Kriz uô côngz xưv 500 hnuz hmo zok nriêr thiêz xav jênhv xênhv bê trâu chor liệt sĩ, hnuz 14/10, Bôv Chỉ huy Quân sự tỉnh Lai Châu sik côngv đros Ủy ban xar Phong Thổ tsưr tsix zok nriêr chor liệt sĩ tâu tas siv nênhx hâur jiês tir ntâuk tros châuz ntơưv thax tsav ntus đriv faz Bắc nhoz tôv dân phố Pa So, xar Phong Thổ. Trơưk xor mông xuz thơưx, shông 1985 thâuv khơưz kror ar ntơưv thax tsav no, zơưv Phạm Đức Thịnh, chiến sĩ Tiểu đoàn 3, Trung đoàn 537, Bôv Tư lệnh Quân khu 2, pov muôx poz cxa chor liệt sĩ thiêz njêis yêv muk phâuk trâu iz kror qơư txơưr. Txos nhiv no, liệt sĩ li xênhv bê tsênhv tsik tâu pâuz. Canr bôv, chiến sĩ lưx lươngv vũ trang tỉnh đros lưx lươngv dân quân xar tsênhv sir jos zok nriêr cov tâu thiêz xav jênhv xênhv bê trâu liệt sĩ. Hâux lưv no hêik txos txơưx jênhv, ndo txiêx njis txos chor nênhs tưz tâu tas siv nênhx viv tiêx tuk, tsưr qênhx têz qơưk, paz uô jông tsênhv chêi hậu phương quân đôiv thiêz uô jông mênhx cxưx li hâux lưv siêz jông “Ndo txiêx pâux njiês”./.

Báo Lai Châu-Lik Thox cxêik nhênhv

Sơn La tsênhv qênhz shuôs cxuô luôs hâux lưv bax uô lơưr Hnuz vênhx huôv VN, đros trâu Hnuz hội niêv côngv siêz tas nro tsôngv box sơưr đơưk shông 2026, njuôk xav nthuôr uô lok hli 11, đros ntâu hâux lưv kruôs txos cxuô heir nênhs têx txux chi vênhx huôv jông. Lar heik, tsaz yênhx zos nthuôr uô cêr lov jêv tỉnh Sơn La jiês tiv 22; têx txux chi vênhx huôv cơưv, tso đuôz xik mêk, piêr kriê cxuô heir nênhs hâur tỉnh têx txux chi vênhx huôv. Iz chas ntơư, cơưv lok sâuv por hưv, tuôr tsês heir nênhs tsơưs têx txux chi vênhx huôv thiêz kriê đhiê pax vuôk xòe trâu cxênhx hluôk, zuôr nthuôr đêz đar têx txux chi vênhx huôv jông ntơư txos trâu chôngz lênhx ntâu tus hâur côngv thôngx pâuz txos. Tiv zix, hmo 24/11, tsaz yênhx nthuôr uô cêr lov jêv zuôr tâu buôk ti xa đuôz, đros trâu heik pâuz, kruôs txos Sơn La têx qơư huôv tsar uô ju lix tâu jông, muôx suôz bê to li: Tà Xùa zos qơư jông đuô hur si hâur thax tsav châu Á trâu tsôngv kruô tuôx ndis seiz uô si thiêz Mộc Châu jiês tiv 5 tâu kruôs txos zos qơư jông yax hâur thax tsav châu Á trâu sơưr đơưk tuôx ndis shuôs ntux uô si. Têx xor xưv zos six hơưv piêr kriê cxuô heir nênhs Sơn La têx txux chi vênhx huôv jông, iz chas ntơư cxơưz paz tas nro tsôngv pêx xênhv muôx cêr sik thôngx siêz truôx đuô, paz huôv tsar vênhx huôv reik đros ju lix thiêz huôv tsar kinh tế-xã hội hâur thax tsav./.

Thanh Thủy– Riê Lâux cxêik nhênhv

Điện Biên tsênhv kriz uô 118 jiês za siv thâux xa hax huv txix chor chuôz zênhx za tsik muôx nênhs tsar (UAV), đros thâux tâu txix 35 txos 50 cir iz jiês. Tỉnh tsênhv sir jos kriz đar sir zôngv công nghệ no hâur kôngz nuv, y têr, logistics, sêiz car tài nguyên thiêz phax tar ntux têz uô ruôr hiêv, jux juk huôv tsar tâu jông kinh têr muôx têx zav chuôz zênhx za kik paz thâux xa hax huv. No zos tsênhv njiêz tâu sêiz lax ntơưv jiês cơưv zos Ủy ban tỉnh tsưr tsix hnuz 14/10. Điện Biên sir jos uô tsưr ziv truôx tuk xar muôx 6.000 jiês za siv, kriz uô tsưr ziv sêiz car, sêiz kaz truôx jông, paz za tâu truôx tuk, côx phax, ngaz tuk thiêz uô huv zos chêi têz qơưk têx cui tênhv. Zơưv Phạm Thanh Tùng, Phưv Giám đốc Sở Khoa học thiêz Công nghệ tỉnh Điện Biên, puz pâuz: “Tỉnh Điện Biên xav jênhv huôv tsar kinh têr muôx têx chuôz zênhx za kik paz thâux xa hax huv zos tsưr ziv uô huv đros tsênhv tsênhz ntơưv thax tsav qơư thiêz huôv tsar sâuv ntiêx têz. Txos shông 2030, Điện Biên sir jos uô tâu tsưr ziv kinh têr no, jux juk uô tâu tsưr têx chuôz zênhx, huôv tsar phần mềm, txux chi nhân tạo thiêz dữ liệu, sir jos zos yênhx thax tsav qơư uô ntêx hlo hâur hâux lưv UAV nhoz thax tsav tox siêz Tây Bắc”./.

Vũ Lợi-Lik Thox cxêik nhênhv

Đhâu iz shông sir jos cxiv tsa, dưv anr krêz uô đar cêr muk chênhr Nội Bài-Lào Cai, ntu Yên Bái-Lào Cai, tsênhv sir jos fuô uô cxuô luôs hâux lưv zok muôz chiê tâu trơưk tsưr ziv tso tơưv. Sâuv côngz trênhx ntêr 121 cêik ntâu, 2 cxênhz ntâu lênhx canr bôv, kỹ sư, công nhân đros yênhx puô chuôz zênhx, meir uz no tsênhv tâu hu zâuv, tso tuôx chiê sir jos sik đros uô cov tiêr dưv anr hâur shông 2026, bax muôz ntu cêr co lok sir zôngv hâur hli 3/2027 trơưk tsưr ziv tso tơưv. Cxơưz uô sei taz sik cux tsuv truôx khor, zơưv Trần Huy Hoàng, thơưx seiz kaz dưv anr uô cêr muk chênhr Nội Bài-Lào Cai  khav tinhv: “Nênhs yưv pênhr uô, piêr kriê thiêz tsưr yưv pênhr sik hux jos, sik thav thiêz tso tơưv têx tsưr ziv cxiz sơưr đơưk uô hâux lưv nzir trâu têx hnuz lok nas, phiv liv uô tsi tâu ntơư. Tsi tiêk cxiz uô sei mak uô tsi truôx khor, zuôr tsuv cxiv uô côngz trênhx khor truôx trơưk li cui tinhv tưz tâu piêr kriê, qênhz yuôx shuôs”./.

Đinh Tuấn-Riê Lâux cxeik, nhênhv