Hnuz 1/10, ntơưv qơư kuô nza Liệt sĩ xar Sông Mã, tỉnh Sơn La, muôx tsưr tsix jiês txi côngv, uô đaz uô kruô trâu chor liệt sĩ nhiv kruôr zok nriêr tâu ntơưv jok Cang Kiểng, xar Chiềng Khoong.

        Uô ntêx co, txix pêx xênhv hêik pâuz lok muôx oz lênhx tuz lênhv đrav ntêx tâu tas siv nênhx tâu bôv đôiv phâuk thâuv ntu ntâuk tror châuz, hnuz 27/9, Ban Hcox kriê zok nriêr chor liệt sĩ tỉnh Sơn La tsưr tsix zok nriêr oz lênhx liệt sĩ no. Lưx lươngv muôx vax huôv tưz khơưz tâu iz cxiê kror poz cxa, câuk hniêr thiêz têx zav cik txos, hâur co muôx têx plar muôk txưr fov. Mẫu sinh phẩm tâu muôz chiê njuôk shuôk ADN, paz trâu nriêr pâuz xênhv bê chor liệt sĩ.

          Đhâu uô tiêx têx ntâuz ntơưr, oz lênhx liệt sĩ no tâu uô đaz uô kruô thiêz phâuk ntơưv qơư kuô nza liệt sĩ xar Sông Mã. Ntơưv jiês txi côngv, chor đại biểu tưz tso pax, hlơưr shaz, tsês iz phênhz shov, ndo txos chor Zênhz shôngx liệt sĩ tưz tâu tas siv nênhvv viv tiês tuk, tự do trâu têz qơưk./.

Lê Hạnh-Lik Thox cxêik nhênhv

           Zar hnuz keix hnuz xiêz 1/10, Công an tỉnh Sơn La tsưr tsix Ntênhs chiv nhênhv 65 shông Hnuz chax chês lưx lươngv Cảnh sát tir thêir cuz tơưs thiêz chơưv nanv (04/10/1961 - 04/10/2026) thiêz 25 shông Hnuz tas nro pêx xênhv tir thêir cuz tơưs thiêz chơưv nanv (04/10/2001 - 04/10/2026). Ntơưv Sơn La, Phongx Cảnh sát tir thêir cuz tơưs Công an tỉnh tâu yênhx lix hnuz 2/5/1984. Đhâu 42 shông cxiv tsa thiêz huôv tsar, lưx lươngv Cảnh sát tir thêir cuz tơưs thiêz chơưv nanv, Công an tỉnh Sơn La tưz khav tênhv tâu pưs txux uô ntêx nyuôk hâur côngz xưv tir thêir cuz tơưs thiêz chơưv nanv sâuv thax tsav.

          Hâur ntu no, tas nro tỉnh muôx 327 txuz hluôr tơưk cuz, uô tuôs 8 lênhx nênhs, trâus saz 9 lênhx nênhs, ruôr hiêv chuôz zênhx chuôz tas njuôk xav zuôr xar 56 tỷ đeiv. Lưx lươngv tưz heik trâu Tsưr tsix chơưv paz 154 txuz, huiz tôngv 3.677 jiês canr bôv, chiến sĩ, 521 jiês yêz tuô hluôr tơưk, chơưv paz thiêz 35 jiês fuôx gox chơưv paz; chơưv tâu 136 lênhx nênhs, nriêr pov 81 lênhx nênhs trâus tuôs. Ndax trâu jiês chiv nhênhv no, Giám đốc Công an tỉnh Sơn La tưz khơưk muôz ntơưr kruôk trâu 8 tập thể, 32 lênhx nênhs uô tâu hâux lưv jông hâur jiês sik tưr uô nuv hơưv chiv nhênhv 65 shông Hnuz chax chês lưx lươngv Cảnh sát tir thêir cuz tơưs thiêz 25 shông Hnuz tas nro tsôngv box tir thêir cuz tơưs thiêz chơưv nanv./.

Thu Thùy- Txâur Vax cxeik nhênhv

            Chiê têx kror liv sôr tâu kriz uô hâur luz nênhx, tiv zix zos ntơưv thax tsav tox siêz, thax tsav tsôngv box mênhx cxưx tsơưs nênhs, tỉnh Lào Cai tsênhv kriz uô ntâu tsưr ziv paz trâu pêx xênhv. Ntơưv xar Khao Mang, canr bôv, Công an thiêz chor tôv hlôngr yiêz sôr tưz tsik zos kriê trâu pêx xênhv ntơưv qơư uô hâux lưv, mak tsênhv muk txos ciês têx jêx jok, têx vax tsêr, têx thâuv muk ciês ntơưv têx têz chiê paz kriê trâu pêx xênhv sir zôngv VneID.

           Tsưr ziv no tsênhv tâu kriz uô ntơưv tas nro chor jêx jok sâuv thax tsav xar. Txix hâur shôngk shông txos nhiv no, Công an xar Khao Mang, tỉnh Lào Cai tưz paz muôx 3.000 ntâu lênhx nênhs đăngk cir, kriz uô tài khoản định danh điện tử thênhv 2; xar muôx 75% chor nênhs txâuk cxuô kror tâu kriz. Đại úy Mạnh Xênhv Shôngx, Công an xar Khao Mang hêik pâuz: “Pêz muk trâu yênhx jêx jok, yênhx ziv chuôz zis, têx thâuv tsênhv muk trâu têx liêx têz chiê kriê ciês trâu pox nhuôs lok định danh điện tử, muôz têx ứng dụng sôr uô trâu sâuv VneID, chiê pêx xênhv zôngx ziv đuô hâur uô, kho đuô têx ntâuz ntơưr hành chinhr thiêz an sinh xar hôiv”./.

Thừa Xuân-Lik Thox cxêik nhênhv

        Phongx Nghiệp vụ, Bôv đôiv Pênhz phax tỉnh Điện Biên côngv đros lưx lươngv muôx txơưx jênhv Trung Quốc nhiv kruôr uô tiêr ntâuz ntơưr choz thiêz thâux xa Thạch Tuấn Vĩ, xênhz shông 1986, zos lênhx nênhs uô cxâuv chei têz qơưk, tâu Trung Quốc thix ziv paz ntês cxov.

         Uô ntêx co, muôx nhos 4 six hnuz 29/9, tổ côngz xưv Zênhx Pênhz phax Si Pha Phìn côngv đros lưx lươngv nghiệp vụ pov, cxov tâu Thạch Tuấn Vĩ thâuv tsênhv nriêr cêr muk đhâu ntus đriv tsi trơưk chei trâu têz qơưk Lào ntơưv trôngx đriv Nậm Đích, jok Nậm Đích, xã Mường Chà, tỉnh Điện Biên. Lênhx nênhs co krêz lênhk tiêk, tuôx Việt Nam tsi trơưk chei chiê khiêr đrêiv lưx lươngv muôx txơưx jênhv Trung Quốc, đhâu co nriêr tsưr ziv khiênr muk trâu Lào thiêz tror muk iz luz têz qơưk txơưr đuô. Bôv đôiv Pênhz phax tỉnh Điện Biên tưz uô tiêr ntâuz ntơưr, choz Thạch Tuấn Vĩ trâu lưx lươngv muôx txơưx jênhv Trung Quốc lơưr cui tênhv./.

Vũ Lợi – Cà Thành BT.