Hnuz hội vênhx huôv Hmôngzg tsênhv taz tov kriz uô trâu ntơưv Điện Biên, cxuô zav hax huv muôz max uô thiêz xơưk tâu ntâu zav pax ntâuz txêix pax jông jav, cxơưz cxiz tâu chôngz lênhx kruô tuôx sêiz shuôk

Txix luôs hâux lưv ntok ntâuz max, tưz tâu chor niêv pos, chor uô niêv yax kriê txix thâuv nzor lok. Tus niêv hluôk Dêz x Vax nhoz tỉnh Tuyên Quang cux chox tsôngv pox niêv, vir ndâuk Hmôngz hâur thax tsav sik côngv tsiv uô thiêz chos tâu  10 ha ar tsêz chos max thiêz kriê trâu tsônv vir ndâuk sđ cơưv shâuv tsưr ziv muôz chiêz mur sâu cok trâu têx ntâuz max txêix pax jông jav thiêz tsưr ziv trâuk gax. Đhâu 5 shông cxiv tsa thiêz huôv tsar, cxuô zav hax huv ntâuz max, tsôngk tiêz tsôngk yo tsik uô tâu tưz muôs trâu ntâu ciêz đrôngl sâuv ntiêx têz thiêz hâur têz qơưs: "Qơư no tưz muôx hâux lưv trâu 10 ntâu lênhx nhoz hâur jos uô, muôx phênhv sâu tâu 4-6 triệu iz lênhx iz luz hli. Iz chas co, cux muôx 30 chuôz zis sik đros côngv uô, iz chuôz zis cux sâu tâu 2-3 triệu nhiêx hâur iz luz hli. Chor kruô oz chas têz qơưs cux kruôk txos pêz têx pax ntâuz, tsôngk tiêz tsôngk yo muôz ntâuz max muôz têk uô”./.

Tsu cxêik nhênhv-Vũ Lợi-Huyền BT

Hlôngr yiêz sôr txix uô nox iz kro mê njik yênhx huôv tsar uô ntâu tsênhv jux juk uô trâu thax tsav tox siêz Lai Châu hlôngr yiêz. Têx tsoz chos muôx grik kinh tế tâu kriê tsưr ziv tsiv uô, cxiv tsa suôz bê thiêz krêz đar tênhx qơư. Thâuv xiv huv uô tâu, muôx qơư sâu zuôr, têx hax huv zuôr muôs tâu gri đuô. Pos Hoa Xênhv Zax, Phưv Chủ tịch Hôiv Nôngx mênhx tỉnh Lai Châu heik pâuz: “Hội vênhv  tôngv pêx xênhv hlôngr yiêz tsưr ziv uô nox, xeir têx zuz nôngz tsoz chos, tsiêx tu zus jông, muôx qơư sâu zuôr thiêz muôx têx cxiv tsa suôz bê. Lar heik zos tsoz chos nox txir, yuôx đrox njuôz thiêz têx xiv huv OCOP reik đros ju lix ndis seiz tox trôngz câuv har, ndis shuôs tsôngv box heir nênhs tsơưs têx txux chi vênhx huôv jông”./. 

Khắc Kiên– Riê Lâux cxêik nhênhv

Sơn La tsênhv taz tov tso tơưv cxuô faz tsưr ziv qênhz yuôx thiêz yax kriê cov xênhz zus mê nhuôv tuz thiêz nhuôv nxêik cov huv đros. Xav hâur têx shông đhâu, chor nhuôv tuz thiêz nhuôv nxêik xênhz zus tsik siz bâus; co zos 116–118 lênhx nhuôv tuz; 100 lênhx nhuôv cxêik. Hâur ntu 2026–2030, Sơn La sir jos txo grêk tsơưs yuôr 109 lênhx nhuôv tuz; 100 lênhx nhuôv cxêik.

Hâur yênhx shông, ngành Y tế tưz tso tơưv cxuô faz tsưr ziv fuô uô thiêz cxơưz cxiz, yax kriê xênhz zus nhuôv tuz thiêz nhuôv cxêik cov siz bâus. Đros co, cxuô qơư y tế tsuv sox sêiz njôngr qênhx shênhx xênhz zus nhuôv tuz thiêz nhuôv cxêik cov siz bâus.

Xav txos shông 2030, Sơn La zuôr sir jos cov 95% cxuô gơưv niêv txir yuôr shông xênhz zus, tsuv pâuz tsênhz lok têx xor mông xênhz zus nhuôv tuz thiêz nhuôv cxêik cov siz bâus; 95% lênhx tuz nxêik hluôk siz zuôr uô txix gơưv pâuz lok tsưr ziv xênhz zus nhuôv tuz thiêz nhuôv cxêik siz bâus zos đrêiv chei têz qơưs tso tơưv./.

Tsu cxêik nhênhv-Bích Thuỷ

Tsêr kho moz Đa khoa thax tsav Mộc Châu, tỉnh Sơn La nhiv kruôr đros Tsêr kho moz Bạch Mai tsưr tsix buôk ti kriê cxaz nzir iz cxiê txux chi, tsưr ziv seiz njuôk shuôs, kho moz gênhk nhuôs zâu trâu têx lênhx bác sĩ, cưk yuôx thiêz canr bôv lês car uô đreiv têx hâux lưv heik sâuv. Chor nênhs nhênhz chơưv Tsênhv qơư kho moz nhuôs zâu thiêz Viện kriê cxaz nzir txux chi, nhênhz chơưv Y dược, Tsêr kho moz Bạch Mai buôk ti kriê têx txux chi seiz njuôk shuôs, kho moz, tsoz phưz nhuôs zâu; iz chas ntơư buôk ti seiz njuôk shuôs đas jos, sik thav lok têx tsưr ziv seiz njuôk shuôs thiêz kho moz ntơưv khoa kho moz nhuôs zâu. Lar heik, chor nênhs nhênhz chơưv thiêz học viên tưz sik đros thav lok sâuv têx nhuôv mok xênhz zus lok tsi tâu txưv hli, tsi txâuk cir, tsênhv tâu chơưv kho moz gênhk. Đhâu tsênhv tsênhz, chor nênhs cơưv tâu kriê tsưr ziv ntâuk grê, sox seiz thiêz tsoz phưz nhuôs mok xênhz zus tsi tâu txưv hli. Luôs hâux lưv kriê, cơưv cxaz nzir li heik sâuv đros tsêr kho moz lox paz gra siêz chor cưk yuôx, bác sĩ tsêr kho moz Đa khoa thax tsav Mộc Châu txux chi, tsưr ziv uô nuv chiê lês uô tâu jông đuô luôs hâux lưv seiz njuôk shuôs, kho moz gênhk trâu pêx xênhv, lar heik zos têx nhuôs zâu./.

Thanh Thủy-Riê Lâux cxeik, nhênhv