Đhâu iz shông fuô uô, Lai Châu tưz muôz 108 luz xã chox uô hâux lưv uô cê hâur 38 luz xã yiêz. Iz thênhv jux juk uô tâu truôx jông cxuô luôs hâux lưv sêiz car, hâux lưv zok muôz. Nhiv no 100% xã, phươngx tưz cxiv tsa tâu cxuô phôngx ban, tsênhv qơư uô ntâuz ntơưr. Đros co, tỉnh cux tso 13 cxênhz 500 ntâu lênhx cán bộ uô cxuô luôs hâux lưv huv đros têz qơưs luôs hâux lưv tso tơưv; uô tâu truôx jông cxuô luôs hâux lưv huv đros tsôngv px. Txơưv li ntơư, ntâu tsênhv qơư nhoz thax tsav tox siêz, đêz đrôngl cux tsênhv njiz trâus têx phiv liv, viv tsik tâu muôx txâuk vax tsêr, công nghệ thôngz mông….. Chênhr zos li hêik ntơư, hâu nov tỉnh Lai Châu tsênhv zuôr sir jos uô cov tâu tiêr cxuô luôs hâux lưv tso tơưv trâu hâur ntu zuôr txos, paz phênhv cxơưz cxiz trâu tsôngv px khưr huôv tsar uô nox, muôx luz nênhx tsâu sor./.

                                                                      Tsu cxêik nhênhv-Khắc Kiên-Lan BT

Trơưk li Sở Kôngz nuv thiêz Tênhx qơư tỉnh Lào Cai heik pâuz, tas nro tỉnh tưz fuô uô tsưr ziv, hâux lưv 120 hnuz trâu 100% xã, phường yênhx lix ban chox kriê thiêz tổ paz lês uô têx hâux lưv uz no. Txos nhiv no, tỉnh tưz qênhz shuôs 196 cxênhz ntâu thax ar hâur hur si 550 cxênhz qơư tsuv uô hur jông sôr laov, tax zuôr xar 72% hâux lưv tso tơưv jiês 1; iz chas ntơư thôngz sâu, cxaz nzir mông trâu 462 cxênhz ntâu thax ar hâur hur si 2,4 tsov qơư tsênhv muôx tsi tâu cxix têx sôr laov, ntâuz ntơưr trơưk chei têz qơưk. Luôs hâux lưv njuôk hov ntơưv 27 xã hâur dưv anr tax 30% tsưr ziv tso tơưv. Zơưv Nguyễn Thành Sinh, Phưv chủ tịch Ủy ban tỉnh heik cxuô thax tsav qơư uô jông trơưk chei têz qơưk cui tinhv, sir jos uô tiêr têx luôs hâux lưv li heik sâuv hâur hli 5 thiêz cxiz uô sei hâux lưv njuôk hov, cxiv tsa têx sôr laov trơưk tsưr ziv tso tơưv; iz chas ntơư tsi chiê uô ruôr hiêv, tuôr thênhv txos pêx xênhv hâur ntu fuô uô têx ntâuz ntơưr hâur thax tsav qơư./.

                                                                                                 Báo Lào Cai-Riê Lâux cxeik, nhênhv

Yênhx châuv chuôz zis nhoz jos Chạng, xã Phong Dụ Thượng, tỉnh Lào Cai tsênhv uô nênhx nhoz trâu têx qơư riêz nênhs, zôngx ziv trâus poz, đêx nas cuôr yôngz hâur chêix ntux nas shông 2026.

Đhâu cxuô jiês ntux lok nas lox truz ntêr hnuz hâur 2 shông txix shông 2024- 2025, tus cưx ha đêx tưz trâus đêx nas cuôr yôngz toz, uô ar oz saz ntus cưx ha trâus poz ntâu, zôngx ziv uô trâu tsôngv px nhoz trơưk oz saz ntus cưx ha co têx tsêr thiêz liêx têz trâus poz, trâus đêx cuôr yôngz. Ntâu luz plas tsêr tưz trâus xưz lox, zôngx ziv poz trâu hâur cưx ha đêx thâuv tưs cux tsik pâuz tâu uô ntêx.

Trơưk li hâu nov UB xã Phong Dụ Thượng, coz nas lox hâur hli 10 shông 2025 đhâu tưz cuôr yôngz iz cxiê côngz trênhx thiêz cuôr côngz 28 chuôz zis px nhoz trơưk oz saz ntus đêx thiêz đêx nas cux uô puôk tsuôx iz cxiê txox cêr muk lok hâur thax tsav jêx jos, muk lok trâu têx liêx têz. Uô ntêx hâu nov ntơưv qơư tưz muôz 550 triệu nhiêx cxiv poz jêz thêir ntus cưx ha tsik chiê ar poz./.

                                                                                                         Tsu cxêik nhênhv-Đinh Tuấn-Lan BT

Cik txos tsôngv pêx xênhv jok Chè Đen 2, phường Thảo Nguyên, tỉnh Sơn La têx tsi jông siêz lok vuôz tsuôz, kiêk nênhs hâur đêx ntêr hnuz, ntâu hli, Sở Kôngz nuv thiêz Tênhx qơư tỉnh Sơn La nhiv kruôr heik pâuz luôs hâux lưv qênhz yuôx, qênhz shuôs tso pov, têx đêx kiêk nênhs, vuôz tsuôz zos muôx tsênhz tiês. Cơ quan muôx vax huôv xav tinhv, qir tiv phênhv ntâu zos 14 chuôz zis pêx xênhv tu zus zuôr xar iz cxênhz tus nhux cuô mik nhoz jê iz ndis uô tênhx qơư vuôz tsuôz, kiêk nênhs. Têx chuôz zis tsi tâu muôx qơư trâu têx kiêk nênhs, vuôz tsuôz, qir tsiêx cxu trơưk cui tinhv, phênhv ntâu lơưr tso têx đêx kiêk nênhs, vuôz tsuôz ntơư ntưk hâur tênhx qơư, cxênhv têx ar, uô tsi hur hâur đêx. Txix têx li heik co, hâu nov phường Thảo Nguyên tsênhv sir jos yax kriê, heik tsôngv pêx xênhv uô jông trơưk cui tinhv lok xưv lik têx vuôz tsuôz, kiêk nênhs hâur tu zus tsiêx cxu; iz chas ntơư đros cxuô sở, ngênhx cxiz uô sei luôs hâux lưv yêik txar chor nhux co muk zus trâu lưv thax tsav cov đêz qơư pêx xênhv nhoz, thiêx tsi uô kiêk nênhs, vuôz tsuôz tênhx qơư./.

                                                                                                      Thu Thùy-Riê Lâux cxeik, nhênhv