Tas cik hnuz xiêz 10/6, ntơưv tỉnh Lào Cai, Ban tuyên giáo thiêz jênh vận TƯ sik côngv đros Tỉnh ủy Lào cai tsưr tsix Phêv thảo khoa học “Cxiv tsa uô siv trâur nuv (px bluô nux, xã, phường sauv thax tsav tỉnh hlôngr yiêz-vav mênhx). Đros muôx chongz teiv plor zos lênhs tov TƯ, tiv phaz thiêz têx chuyên gia, lênhx nênhs khoa học cxaz chuôz, phêv thaov tưz heik tơưv têx cơ sở lý luận têx tsênhv tsênhz chiê muôx têx tiêu chí jông tiv zix, phưx vưv hâux lưv uô siv ntơưv xã Trấn Yên thiêz phường Lào Cai. Hâux lưv TƯ xeir xã Trấn Yên (hlôngr njêx muôk trâu jêx jos tox siêz) phường Lao Cai (hlôngr njêx muôk trâu niêv đrôngs trôngx đriv) zos iz trus muôx ziz njiêz. Zơưv Dương Đức Huy, Tsar ban Tuyên giáo thiêz dân vận tỉnh ủy Lào Cai puz pâuz: “ Pêz xeir tsov đhâu lok six ntâu ziv chênhv hâur co muôx gôngr phênhv lok têx ploz tsênhr tsênhz mênhx. Tiv zix zos têx ploz tsênhr lok cxiv tsa lênhx nênhs bluô nux huv đros yênhx tiv phaz thiêz têx ploz tsênhr cxuô huv đros tỉnh Lào Cai, tiv zix zos chiê uô tsênhv tsênhz têx ploz tsênhr cxuô thiêz ploz tsênhr trâu phường Lào Cai thiêz xã Trấn yên”./.

An Kiên-Txâur Vax cxeik, nhênhv

          Zar hnuz kêix 10/6, chor shux xênhz tỉnh Lào Cai tưz tuôx qơư thik uô ntâuz ntơưr dưv thik. Ntâu thax tsav ntơưv tỉnh tâu njuôk xav muôx lok nas chuô, zôngx ziv muôx ar poz, đêx ngaz, chor tsêr cơưv thiêz chinhr quyền ntơưv qơư tưz sêi đrơưv uô têx tsưr ziv paz ngaz tuk, tsik chiê chor shux xênhz njiz trâus têx phiv liv.

           Hok ntơưv tỉnh Điện Biên, zuôr xar 8.000 lênhx shux xênhz tưz tuôx trâu chor qơư thik uô ntâuz ntơưr dưv thik, mnôngs hêik pâuz lok têx chêi thik thiêz kho đuô têx xor mông tsik zos uô ntêx piz thik tưr cơưv tiêr ntơưr cxênhx pêz shông 2026.

           Ntơưv tỉnh Sơn La, jiês thik cơưv tiêr ntơưr cxênhx pêz shông no, muôx 33 qơư thik, zuôr xar 700 qar thik thiêz 14.300 ntâu lênhx shux xênhz dưv thik. Zơưv Nguyễn Chí Chung, Phưv Giám đốc Sở Zoz zux Sơn La puz pâuz: “Paz trâu jiês thik tâu ngaz tuk, Sở tưz chox kriê chor qơư thik sik côngv đros chor xar, phường bax qơư nox, nhoz, so trâu chor nhuôs ciês ntơưv tsêr cơưv. Chor tsêr cơưv tưz bax qơư nhoz so niêv txir zus mor, qơư nhoz nội trú, zos tsik txâuk mak bax txix pêx xênhv iz ndis tsês cơưv têx tsêr nhoz so trâu chor shux xênhz no. Chor qơư thik, chor xar phường puôr lênhx paz trâu shux xênhz nox pluôs sơưr nzor, pluôs su thiêz đêx hâuk”./.

TTTB-Lik Thox cxêik nhênhv

            Lơưr xor mông txix UB xã Pắc Ta, thâuv 12 six 30 phênhz tar su hnuz xiêz 9/6, Ban chỉ huiz phòng thủ dân sự thiêz Công an xã jênhv tâu tsôngv px li xor mông lok hâux lưv muôx tox poz ntơưv jos Mít Thái. Ntu co tsênhv muôx iz cxiê lênhx tsôngv px uô lox tôngv hâur co, njuôs xav trâus ar vống. Ciês thâuv jênhv tâu xor mông, chính quyênx tiv phaz tưz huiz tôngv lưx lươngv đros tsôngv px ciêr chênhr tsưr tsix nriêr chơưv. Txos thâuv 3 six zar hnuz keix, lưx lươngv muôx txơưx jênhv tưz nriêr tâu 3 lênhx nênhs trâus ar vôngz hâur tơư trôngz. Đhâu xav tênhv Công an xã Pắc Ta heik, qir tiv txuz hâux lưv zos tiv ntux lok nas ntêr uô ar, poz jêz poz lok. Đhâu uô tiêr hâux lưv chơưv paz, lưx lươngv muôx txơưx jênhv tưz choz têx lênhx nênhs trâus nanv trâu chuôz zis, thôngx cxix tsưr tsix seiz nus, tôngv vênhx thiêz paz txưv têx chuôz zis trâus ruôr hiêv. Txix qênhx shênhx ntux nas txơưr txar, chính quyênx xã Pắc Ta tror cxơưz tiês yax mông, canhv pov tsôngv px tsưv ziv đros tox poz, ar lơưk, tsi muk txos têx thax tsav qơư riêz nênhs thâuv muôx ntux nas lox./.

Khắc Kiên-Txâur Vax cxeik, nhênhv