Zar hnuz kêix 25/5, Hôiv đôngx tỉnh Lào Cai khóa 17 tsưr tsix cơưv chuyên đề, thôngz đhâu 10 nghị quyết zov chênhr cik txos yưv pênhr côngz, phênhz nhiêx txiêx thiêz fuô uô têz qơưk têx tsaz yênhx. Hâur co, lar heik zos nghị quyết phênhz pênhr uô têz qơưk tsaz yênhx huôv tsar kinh tế-xã hội thax tsav tsôngv box heir nênhs tsơưs thiêz tox siêz; tsưr ziv yưv pênhr côngz shông 2026 thiêz phênhz pênhr trâu ntâu dưv anr zov chênhr.Tỉnh zuôr tsov cưv yưv pênhr trâu cxix luôs cơưv txuôk đros 2 chas xã thax tsav tox siêz, poz hiêr chiê uô tâu jông đuô têx hâux lưv zok muôz. Jiês cơưv cux thôngz đhâu phênhz pênhr trâu 146 dưv anr thiêz fuô uô iz cxiê côngz trênhx zoz thôngz zov chênhr tiv ntux uô ruôr hiêv, phiv liv fuô uô. Zơưv Hoàng Giang, Chủ tịch Hôiv đôngx tỉnh heik cxuô sở, ngênhx, ntơưv qơư zênhx max fuô kriê nghị quyết, đros đơưk têx phiv liv thiêz sir jos seiz kaz hâur ntu fuô uô têx hâux lưv heik sâuv./.

                                                                                                                    Thừa Xuân-Riê Lâux cxeik, nhênhv

Têx hnuz no, ntơưv chor thax tsav chos txir khơưz đuz nhoz xar Vân Hồ, Mộc Châu, Yên Châu thiêz Phiêng Khoài, tỉnh Sơn La, hâux lưv sâu zuôr chor txir khơưz lov jêv ntưk thâuv muôx chôngz nênhs tuôx zuôr. Ntâu thax tsav qơư cux tsưr tsix hôiv thik đêx txir khơưz, zaz zâuv chôngz lênhx nênhs tuôx ndis sêiz, uô si. Nhiv no Sơn La muôx 14.500 ntâu héc ta txir khơưz đuz, sâu tâu xar muôx 100.000 tấn iz shông. Khov sir zôngv têx kỹ thuật yiêz, huôv tsar thax tsav chos lơưr tsiv gri thiêz zuôr muôs điện tử, txir khơưz đuz tưz zos yênhx tsoz chos chênhr paz trâu ntâu ziv chuôz zis muôx nzir phênhv sâu, muôx chuôz zis sâu tâu xar muôx nhiêx tiv đêiv iz shông. Chêix txir khơưz đuz siêr tsênhv paz cxơưz cxiz uô kôngz nuv huôv tsar hênhr. Tsôngv kruô tuôx trâu Sơn La tâu đê têx txir khơưz, nriêr pâuz vênhx huôv muôx ntơưv qơư thiêz nhoz so ntơưv chor Homestay nhoz tox siêz, paz piêr pâuz lok Sơn La hur jông, sưv jê thiêz muôx ntâu kror vênhx huôv jông./.

                                                                                                               DTPT-Lik Thox cxêik nhênhv

Tix lâus Lò Văn Thương, heir nênhs Poz Ziz, nhoz jok  2, xã Mường Bú, tỉnh Sơn La ntâu shông lok no cux tâu tsôngv box hâur thax tsav pâuz txos zos lênhx hluôk nênhs uô ntêx nyuôs huôv tsar uô nox uô hâuk coz, uô bluô nux ntơưv qơư. Txix iz lênhx pêx xênhv tsiv txiêx, tsi tâu cơưv đhâu txux chi, taz sik txix tsưr ziv, têx pâuz tsênhv tsênhz, tix lâus sir jos huôv tsar chos têx tsoz chos nox txir sâuv ar têz nxaz trơưk li tỉnh tsưr ziv fuô kriê. Tix lâus nhiv no tưz zos giám đốc HTX Minh Thương, muôx 10 lênhx nênhs uô hâux lưv, huôv tsar uô, zuôr muôs têx txir mo môngk, txir lưv tsiz sôngz, txir mo mix, txir tuôz ziz.... HTX têx txir ntông hâur chor shông jê lok no tưz muôs tâu trâu ntâu ciêz đrôngs hâur thiêz đrâuv 2 chas tỉnh, jux juk muôs trâu 2 chas têz qơưk đrâuv, gra lok phênhv sâu tâu 1,3 tỷ đeiv iz shông.“Thâuv ntêx tsi tâu yênhx lix HTX mak tsuôk huôv tsar uô tsơưs chiê tâu nox thiêz muôs trâu têx tuz luôv iz kro mê njik xưz. Huôv tsar uô têx hax huv jông mak lok six phiv liv; chiê muôs tâu ziv phiv liv đuô thiêz. Tov kaz no đros uô hâux lưv hâur HTX, tâu buôk ti, pâuz txos têx tsưr ziv chos, tu thiêz tsiv uô; cux muôs tâu zôngx ziv đuô, viv li huôv tsar trơưk HTX tsưr ziv zuôr truôx đuô”./.

                                                                                                  Thu Thùy-Riê Lâux cxeik, nhênhv 

Công an tỉnh Điện Biên nhiv kruôr cxov Nguyễn Duy Khánh, nhoz xar Thanh An, chiê qênhz yuôx uô cxâuv chêi “Nziêk đas nhiêx txiêx”. Trơưk qênhz yuôx, txix hli 8 txos hli 10/2025, Khánh tưz nziêk đas đuô tus nhiêx txiêx chiê paz thor hâux lưv uô hâur tsêr kho moz Đa khoa tỉnh Điện Biên thiêz iz cxiê qơư y têr txơưr trâu 3 lênhx nênhs, chor nhiêx nziêk đas tâu zos 520 triệu đêiv. Đhâu thâuv thor tsik tâu hâux lưv uô, thâuv co, Khánh ho hêik tiêk no zos chor nhiêx kir txêik xưz. Taz sik txos, hnuz 16/3/2026, chor nênhs trâus nziêk đas co thiêx uô ntơưr pênhr trâu cơ quan công an. Nhiv no txuz hâux lưv no tsênhv tror tâu qênhz yuôx uô tsênhz mênhx thiêz chor nênhs fêv nziêk đas co tik cêr cxâuv trơưk chêi têz qơưk./.

                                                                                                        Vũ Lợi-Lik Thox cxêik nhênhv