Zơưv Lò Minh Hùng, Phưv Bí thư Thường trực Tỉnh ủy, Chủ tịch Hôiv đôngx tỉnh Sơn La nhiv kruôr uô hâux lưv đros Sở cxiv tsa, Văn phongx Đoanx Đại biểu côx hôiv thiêz Hôiv đôngx tỉnh, Ban seiz car dưv anr yưv pênhr cxiv tsa têx côngz trênhx, công nghiệp thiêz huôv tsar ciêz đrôngs tỉnh lok luôs hâux lưv phax tar uô tuôr xuôv nhiêx txiêx, têx tsi jông. Cxuô taz viv heik pâuz, tưz sir jos uô tsênhz mênhx, qênhz yuôx, seiz kaz cxuô luôs hâux lưv; 9 luz hlik đhâu tsi tâu qênhz pov muôx iz txuz tưs nox nhiêx, uô tuôr xuôv nhiêx txiêx têz qơưk, têx tsi jông hlo. Phưv Bí thư Thường trực Tỉnh ủy heik, sir jos uô jông têx hâux lưv zok muôz, qênhz shuôs, bax phax tar têx uô cxâuv. Cxuô taz viv tsuv qênhz shuôs têx dưv anr fuô uô kênhz, ntêr hnuz, cxiv kho ntâu jiês; qênhz shuôs đrux ntov têx hâux lưv muôx yưv nzir, cxiv kho pênhr yưv uô, six hơưv, hnuz nhôngs cir ntâuz ntơưr uô dưv anr thiêz hlôngr yiêz txux chi, tsưr ziv uô hâux lưv, iz chas ntơư phax tir thêir tsi chiê muôx yưv têx tsi jông uô cxâuv chei./.

                                                                                     Báo Sơn La– Riê Lâux cxêik nhênhv

Ntơưv jiês cơưv hli 9, Ủy ban tỉnh Điện Biên sêiz shuôk, thôngx ziv 13 tsênhv njiêz, hâur co 5 tsênhv njiêz muôz trau Hôiv đồng tỉnh, 5 tsênhv njiêz zos Ủy ban tỉnh vax huôv quyết định thiêz 3 tsênhv njiêz tâu zuôr ziv chênhv txix tso ntơưr. Têx tsênhv njiêz muôz trau Hôiv đồng tỉnh tsêx trung trâu chor tsênhv chêi paz huôv tsar kinh têr tư nhân; tsaz yênhx huôv tsar đô thị txos shông 2030; tsênhv chêi paz trâu chor txir ndâux txir luk thiêz tsôngv box mênhx cxưx tsơưs nênhs; đros têx tsưr ziv lok lưx lươngv por vêv ngaz tuk ntơưv thax tsav qơư. Đros 5 tsênhv njiêz zos Ủy ban tỉnh vax huôv, Ủy ban tỉnh sêiz shuôk têx cui tênhv lok phax tar ntux nas chuô uô ruôr hiêv; sêiz car doanh nghiệp, ziv chuôz zis kinh doanh; cxuô zav txix ntông; ngaz tuk têx pak đêx, pak đêx tênhv thiêz sêiz car cxuô kror khơưk kruôk. Chủ tịch Ủy ban tỉnh Lê Văn Lương hêik chor cơ quan tror uô cov tiêr dưv thảo, huv zos tsênhv tsênhz, hêik pâuz cxix cxuô thiêz ntâuk gri tsênhz pênhr jos kriz uô uô ntêx muôz trâu Ủy ban tỉnh thiêz Hôiv đồng tỉnh sêiz shuôk./.

                                                                                      Báo ĐBP-Lik Thox cxêik nhênhv

Lok nas lox txix hmo 15 txos zar hnuz kêix 16/9 ntơưv thax tsav faz Tây tỉnh Lào Cai tưz uô tox xưz poz, ruôr hiêv txos têx vax tsêr, cêr muk lol thiêz cêr huôv tsar uô nox, xav hur si têx trâus ruôr hiêv tas muôx 6 tỷ đeiv ntâu. Lok nas lox uô pêx xênhv nhoz têx xã Văn Chấn, Phình Hồ thiêz Hạnh Phúc 5 luz tsêr trâus ruôr hiêv tiv tox xưz poz cxuz; ntơưv phường Cầu Thia, 4 chuôz zis muôx 10 lênhx nênhs tsuv yêik txar muk nhoz qơư truôx tuk. Ntâu txox cêr muk lol cux trâus tu xưz, uô tuôr thênhv txos têx yêz muk lol tâus cêr, hâur co muôx têx ntu sâuv txox cêr lox 32 muk trâu txox cêr 174 muk lol hâur tỉnh thiêz trâu Làng Nhì. Txox cêr muk Háng Gáng trâus xưz muôx 30 thiêr, tsuv txưr tsi khênhr cxuô luz yêz thiêz sơưr đơưk muk lol đhâu. Lok nas lox cux uô ruôr hiêv, puôk tsuôx tas iz cxiê liêx têz kôngz lôngk, pak njêl. Cxuô thax tsav qơư tsênhv tso nênhs nhoz trơưr ntơưv qơư hâur yênhx hnuz hmo, qênhz shuôs têx thax tsav zôngx ziv trâus tu xưz, bax yêik txar pêx xênhv muk trâu qơư truôx tuk thiêz hu zâuv sơưr đơưk sik đros cxiv kho têx ntu cêr trâus xưz poz chiê truôx tuk trâu cxuô luz yêz, tsôngv niêv txir lax pêx xênhv muk lol tâus cêr./.

                                                                                         Thừa Xuân– Riê Lâux cxêik nhênhv

Hlôngr txix uô zâu trâu sik côngv uô chiê muôs tơưv saz đrâuv têz qơưk tsênhv paz muôx tâu kinh têr siêz ntơưv thax tsav tox siêz tỉnh Lào Cai. Ntơưv xar Văn Chấn, tsưr ziv chos zav nôngz cuô txoz njuôk yiêz tsênhv paz sâu tâu siêz đuô 4 txos 5 jiês chor blêx. Txix shông 2025, cuô txoz njuôz tâu muôz lok chos ntơưv ntâu jok nhoz xar Văn Chấn trơưk tsưr ziv sik côngv đros Hợp tác xar uô kôngz nuv GOC. Pêx xênhv tâu paz kỹ thuật, chuôz zênhx thiêz sâu zuôr. Chiv nhiv kruôr đhâu, 68 ziv chuôz zis chos muôx 9,3 héc ta ntâu cuô txoz njuôz, paz muôx tâu kinh têr siêz. Txix zav cuô txoz no, thax tsav qơư njuôk xav zuôr chos nzir ndê muôx 20 héc ta ntâu hâur shông zuôr txos. Tsưr ziv no tsênhv paz muôx tsưr ziv hlôngr yiêz đuô thax tsav kôngz nuv tsik jông chiê chos chor tsoz chos muôx tsiv gri siêz, đros co paz muôx sik côngv hâur uô nox thiêz qơư muôs trâu têx kôngz lôngk tox siêz. Zơư Lò Văn Sĩ, Chủ tịch Hôiv Nôngx mênhx xar Văn Chấn, tỉnh Lào Cai hêik pâuz:“Đhâu thâuv chor hôiv viên nôngx mênhx chos cuô txoz, pêz pir kinh têr sâu tâu đros chor blêx. Hâur shông zuôr txos, Hôiv Nôngx mênhx xar cux tưz sik côngv đros Phòng Kôngz nuv thiêz Tênhv qơư tưz hêik chor hôiv viên tror huôv tsar chos cuô txoz. Njuôk xav txix chor hôiv viên nôngx mênhx đăngk cir mak zuôr chos tâu muôx 20 ntâu héc ta”./.

                                                                                                  Đinh Tuấn-Lik Thox cxêik nhênhv

Hâur ntu đhâu, ntâu lênhx pêx xênhv tưz trâus nênhs fêv nziêk đas đhâu tso đuôz sâuv mạng xã hội đros tsưr ziv piêr kriê: yưx 2, 3 puôk cxênhz muôx têx zuôr tâu yênhx puô tsov đeiv. Công an tỉnh Lào Cai nhiv kruôr ruôr por tsês ntâu txuz nênhs fêv nziêk đas chôngz lênhx ntâu tus đhâu têz qơưk li heik sâuv, hâur co muôx siz tuôr tsưr ziv nziêk đas luôs lưv tus txix Campuchia lok Việt Nam, tâu yênhx tỷ đeiv nhiêx. Chor nênhs fêv co lơưr zôngv faz tsưr ziv muôz têx phưx chi đơưz jông gâux đas tiêk zos poz jêz muôx grik, cxeik đuôz tso trâu sơưr đơưk seiz cov cxuô lênhx cxuô tus njênhs, iz chas ntơư uô ntâu tài khoản chuôr chiê heik, nziêk luôs lưv tus đros yưv nhiêx, đros uô têx tsi trơưk chei ntơư. Lar heik, cơ quan muôx vax huôv tsuv yơưz phơưz yênhx châuv têx xor mông, tin nhắn siz tuôr tsưr ziv, hâuz zâuv luôs lưv tus đros uô têx hâux lưv tsi trơưk chei chiê phưx vưv qênhz yuôx. Txix têx li heik sâuv, cơ quan muôx vax huôv heik tsôngv pêx xênhv sơưr đơưk tsuv chênhr phax lok têx đuôz tso sâuv mạng xã hội nziêk đas li uz li no, tsi xa nhiêx trâu luôs lưv tus tsi pâuz tsênhz bê...thiêx tsi trâus nênhs fêv nziêk đas./.

                                                                                                              An Kiên-Riê Lâux cxeik, nhênhv