Zơưv Nguyễn Hồng Diên, Phưv chủ tịch côx hôiv, Tsar đoàn Côx hôiv li UB kinh têr thiêz nhiêx txiêx uô hâux lưv đros UB tỉnh Lào cai lok uô chính sách PL kinh têr, nhiêx txiêx reik đró qơư tsov txos chuôz tsar ndê txos 2 tul số. Phưv Chủ tich côx hôiv Nguyễn Hồng Diên ntâuk grê siêz Lào Cai li sir jos thiêz heik mênhx tỉnh li chiến lược hâur sik côngv thax tsav Tây Bắc; thôngx cxix thix ziv ntu zuôr txos, Lào Cai tsuv uô txos qơư 4 hlôngr yiêz zos: hlôngr txix seiz car yênhx chuôz tsar; txix tỉnh ntus đriv yênhx tsênhv qơư sik côngv kinh têr ntiêx têz; txix huôv tsar lơưr thax tsav qơư yênhx huôv tsar lơưr kinh têr; thiêz txix khov txos têx muôx tsênhv tsênhz ntơưv qơư yênhx sik côngv lok cơ sở cxuô zav, kinh têr truôx đriv yiêz. Đros co, tỉnh cux tsuv hlôngr yiêz trâur nuv chuôz tsar, chêx chôngk lok công nghiệp tsiv uô, ju lix tsơưr lươngv siêz thiêz chuv tôngv krêz uô têx vênhv thix công nghệ siêz li kinh têr số, trí tuệ nhân tạo.../.

                                                                            An Kiên-Txâur Vax cxêik nhênhv

Hâur têx hnuz hli 5,  qơư Di tích lịch sử zơưv Hloz Hôx tuôx sêiz shuôk tsôngv px cxuô hêir nênhs Thuận Châu, xã Thuận Châu, tỉnh Sơn La hâur ntu đrav ntêx cux tsênhv nhoz trơưr tsôngv px sđ siêz tsik plox. Hâur ntâu shông đhâu, qơư Di tích lịch sử co tưz yênhx qơư yax kriê cxuô lênhx cán bộ, đảng viên, shuv xênhz thiêz px hâur thax tsav huôv tsar cêr uô nênhx jông. Zơuưv Đỗ Ngọc Quang, Phưv Chủ tịch UB xã Thuận Châu hêik pâuz: “Hloz Hôx têx luk hêik kriê hâur jiês tuôx sêiz shuôk tsôngv px sđ thax tsav faz Bắc, thâuv tưs cux nhoz trơưr tsôngv px cxuô hêir nênhs hâur thax tsav Thuận Châu siêz tsik plox. Hloz Hôx têx luk hêik kriê co, pêz sđ niêx hnuz cơưv shâuv uô trơưk đros đrêiv luz nênhx niêx hnuz”./.

                                                                                    Tsu cxêik nhênhv-Trấn Long

          Cơ quan qênhz yuôx Công an tỉnh Lai Châu nhiv kruôr ntês Nguyễn Xuân Trường xênhz shông 1995, nhoz phường Tân Phong, tỉnh Lai Châu chiê qênhz yuôx viv uô cxâuv chêi “Uô tuôr xuôv têz qơưs nhiêx txiêx” thôngx cxix tror uô tsênhz mênhx hâux lưv muôs trox tsi taz por tsơưr lươngv trâu niêv ciêz. Chêx cuk qênhz yuôx xav tênhv, hnuz 26/3/2026, hâur ntu sâu zuôr hax huv, nênhs tsar yêz lox thiêz phưv txơưx qơư muôs hax huv tưz grus zuôv cêr 500 ntâu lir trox RON95 trâu hâur qơư tso trox DO-0,001S-V. Thâuv pov muôx yưv têx tsik jông no, Nguyễn Xuân Trường tsi uô yưr lir lơưr cui tênhv mak tror sâu zuôr cxaz zuôr xar 10 cxênhz lir trox DO chox lok đo shơư. Txix hnuz 27/3/2026, qơư muôs trox trâu niêv ciêz zos 12 cxênhz 500 lir trox tsi taz por tsơưr lươngv, tsiv grê muôx nhos 369 tsov đeiv. Chiz coaz qênhz yuôx cux uô tsênhz mênhx, hnuz 24/4/2026, Nguyễn Xuân Trường tsênhv cxoz txưv tsi muôz 220 lir trox lok tso hâur qơư tso trox mak muôz jeik hâur thùng phi, đros co tsênhv tuô máy camera seiz car chiê jeik trox tsês. Đhâu co, Trường muôs chor trox no, sâu tâu nhiêx txiêx zos 6,2 tsov đeiv chiê sir zôngv.

No zos tâu xav zos uô tuôr xuôv têz qơưs têx nhiêx txiêx, đhâu qênhz yuôx tsênhv tsênhz, lưx lươngv muôx vax huôv tsênhv yươz phươz pov qơư muôv muôs trâus pôngz lơưv 633 lir trox DO 0,05S thiêz 540 lir trox RON95./.

                                                                                           Khắc Kiên-Txâur Vax cxêik nhênhv

Txix hmo 19/5 txos hmo 20/5, hâur thax tsav tỉnh Lào Cai, zuôr muôx ntux lok nas lox trâu cxuô thax tsav qơư. Muôx kênh thax tsav qơư zôngx ziv muôx nas chuô njươx, ar poz, đêx ngaz. Lar hêik zos têx xã li: Đrôngl Lào Cai, Cam Đường, Bảo Thắng, Cốc Lầu, Mường Khương, Sín Chéng, Bắc Hà, Trạm Tấu, Cầu Thia…thiêz iz cxiê qơư hâur thax tsav.

Chênhr zos li hêik ntơư, UB tỉnh Lào Cai tưz hêik cxuô sở, ngênhx, cxuô lênhx hâur Ban sêiz car chơưv paz, tir thêir nas chuô tỉnh, UB cxuô xã, phươngx tsuv chêx chôngk fuô uô truôx jông cxuô faz tsưr ziv tir thêir nas chuô, ar poz, đêx ngaz tsik chiê muôx yưv têx tsik jông./.

                                                                                                 Tsu cxêik nhênhv-Thừa Xuân