Hnuz 24/8, Phêv ziv sik hux jos kinh têr 5 tỉnh, TP Lào Cai-Hà Nội-Hải Phòng-Quảng Ninh (VN) thiêz Vân Nam (Trung Quốc) jiês tiv 7 tâu tsưr tsix ntơưv phường Sa Pa tỉnh Lào Cai. Hla đhâu 22 shông yênhx lix, cơ chế sik hux jos hâur 5 tỉnh, TP tưz khav tênhv tâu đas jos truôx jông. Ntu 2024-2026 nhiv kruôr đhâu, kinh têr muôx ntâu hlôngr yiêz jông, txix sik côngv txos huôv tsar...sik đros cxơưz tiês sik côngv hạ tầng zaoz thôngz, trôngx đriv, logistic...Têx tỉnh cux cam kết car chêx têx tsi tâu uô tâu, cxơưz tiês txuôk đros cêr ar, cêr hlâu, tiv zix zos cêr hlâu txuôk Côn Minh, Lào Cai, Hà Nội, Hải Phòng./.

An Kiên-Txâur Vax cxêik nhênhv

Jiês đêx ngaz cuôr lịch sử ntơưv xar Mường Than, tỉnh Lai Châu thâuv hli 7 nhiv kruôr đhâu tưz uô ruôr hiêv hnhar txos ntâu tsêr cơưv, lớp cơưv, tiv zix zos tsêr cơưv nhuôv zâu Bản Chít. Đhâu trâus đêx ngaz cuôr, cấp ủy, chinhr quyền thax tsav qơư, nênhs thầu đros chor cưk kriê ntơưr thiêz pêx xênhv tưz sir jos thoz huk, kho đuô, uô cov tiêr cxuô kror, chiê paz txêik tâu chor shux xênhz tuôx cơưv ntơưr uô ntêx hnuz kriz cơưv shông cơưv yiêz. Đros zuôr muôx tsik txâuk qar cơưv ntơưr, chinhr quyền xar Mường than tưz sêi đrơưv qênhz shuôk, muôx tsưr ziv bax qơư cơưv ntơưr chiê txêik tok tâu chor shux xênhz tuôx cơưv tâu ntơưr hâur shông cơưv yiêz 2026-2027./.

Khắc Kiên-Lik Thox cxêik nhênhv

Têx hnuz đhâu, iz cxiê xã sâuv thax tsav tỉnh Sơn la muôx yưv ntux nas lox, uô tox poz, đêx ngaz thiêz zênhr shar txos tsêr nhoz, kôngz lôngk, zaoz thôngz muk lok. Lơưr UB têx xã li pov cov sei, txos hnuz 23/8, tsi muôx ruôr hiêv lok lênhx nênhs taz sik muôx nhos 23 ziv chuôz zis muôx tsêr nhoz trâus zênhr shar. Ntux lok nas lox uô 12 hecta blêx, poz cưk trâus zênhr shar, yênhx puôk cêr njês trâus đêx nas cuôr yôngz. Ntâu cêr muk lok xã Púng Bánh, xã Xuân Nha, Chiềng Lao muôx tox poz, uô zaoz thôngz muk lok tsi tâu...Njuôs xav ruôr hiêv 513 tsov đeiv ntâu, chêx chôngk ntơưv têx xã Bó Sinh, Chiềng Sơn, Xuân Nha, Chiềng lao. UB têx xã tưz krêz uô tsưr ziv khưx phưx lơưr tsưr ziv “4 ntơưv qơư” paz tsôngv px txar qơư nhoz taz por, krêz thôngz, khưx phưx têx côngz tsinhx trâus zênhr shar./.

Báo Sơn La-Txâur Vax cxêik nhênhv

Công an xar Bảo Hà thiêz Công an phường Cam Đường, tỉnh Lào Cai nhiv kruôr muk tas muôx 2.000 ntâu cêik cêr txos trâu tỉnh Tâu Ninh chiê cxov Lự Quang Quảng, xênhz shông 1994, nhoz ntơưv jok Tắp 1, xar Bảo Hà, tỉnh Lào Cai, zos lênhx nênhs trâus zok cxov cik txos zax zênhz.

Uô ntêx, hnuz 6/6/2026, ntơưv jok Liên Hà 2, xar Bảo Hà muôx txuz hâux lưv Hoàn Văn Nam uô cxâuv “Tsês chiê tsik zos zax zênhz”. Trơưk ntâuz ntơưr, Cơ quan Cảnh sat qênhz yuôx Công an tỉnh Lào Cai tưz muôx quyết định zok cxov Lự Quang Quảng chiê phưx vưv côngz xưv qênhz yuôx, xav jênhv. Đhâu nriêr pâuz, Công an xar Bảo Hà pâuz tâu tiêk Quảng tsênhv nhoz gâuv ntơưv thax tsav xar Bến Lức, tỉnh Tây Ninh. Hnuz 22/8, Công an xar Bảo Hà tưz sik côngv đros Công an phường Cam Đường tso nênhs muk tỉnh Tây ninh chiê cxov Lự Quang Quảng. Đhâu co, Quảng tâu chox lok tỉnh Lào Cai chiê qênhz yuôx, nriêr pâuz lok kror cxâuv zuôr muôs zax zênhz. Nhiv no txuz hâux lưv tsênhv tâu Công an xar Bảo Hà thiêz chor lưx lươngv muôx vax huôv tror nriêr pâuz nzir chiê muôz tik cêr cxâuv trơưk chêi têz qơưk./.

CTVVOVTB-Lik Thox cxêik nhênhv