uô luôv zax zênhz Công an tỉnh Điện Biên chiê tror qênhz yuôx, muôz tik cêr cxâuv zos đreiv chei têz qơưk cui tinhv./.

                                                                                                 Vũ Lợi-Riê Lâux cxeik, nhênhv