Ntơưv jiês cơưv tiv 6, Hôiv đồng tỉnh Lai Châu khoar XVI hnuz 9/9, chor đại biểu tưz thôngz đhâu 9 nghị quyết zov chênhr, chiê nriêr pâuz txos Trung ương, Chinhr phuv têx tsưr ziv, luôs hâux lưv yiêz, tiv zix zos tsưr ziv tsar ndê. Têx nghị quyết tsêx trung kho đuô, cxaz nzir iz cxiê tsưr ziv huôv tsar kinh têr-xar hôiv, paz huv đros trâu qênhx shênhx tsênhv tsênhz thiêz tỉnh tsưr ziv huôv tsar hâur ntu yiêz. Bí thư Tỉnh ủy, Chủ tịch Hôiv đồng tỉnh Lê Minh Ngân hêik cxuô cấp, nganhx, thax tsav qơư sêi đrơưv kriz uô têx nghị quyết cov tâu truôx jông; sir jos uô cov tâu siêz tiv zix têx tsưr ziv huôv tsar kinh têr-xar hôiv shông 2026 thiêz ntu 2026-2030./.

                                                                                                         Khắc Kiên-Lik Thox cxêik nhênhv

Tỉnh Sơn La tsênhv chêx chôngk đơưk têx phiv liv, chuôz tsar yưv pênhr côngz lơưr tsưr ziv "phiv liv nhoz tưs, đơưk kho ntơưv co". Shông 2026, tỉnh tâu choz 7.800 tiv đêiv ntâu pênhr yưv côngz. Txos nhiv no, tưz yưv pênhr 3.500 tiv đêiv ntâu, tax zuôr xar 45% tsưr ziv, tsar ndê 300 tiv đêiv ntâu pir li hâur hli 8. Iz cxiê taz viv muôx tsưr ziv yưv pênhr jông li Công an tỉnh, têx Ban sêiz car dự án yưv pênhr cxiv tsa thiêz UB xã Vân Hồ đros iz cxiê xã, phường. Taz sik, phênhv yưv pênhr cxuô cux tsênhv kis. Qir tiv chênhr zos iz cxiê dưv anr uô tsi tâu sei, tsênhv muôx yưv phiv liv lok tênhv qơư, ntâuz ntơưr yưv pênhr, sêiz car, thêv nhiêx. Tỉnh Sơn La tsênhv heik têx taz viv chêx chôngk đơưk têx phiv liv, truôx siêz uô tiêr tsưr ziv yưv pênhr, muôz siêz chêx cuk sir zôngv pênhr yưv côngz. Zơưv Đinh Trung Dũng, Giám đốc Sở Tài chính tỉnh Sơn La puz pâuz: “Sở Tài chính li siêz xar zos chor pênhr yưv tsênhv yuôr tâu uô lơưr tsưr ziv ndar six hơưv, ndar hnuz nhôngs, tsơưs tiv zix qênhx shênhx muôz pênhr yưv taz sik tsi muôx pênhr uô. Đros phênhv sâu nhiêx sir zôngv ar mak pênhr yưv phênhz đros phênhv sâu tsênhv tsênhz thêv trâu nhiêx txiêx têz qơưk, yax six njuôk xav six hơưv chiê chuv tôngv chox kriê, tsov cưv trâu chor dự án txâuk ntâuz ntơưr, muôx pênhr jos thiêz muôx pênhr yưv hâur shông”./.

                                                                                    Trấn Long-Txâur Vax cxeik nhênhv

Ủy ban Qênhz yuôx Tỉnh ủy Lào Cai tsưr tsix bốc thăm xêir tsov canr bôv chiê xav jênhv phênhv sâu thiêz vax tsêr cxuô zav shông 2026. Lơưr co, txix 92 canr bôv nhoz Ban Thường vuv Tỉnh ủy sêiz car, jiês cơưv tưz xêir tsov tâu 43 canr bôv, lênhx tov ntơưv 15 cơ quan, taz viv, thax tsav qơư chiê xav jênhv phênhv sâu, vax tsêr cxuô zav. Hâux lưv no tâu kriz uô tsênhz mênhx, ndax ndênhk, huv cui tênhv, chiê paz qênhz shuôk tâu jông têx canr bôv li phênhv sâu, vax tsêr cxuô zav, phax tar nox nhiêx têz qơưk, têx kror tsik jông. Đhâu co, paz muôx jông txơưx jênhv, hêik pâuz jông txos phênhv sâu thiêz têx vax tsêr cxuô zav; đros co paz chuôz cxaz kỷ luật, kỷ cương hâur Đảng./.

                                                                                 Báo Lào Cai-Lik Thox cxêik nhênhv

Khov pênhr jos txix têz qơưk li têx tsaz yênhx tsov txos, tsôngv px mênhx cxưx tsơưs nênhs xã Vân Sơn, tỉnh Phú Thọ luz nênhx iz thênhv jux juk tâu hlôngr yiêz. Thax tsav qơư kriz uô ntâu tsưr ziv uô nox li chos yuôx zêx, txir quýt, tâuz zax, yuôx đrox njuôz, tu zus nênhk, ok thiêz chos blêx. Đros huôv tsar kôngz nuv, Vân Sơn sir jos huôv tsar ju lix chiv xênhz đrox tsuôs, ju lix côngv thôngx reik đros tuôr tsês vênhx huôv mênhx cxưx Mường. Ntâu côngz tsinhx zaoz thôngz cxuô zav thiêz ju lix tâu yưv pênhr uô, paz đas jos huôv tsar kinh têr - xar hôiv. Ntu 2020-2025, chor ziv chuôz zis pluôs txo grêk txix 3 txos 4% iz shông. Shông 2026, xã sir jos cov phênhv sâu fênhx pheiz tax 37 tsov đeiv iz lênhx nênhs iz shông./.

                                                                                Báo Phú Thọ-Txâur Vax cxeik nhênhv