Chiv nhênhv 136 shông Hnuz xênhz zơưv Hloz Hôx (19/5/1890-19/5/2026),, hnuz 18/5, Ủy ban tỉnh Sơn La đros Công ty tsiv uô phao nổi BP Sơn La thiêz Công ty tênhv tênhz BP Sơn La tsưr tsix ntênhs krêz uô dưv anr tsêr meir tsiv uô Phao, xiv huv zak zưr; iz chas ntơư krêz uô Dưv anr tênhv yar ntux sâuv pak đêx tênhv Sơn La.  Dưv nar tsêr meir tsiv uô phao thiêz xiv huv zak zưr tâu fuô uô trâu ntơưv jok Phiêng Lời, xã Chiềng Lao, tỉnh Sơn La, đar muôx 3.800 ntâu xưv phaz; xav hur si pênhr yưv uô tas zuôr xar 320 tyv đeiv, iz shông zuôr tsiv uô tâu muôx 758 cxênhz xiv huv. Dưv anr  tênhv yar ntux sâuv pak đêx tênhv Sơn La muôx công suất 800MW, xav hur si pênhr yưv uô tas 17 cxênhz tyv đeiv, fuô uô hâur pak đêx tênhv đar 1.140 ha thiêz sâuv ar muôx 60 ha trâu ntơưv xã Mường La thiêz xã Chiềng Lao, Sơn La. Zơưv Nguyễn Đình Việt, Chủ tịch Ủy ban tỉnh Sơn La khav tinhv:“2 Dưv anr tâu krêz uô hnuz no zos têx pov tsênhz lok sir jos hlôngr yiêz tsưr ziv huôv tsar, lês uô jông cxuô luôs hâux lưv thiêz cxiv tsa tênhx qơư yưv pênhr tsênhz mênhx, zôngx ziv, truôx tuk thiêz sir jos uô cov tâu têx hâux lưv trơưk li Nghị quyết Đại hội Đảng bộ tỉnh jiês tiv 16 tso tơưv”./.   

                                                                                                            Trấn Long-Riê Lâux cxeik, nhênhv

Njuôs xav hnuz 20/5, ntơưv jos Món Hà, xã Mường Lạn, tỉnh Điện Biên zuôr tsưr tsix ntênhs krêz uô dự án lok pâux nzir, paz txưv qơư nhoz yiêz thiêz car chêx thax tsav qơư uô dự án cêr muk chênhr Sơn La-ĐB- trôngx đriv ntiêx têz Tây Trang. No tâu seiz zos trus coaz tsôngv krêz uô cêr zaoz thôngz coaz tsôngv, paz cxơưz huôv tsar trâu thax tsav Tây Bắc. Lơưr tsưr ziv, cêr muk chênhr no (ntu 1) zuôr cxiv uô ntêr muôx nhos 48, 3 cei cêr, tâu muk 80 cei cêr iz six hơưv, muôx 4 saz cêr chiê yêz muk. Tas nro pênhr yưv uô zos 23 cxênhz 250 tỷ đeiv. Cêr muk chênhr thâuv chox lok sir zôngv njênhs njôngr zuôr paz Điện Biên thiêz têx tỉnh Tây Bắc muôx qơư huôv tsar yiêz, gôngr phênhv sik côngv txos Hà Nội-Hòa BÌnh- Sơn La- Điện Biên thiêz thax tsav ntus đriv Tây Trang, txu grês six hơưv muk lok, chuôz tsar yưv pênhr, huôv tsar muôv muôs, ju lix, jix vuv thiêz kinh têr trôngx đriv./.

                                                                                                                  Vũ Lợi-Txâur vax cxêik nhênhv

Hnuz 18/5, thax tsav tox siêz faz Tây Bắc, hâur co muôx Lào Cai lok nas thiêz nxông trâu iz cxiê suôv qơư, muôx kênh thax tsav lok nas lox, phênhv ntâu zos lok trâu zar zuôr tsâuk ntux thiêz hmo ntux ntơư. Hâur ntux đuz nxông muôx khâur jênhs chuô, xoz, lok lơưs thiêz chuô lox. Txix ntux têx txơưr txar, tỉnh lào Cai tưz chox kriê cxuô thax tsav qơư zênhx max fuô uô cxuô faz tsưr ziv phax tir thêir chiê txo grêk tsơưs têxv tsi jông lok lênhx nênhs thiêz chuôz zênhx chuôz tav. Iz chas ntơư, cxuô thax tsav cux tâu heik cov tso lênhx nênhs nhoz trơưr ntơưv qơư hâur yênhx hnuz hmo chiê phax tir thêir tâu sei têx tsi jông yưv siv; sơưr đơưk tsi tâu tso siêz thiêz uô jông lơưr tsưr ziv 4 ntơưv qơư. Đros trâu têx li heik co, cux sir jos qênhz yuôx, qênhz shuôs têx qơư zôngx ziv trâus xưz poz, têx tsas đêx, thax tsav jê ntus đêx, cưx đês cưx ha, qơư zôngx ziv muôx yưv tsi jông....chiê truôx tuk trâu pêx xênhv thiêz têx yêz muk lol đhâu./.

                                                                                                                Thừa Xuân-Riê Lâux cxeik, nhênhv 

          Zar hnuz keix hnuz 18/5, ntơưv jos Mỹ Hưng, xã Thanh Nưa, tỉnh Điện Biên muôx yưv txuz 2 txir tuz siz char siz ntâuk uô tix lâuk T trâus tuôs. Tsôngv px puz pâuz, thâuv siz char, tix lâuk T tưz gra triêv châuv nưs txir, đhâu thâuv sik txênhz traz triêv zơưv V txênhz tâu thiêz tưz gâus trâus tul tuz uô tul tuz tuôs ciês ntơưv trôngx vas. Ciês thâuv co, tix lâuk T tâu chox muk chơưv kho, taz sik chơưv tsi tâu. Lơưr nriêr pâuz, tix lâuk T tsi tâu zuôr pox niêv, ntâu jiês uô cxâuv cêr chei thiez nhiv kruôr tâu tror lok tiv phaz. Ciês thâuv jênhv tâu xor mông, lưx lươngv muôx txơưx jênhv tỉnh ĐB tưz tuôx ntơưv qơư qênhz yuôx hâux lưv no. Txuz anr tsênhv trâur tâu chiz coaz muôx txơưx jênhv qênhz yuôx uô cov tsênhz mênhx./.

                                                                                                              Vũ Lợi-Txâur Vax cxêik nhênhv