Ntơưv qơư nza liệt sĩ Bản Qua, xã Bát Xát, tỉnh Lào Cai nhiv kruôr tsưr tsix ntênhs shov 9 liệt sĩ tâu tas siv nênhx hâur jiês tsav txênhz por vêv ntus đriv faz Bắc têz qơưk. No zos hâux lưv tror chox têx liệt sĩ tror lok kuz têz kuz qơư đhâu zuôr xar 50 shông tâu tas siv nênhx ntơưv qơư tsav txênhz. 9 lênhx liệt sĩ tâu nriêr pov tsi tâu pâuz tâu xor mông, tâu Tuêv nriêr zok liệt sĩ têx poz cxa nhoz Bộ chỉ huiz quân sự tỉnh Lào Cai nriêr pov thiêz chox lok. Đại tá Hoàng văn Toàn, Phưv Chính ủy, Phưv tsar ban chox kriê lok nriêr, xav tênhv xor mông têx liệt sĩ tỉnh Lào Cai heik: “ Têx cấp ủy tsưr tsix chỉ huiz pêz tưz tso tơưv nghị quyết lênhs tov chuyên đề lok uô jênhv vưv. Tiv oz zos cxiv tsa tsưr ziv chiê krêz uô tas nro. Thôngx cxix, pêz chox kriê têx xã muôx qơư nxa tsuv xav tênhv xor mông têx liệt sĩ, cxiv tsa tsưr ziv thiêz krêz uô jong cxuô côngz xưv trơưk thênhv siêz li tsưr ziv heik kriê”./.

An Kiên-Txâur Vax cxeik, nhênhv         

           Muôx hêik kriê nriêr pâuz tâu jông Điện Biên chor cxur tsư ha sôr 7 thiêz cxur IR64 tưz tsik zos paz nriêr pâuz tsênhz tâu qơư uô, tsơưr lươngv hax huv xưz mak tsênhv zos kror tsiv gri txux chi jông, paz gra siêz tsơưr lươngv kôngz nuv ntơưv thax tsav qơư. Taz sik, ntu jêx lok no, qênhx shênhx hu tiêk zos “cxur Điện Biên” trâu ntâu zav cxur pâuz tsik tsênhz qơư chos tsênhv uô phiv liv trâu côngz xưv sêiz car thiêz uô phiv liv txos côngz bê chor cxur. Trơưk Cục Sở hữu trí tuệ Việt Nam, muôx hêik kriê nriêr pâuz tsênhz Điện Biên chor cxur tưz tâu kriz uô txix shông 2014 trơưk Quyết định 3340. Đros qênhx shênhx no, chuôz cxaz uô têx tsưr ziv sêiz car, por vêv nriêr pâuz qơư uô tsuv tâu sir jos uô chiê por vêv qênhx liv trâu nênhs uô thiêz tuôr truôx tâu côngz bê chor cxur Điện Biên sâuv ciêz đrôngs./.

Báo ĐBP-Lik Thox cxêik nhênhv

         Ntơưv qar tiêx Tây Bắc, Ban chox kriê vênhv tôngv tso nyar jông siêz tỉnh Sơn La đros CLB hành trình đỏ nhiv kruôr tsưr tsix yax kriê, krêz uô tsaz yênhx “Hành trình đỏ jiês tiv 14 shông 2026”. Muôx muôx nhos 100 lênhx txưv zênhv viên đros lưx lươngv tsưr tsix tưz cxaz chuôz yax kriê sâuv têx cêr muk lok, hu lơưs côngv thôngx sir jos tso nyar jông siêz. Lơưr tsưr ziv, tsaz yênhx tso nyar jông siêz ntơưv Sơn La zuôr tsưr tsix txix hnuz 23 txos hnuz 25/6 njuôs xav vênhv tôngv muôx nhos 3 cxênhz lênhx nênhs đăng cir tso nyar jông siêz thiêz tos jênhv muôx nhos 2 cxênhz taz viv nyar./.

Báo Sơn La-Txâur Vax cxeik, nhênhv

            Ntơưv Tsêr sik tưr Thể thao Liên đoàn Lox tôngv tỉnh Lai Châu nhiv kruôr kriz uô Giải Vô địch Taekwwondo chor Câu lạc bôv têz qơưk shông 2026. Giải sik tưr muôx zuôr xar 1.500 canr bôv, huấn luyện viên thiêz vận động viên tuôx txix 49 taz viv sâuv tas nro têz qơưk. Chor vận động viên sik tưr nhoz 4 hov hnuz nhôngs. No zos iz hâur Taekwondo Việt Nam têx giải sik tưr lox tiv zix, paz gra siêz tsơưr lươngv uô hâux lưv thiêz xêir tsov tâu chor nênhs thik tưr tâu jông, muôx txux chi trâu đôiv tuyển têz qơưk. Thôngz đhâu giải sik tưr, tỉnh Lai Châu cux hêik pâuz lok thax tsav qơư nhoz faz Tây Têz qơưk muôx ntâu vênhx huôv, đrox tsuôs chiv xênhz jông thiêz lênhx nênhs sưv jê, nhiêv kruô./.

Khắc Kiên-Lik Thox cxêik nhênhv