Hnuz hội vênhx huôv Hmôngz jiês tiv 4 ntơưv Điện Biên, zos huôv tsar truôx têx txux chi, vênhx huôv tsiv grê cxôngx nzor. Txix têx txux chi, vênhx huôv co, cux chênhr zos jiês kriz đar cxuô qơư ndis uô si, sêiz shuôk têz qơưs trâu cxuô tsênhv qơư. Zơưv Nguyễn Minh Phú, Phưv Chủ tịch UB tỉnh, Tsar Ban Tsưr tsix hnuz hội vênhx huôv Hmôngz jiês tiv 4 shir phaz lul hêik pâuz:  Thôngz đhâu Hnuz hội no, pêz hêik kriê hêir nênhs Hmôngz têx txux chi, vênhx huôv tsiv grê trâu tsôngv kruô pâuz txos. Lar hêik, iz chas tuôr tsês têx txux chi, vênhx huôv jông tsiv grê cxôngx nzor cov yênhx qơư cxơưz cxiz tsôngv px huôv tsar uô nox trâu px. Txix ntơư,vênhx huôv chênhr zos qơư truôx khor paz trâu tsôngv px huôv tsar uô nox hâur ntu têz qơưs hlôngr yiêz thiêz ziv hnuz tsôngv px sđ ziv muôx luz nênhx tsâu sor./.

Tsu cxêik nhênhv-Vũ Lợi

Hmo xiêz 10/10, ntơưv Quảng trường Tây Bắc, phường Tô Hiệu, tỉnh Sơn La, 500 chuôz zênhx, meir tso za tsi zuôr nênhs tsar zuôr đros côngv uô cêr lov jêv, hâur ntênhs hội cà phê Sơn La jiês tiv 2 shông 2026. Đros njiêz luk “Arabica Sơn La-jux juk muôx suôz đror bê sâuv ntiêx têz”, tsaz yênhx muôx 15 txux chi nthuôr uô jông cxeik tsov têx đuôz thax tsav qơư, vênhx huôv, lênhx nênhs Sơn La thiêz uô nôngz cà phê Arabica txix thax tsav tox siêz Sơn La trâu chôngz lênhx ntâu tus sâuv ntiêx têz pâuz txos. Lar heik zos tsaz yênhx tso đuôz pax lâus, pax cà phê; têx trôngz têz cà phê thiêz tsiv uô nôngz cà phê Arabica. Tsi tas li, têx txux chi vênhx huôv tox siêz cux tâu nthuôr uô đhâu chor nxeik Poz Ziz têx đuôz sik tưr têk đhiê uô cêr lov jêv đros trâu chor pax ntâuz, tsôngk hnar khax jav nhoz Tây Bắc. No zos jiês xuz thơưx tâu muôz têx meir tsov, cxeik đuôz jông thiêz yiêz lok phưx vưv tsaz yênhx Ntênhs hội cà phê Sơn La, đros trâu nthuôr uô têx txux chi cêr lov jêv. Thôngz đhâu nthuôr uô lov jêv, tsaz yênhx zuôr paz piêr kriê đuôz shav Sơn La, vênhx huôv Tây Bắc thiêz cà phê Arabica suôz bê trâu chôngz lênhx ntâu tus pâuz txos, iz chas ntơư yax kriê thôngz yax lok Sơn La tsưr ziv cxơưz gra cà phê Sơn La muôx suôz bê sâuv ntiêx têz./.

VOVTB– Riê Lâux cxêik nhênhv

Ntơưv đrôngl Hải Phòng, Tsênhv qơư cxơưz cxiz muôz pênhr nhiêx cxiv uô  tỉnh Sơn La tưz đros cxuô tỉnh  hâur thax tsav faz Bắc cơưv jiês tiv 20 shông 2026 thiêz Hội kriz ciêz cxuô zav hax huv thax tsav faz Bắc. Ntơưv jiês cơưv no, cxuô lênhx đại biểu cux muôx luk kruôk txos cxuô luôs hâux lưv uô tâu truôx jông shông 2025 thiêz 9 luz hli shông 2026. Đros co, cux sik thav lok cxuô faz tsưr ziv uô hâur cxuô qơư tsiv uô, hợp tác xã, doanh nghiệp công nghiệp... Tỉnh Sơn La cxuô zah hax huv tưz tâu hêik hâur jiês kriz ciêz, chiê hêik têx hax huv muôx jông ntơưv qơư trâu lênhx nênhs sir zôngv pâuz txos thiêz sik đros đơưk kho têx phiv liv hâur huôv tsar uô nox thax tsav faz Bắc.

Thôngz đhâu cxuô luôs hâux lưv co, hâu nov tỉnh Sơn La tsênhv zuôr tror sir jos huôv tsar uô txuôk đros cxuô qơư tsiv uô, cov ziv hnuz ziv uô tâu ntâu zav hax huv tsiv grê, cxơưz cxiz huôv tsar tâu  truôx jông cxuô zav hax huv muôx ntơưv qơư./.

Tsu cxêik nhênhv-Thanh Thuỷ

Tuz lênhv Pênhz phax tỉnh Lào Cai nhiv kruôr uô tiêr luôs hâux lưv sơưr tơưv txênhz, phax tar nênhs fêv zuôr muôs lênhx nênhs thiêz zax zênhz. Tuz lênhv Pênhz phax tsưr tsix 35 jiês yax kriê trâu 720 ntâu lênhx pêx xênhv, 35 jiês qênhz yuôx đriv têz; ruôr por tsês têx txuz nênhs fêv zuôr muôs nhuôv zâu đhâu ntus đriv, chơưv paz tâu truôx tuk têx nhuôs zâu. Taz viv iz chas ntơư qênhz pov, ruôr por tsês txuz thâux gra  zuôr xar 3 cir zax zênhz poz jêz tsi trơưk chei. Txos nhiv no, Lào Cai muôx 73 hâur 99 xã, phường tsưx phưv tâu truôx jông tsi muôx zax zênhz; ciêz 100% xã ntus đriv tưz uô tiêr luôs hâux lưv li heik sâuv. Heik lol luôs hâux lưv sir jos hla đhâu phiv liv qênhz yuôx, yơưz phơưz chor nênhs fêv uô têx nuv tsi trơưk chei ntơưv thax tsav trôngx đriv, Trung tá Vũ Trần Minh Đạt-Thơưx seiz car Zênhx pênhz phax trôngx đriv ntiêx têz Lào Cai heik: “Jiês qênhz yuôx, fuô uô têx hâux lưv li heik sâuv, pêz tưz ruôr por tsês tâu 02 txuz nênhs fêv zuôr muôs lênhx nênhs tsi tâu muôx 16 shông txix nziêk đas uô gâux đrâul, siz zuôr uô txix gơưv. Txơưv đhâu uô têx nuv tsi trơưk chei ntơư, chor nênhs fêv tuôr hâur tso têk khiêr gâuv, tsi nhoz hâur thax tsav qơư, kuôk đêz Lào Cai txix 300-500 cêik, taz sik pêz cux tso nênhs yơưz phơưz, ntêk cxov tâu têx nênhs fêv co”./.

An Kiên-Riê Lâux cxeik, nhênhv