Tuz lênhv Pênhz phax tỉnh Lai Châu tsênhv fuô uô siv luôs hâux lưv 54 chuôz zis pêx xênhv nhoz jok Ngải Thầu, xã ntus đriv Sì Lở Lầu chos Sâm Lai Châu. Đhâu zuôr xar 5 shông, hâux lưv co tưz cxiv uô, xor thêir 63 qơư sâuv xar muôx 6 ha liêx têz, chos 15.200 ntâu tsoz sâm, chiêx thiêz hloz lox tax 85%. Hâux lưv co xuz thơưx paz pêx xênhv muôx nzir nuv uô, cxaz nzir phênhv sâu tâu, paz txo grêk cêr pluôs thiêz truôx tuk luz nênhx nhoz thax tsav ntus đriv. Đhâu ntơư, pêx xênhv tso siêz huôv tsar uô nox, đros tuz lênhv pênhz phax tsưx phưv truôx ntus đriv, ndêx cxok kuôk cêv đriv têz.

Ntơưv jiês cơưv lok huôv tsar Sâm Lai Châu nhoz têx xã ntus đriv nhiv kruôr đhâu, chor đại biểu heik, tror paz zuz nôngz tsoz chos, kriê tsưr ziv tu thiêz muôx chei paz chiê nthuôr đar luôs hâux lưv co trâu lưv lênhx lưv tus, iz cxiê thax tsav cơưv shâuv, uô trơưk. Tỉnh Lai Châu xav tinhv Sâm Lai Châu zos tsoz yuôx đrox njuôz zov chênhr, iz chas ntơư tsuv huôv tsar đros trâu tsưx phưv jôngr ntông, por hưv tênhx qơư, têx yuôx đrox tsuôs jông tsi trâus pôngz nôngz./.

Khắc Kiên-Riê Lâux cxeik, nhênhv

Ntơưv jok Sản Sín Pao, xã Sín Chéng, tỉnh Lào Cai, Ntênhs phêv Cheix blêx siêr Sín Chéng jiês tiv I, shông 2026 nhiv kruôr tâu tsưr tsix đros njiêz luv "Cheix blêx siêr Sín Chéng - Suôz kênhx đror đrông ntưk" tưz kriz uô, zaz zâuv zuôr xar 50.000 tsôngv pêx xênhv thiêz tsôngv kruô tuôx cxaz chuôz.

Tiv zix zos 100 lênhx nghệ nhân, shux xênhz đhiê kênhx Hmôngz thiêz tsaz yênhx nthuôr cêr lov jêv kruôk txos Đảng, zơưv Hloz Hôx, thax tsav qơư Lào Cai, đros tsôngv px cxuô mênhx cxưx li luz nênhx. Hâur co tsênhv muôx ntâu huôx tôngv vênhx huôv, thêv thao, uô si xưk sik tưr thik yuôz ndak, piêr kriê tsôngs yo mênhx cxưx, têx xiv huv OCOP ... Ntênhs phêv gôngr phênhv tuôr tsês vênhx huôv, heik kriê trôngz jôngr chiv xênhz jông,thôngx cxix krêz tơưv tsưr ziv huôv tsar ju lix yiêz,chox Sín Chéng yênhx iz qơư jông jav thâuv tuôx ndis seiz Lào Cai./.

VOVTB-Txâur Vax cxeik nhênhv.

Trơưk li Công ty tsêr meir tênhv Sơn La, txix 6 six ntâu zar zuôr tsâuk ntux hnuz 17/8, tsêr meir tênhv Lai Châu krêz iz qơư tso đêx, phax tir thêir đêx nas lox njuôk xav lok ntêr txos tas hnuz 21/8. Têx đêx lok trâu pak đêx tênhv Lai Châu tsênhv ziv hnuz ziv ntâu.

Njuôk xav hâur têx hnuz zuôr txos, chor đêx lok trâu pak đêx co zuôr lok six ntâu, chênhr viv li Công ty zuôr khov trâu têx đêx nas chiê cxiv kho tso đêx huv đros lok sik krêz nzir qơư tso đêx chiê taz por truôx tuk. Công ty tsêr meir tênhv Sơn La heik hâu nov chor tỉnh Lai Châu, Điện Biên, Sơn La thiêz têx xã, phường thax tsav kaz đês heik trâu tsôngv pêx xênhv, tsưr tsix thiêz taz viv cik txos pâuz, bax phax txar chiê truôx tuk trâu lênhx nênhs, chuôz zênhx chuôz tav hâur ntu tsêr meir tênhv tso đêx./.

                                                       VOVTB-Riê Lâux cxeik, nhênhv 

Trơưk li njuôk pov, ntơưv Lào Cai, jiês ntux nas lox njuôs xav zuôr uô muôx đêx cuôr yôngz, tox xưz poz thiêz đêx ngaz cuôr. Chủ tịch UBND tỉnh heik cxuô thax tsav qơư seiz shuôk jông ntux li têx txơưr txar, tso lênhx nênhs uô hâux lưv yênhx hnuz hmo, bax txâuk lưx lươngv, chuôz zênhx, zav nox thiêz chuôz zênhx uz no lơưr tsưr ziv "4 ntơưv qơư".

Têx xã, phường zênhx max qênhz yuôx thax tsav riêz nênhs, bax tsưr ziv txar qơư nhoz trâu tsôngv px thiêz têx chuôz zênhx chuôz tas. Lưx lươngv muôx txơưx jênhv chuôz tsar qênhz yuôx têx qơư zôngx ziv muôx ar poz, canhv pov tsôngv px tsi muk đhâu têx qơư muôx đêx ngaz, đêx cuôr yôngz. Têx lưx lươngv quân sự, công an, y tế bax lênhx nênhs, chuôz zênhx chơưv paz, njuôk shuôk đas jos, đros tsưr ziv siêz tiv zix zos taz por tsôngv px li txox siê thiêz chuôz zênhx chuôz tas./.

Thừa Xuân-Txâur Vax cxêik nhênhv.