Đhâu jiês đêx ngaz cuôr hnuz 17/7, tsêr cơưv ntơưr Bản Chít, xã Mường Than, tỉnh Lai Châu trâus ar, poz jêz cxuz tas, ntâu kror trâus puôk tsuôx. Têx hnuz đhâu, cưk kriê ntơưr, shux xênhz niêv txir thiêz hâu nov ntơưv qơư sir jos kho đuô, vêv xênhz tsêr cơưv ntơưr, bax tok shux xênhz tuôx cơưv shông cơưv yiêz. 30 ntâu lênhx cưk kriê ntơưr, shux xênhz niêv txir thiêz công nhân sik đros kho đuô têx trâus ruôr hiêv.. Shông cơưv 2026–2027, tsêr cơưv muôx 3 qar cơưv, txâuk trâu 78 lênhx shux xênhz; 35 lênhx shux xênhz tsênhv yuôr tâu chiê muk cơưv ntơưv tsêr cơưv tsênhv qơư. Zơưv Hoàng Phi Hùng, Phưv Chủ tịch UBND xã Mường Than puz pâuz, chiê paz trâu shux xênhz cơưv ntơưr tâu jông ntơưv tsêr cơưv jok Chít, ciês đhâu muôx đêx ngaz cuôr, Uỷ ban xã tưz muôz 4 tỷ ntâu nhiêx chiê kho đuô tsêr lớp cơưv ntơưr ntơưv tsêr cơưv.: "Chiê paz trâu chor shux xênhz tâu tuôx cơưv ntơưr, cấp ủy, chinhr quyênx  ntơưv qơư cux tưz tsês pênhr jos, hu zâuv sơưr đơưk sik côngv paz. Xã tưz kriz uô kho đuô thiêz yưv pênhr zuôr têx chuôz zênhx thiêz cxuô zav trâu tsêr cơưv ntơưr Bản Chít, cov uô tâu jông hâux lưv kriê thiêz cơưv ntơưr hâur shông cơưv yiêz”./.

Khắc Kiên-Lik Thox cxeik nhênhv.

Bộ Khoa học thiêz Công nghệ nhiv kruôr uô hâux lưv đros UBND tỉnh Sơn La, thôngx ziv tsưr ziv car chêx têx thax tsav tsik tâu muôx sóng, sóng tsơưs thiêz gra siêz tsơưr lươngv sik côngv sâuv thax tsav. Trơưk li tsưr ziv, 55 jêx jok tsik tâu muôx sóng zuôr tâu yưr lik hâur shông 2026. Viettel sir jos uô tiêr 17 jêx jok hâur hli 9 thiêz 38 jêx jok tsênhv yuôr hâur quý IV. Hâur six hơưv tok cxiv tsa trạm BTS, Bộ Khoa học thiêz Công nghệ njuôk xav bax chuôz zênhx vệ tinh quỹ đạo kik chiê cungz Wi-Fi uô ntêx.

Thứ trưởng Bộ Khoa học thiêz Công nghệ Phạm Đức Long heik tsuv seiz shuôk, phênhz tsênhz mênhx thax tsav "tsi muôx sóng" thiêz "txeik tsi tâu sóng" chiê muôx tsưr ziv huv đros; thôngx cxix tror tsov cưv, kho đuô cxuô zav ntơưv têx qơư muôx tsi txâuk sóng./.

VOV-Txâur Vax cxeik, nhênhv

Tas cik hnuz 25/8, ntơưv phường Điện Biên Phủ, tỉnh Điện Biên, Tổ hợp Zoz zux FPT Điện Biên tâu kriz uô. Dưv anr zos Công ty TNHH Zoz zux FPT uô tsưr yưv pênhr, đar zuôr xar 11 héc ta, tas nro pênhr yưv uô muôx 648 tiv đêiv ntâu. Tổ hợp tâu cxiv uô lơưr tsưr ziv sik côngv txix phổ thông, zoz zux hâux lưv uô txos đại học, njuôk xav kriê tâu trâu 6.000 ntâu lênhx shux xênhz iz shông thiêz paz muôx hâux lưv uô trâu zuôr xar 500 lênhx lox tôngv. Dưv anr tâu kriz uô muôx 3 ntu, hâur muôx 8 shông; khóa xuz thơưx njuôk xav kriz cơưv hli 9/2027. FPT heik pâuz zuôr muôx tsênhv chei học bổng paz trâu shux xênhz mênhx cxưx tsơưs nênhs thiêz luz nênhx txov nhêv. Dưv anr tâu vav chiê siêz zuôr paz muôx tâu tsơưr lươngv pênhr jos jông, cxơưz tiês hlôngr yiêz sôr thiêz huôv tsar kinh têr - xar hôiv thax tsav Tây Bắc./.

Vũ Lợi-Lik Thox cxêik nhênhv

Công an tỉnh Lào Cai puz pâuz lưx lươngv Cảnh sát zaoz thôngz nhiv kruôr xưv bluô oz lênhx nênhs sik đros uô cxâuv ntâu cui tênhv lok ngaz tuk zaoz thôngz.

Uô ntêx co, ntơưv niêv cêr 4, nhoz xã Mường Khương, T.V.S., xênhz shông 2009, nhoz xã Pha Long, tsar yêz meir thâuv tsi tâu txâuk shông thiêz tưz hâuk chơưr bia. Lênhx nênhs no uô cxâuv 7 kror, hâur co muôx: tsi ntông mov por vêv tâuz hâu, tsi uô trơưk lênhx nênhs sêiz car zaoz thôngz li lênhv, yêz tsi muôx iêr thiêz tsi muôx ntâuz ntơưr đăngk cir. Tas nro phênhv bluô uô cxâuv zos 6 tsov đeiv ntâu. Iz lênhx nênhs txơưr zos T.T.D, trâus qênhz pov tsar yêz ô tô muk chênhr tsi trơưk cui tênhv sâuv txox cêr lox 279 thiêz tưz hâuk chơưr bia. Đros oz kror uô cxâuv co, T.T.D. trâus xưv bluô tas 42 tsov đeiv; hâur co bluô 7 tsov đeiv viv uô cxâuv tsar yêz muk chênhr tsi trơưk cui tênhv, txu grês 4 điểm ntơưr tsar yêz thiêz bluô 35 tsov đeiv đros kror cxâuv zos hâuk chơưr bia, đros co zos trâus sâu tsês ntơưr tsar yêz txix 22 txos 24 luz hlik./.

VOVTB-Txâur Vax cxêik nhênhv