Tỉnh Sơn La tsênhv sir jos bax cxuô luôs hâux lưv chiê fuô uô Dưv anr yưv pênhr cxiv uô cêr ar muk chênhr Mộc Châu-Sơn La-Điện Biên, ntu đhâu thax tsav tỉnh Sơn La. Txox cêr muk chênhr ntu đhâu tỉnh Sơn La ntêr 180 cêik, qir txix cêr lox 43 (phường Vân Sơn, tỉnh Sơn La) txuôk trâu cêr muk chênhr Hòa Bình-Mộc Châu txos ciêx ciêv tỉnh Sơn La-Điện Biên (xã Mường Bám, tỉnh Sơn La thiêz xã Mường Lạn, tỉnh Điện Biên), txuôk trâu cêr muk trôngx đriv Tây Trang. Txox cêr muk chênhr no đhâu 18 xã  phường hâur thax tsav tỉnh Sơn La thiêz tâu yưv pênhr uô trơưk cui tinhv cêr ar muk chênhr, txâuk trâu yêz muk lol 4 saz cêr, đar 22 thiêr, iz six hơưv muk tâu chênhr 80 cêik. Xav hur si pênhr yưv uô dưv anr tas muôx 63 cxênhz ntâu tỷ đeiv txix nhiêx txiêx T.Ư thiêz ntơưv qơư, six hơưv fuô uô dưv anr zos txix shông 2026-2030./.

Thu Thùy-Riê Lâux cxeik, nhênhv

Ntơưv tỉnh Lai Châu nhiv kruôr tsưr tsix Phêv thảo Khoa học lok hâux lưv uô, huôv tsar jix vuv thiêz sik côngv lox tôngv truôx tul hâur thax tsav tsôngv px mênhx cxưx tsơưs nênhs thiêz tox siêz ntu 2026-2030. têx teiv plor thix ziv têx tsưr ziv huôv tsar KT, jix vuv, ju lix thiêz sik côngv nênhs lox tôngv thiêz niêv ciêz lox tôngv. Têx ziv chênhv xar tiêk, hlôngr yiêz số thiêz huôv tsar KT số tsênhv paz muôx ntâu hâux lưv uô yiêz, taz sik cux tsuv muôx nênhs lox tôngv thax tsav mênhx cxưx tsơưs nênhs txơưx uô hâux lưv. Thứ trưởng Bộ mênhx cxưx thiêz tôn giáo Nông Thị Hà thix ziv têx tiv phaz chêx chôngk 4 tsưr ziv zos phuôx huiz pênhr jos, zaz zâuv yưv pênhr, hlôngr yiêz thox cxov hâux lưv uô thiêz cxơưz tiês kinh têr jix vuv, ju lix. Paz muôz hâux lưv uô truôx, muôz siêz phênhv sâu thiêz luz nênhx trâu tsôngv px mênhx cxưx tsơưs nênhs./.

Báo Lai Châu-Txâur Vax cxêik nhênhv

Yuôr tsi ntêr tưz txos hnuz krêz shông cơưv yiêz 2026-2027. Huôk njôngr têx hnuz ntux yar, têx taz viv cxiv uô tsêr cơưv Phổ thông nội trú ntơưv xã ntus đriv Mường Khương, tỉnh Lào Cai tsênhv sir jos uô cov tiêr têx luôs hâux lưv zok muôz. Đros trâu têx li heik co, ngênhx zoz zux hâur xã ntus đriv no cux tsênhv zênhx max phênhz lênhx nênhs, choz hâux lưv bax trâu shông cơưv yiêz. Iz chas sir jos cxiv uô tiêr têx côngz trênhx tsêr cơưv ntơưr, luôs hâux lưv xeir zuôr shux xênhz thiêz choz hâux lưv trâu yênhx lênhx cưk kriê ntơưr cux tưz tâu fuô uô. Zơưv Nguyễn Hồng Hưng, Chủ tịch Ủy ban xã Mường Khương heik pâuz: “Lok sâuv tsêr cơưv, pêz tưz xeir têx lênhx thơưx seiz car tsêr cơưv, uô têx hâux lưv xeir thiêz choz hâux lưv trâu chor cưk kriê ntơưr, uô tiêr luôs hâux lưv xeir zuôr shux xênhz; iz chas ntơư cux yênhx lix Chi bộ tsêr cơưv muôx 5 lênhx. Nhiv no, tsêr cơưv tsênhv nhoz uô hâux lưv tax trâu ntơưv iz tsêr cơưv txơưr đuô, thâuv uô tiêr côngz trênhx, pêz zuôr yêik lok nhoz uô hâux lưv, kriê cơưv ntơưr, sơưr đơưk zuôr yêik lok nhoz uô ntêx hnuz krêz shông cơưv yiêz”./.

                                                       VOVTB-Riê Lâux cxeik, nhênhv

Têx hnuz hâur hlik hli 8, têx tsêr cơưv sâuv thax tsav tỉnh Điện Biên tsưr tsix kriê luk choz tsiz trâu têx mê nhuôk mênhx cxưx tsơưs nênhs qir lok cơưv lớp 1. ntơưv têx lớp cơưv, shux xênhz tâu shâuv nhênhv, shâuv sâu ntơưr....Cưk kriê kriê heik gâux, uô si...paz shux xênhz shưv đuô đros têx luk choz tsiz. Shông cơưv 2026-0227, Tsêr cơưv phổ thôngz nội trú cxênhx iz thiêz cxênhx oz Thânh Yên muôx 42 lênhx shux xênhz zos nênhs mênhx cxưx tsơưs nênhs hâur tas nro 70 lênhx shux xênhz cơưv lớp 1 cxaz chuôz tsaz yênhx cơưv luk choz tsiz. Ntơưv tsêr cơưv mênhx cxưx niêv txir zus mor Trần Văn Thọ, xã Mường Nhé muôx 134 shux xênhz lớp 1 tâu tsưr tsix yênhx 7 lớp cơưv tâu chuôz tsar cơưv luk choz tsiz. Viv ntâu lênhx shux xênhz nhoz tsêr phênhv ntâu thav luk mênhx cxưx, cưk kriê cux zôngv luk choz tsiz thiêz luk Thái, luk Hmôngz chiê heik kriê. Đhâu co, paz shux xênhz pâuz lok lok luk choz tsiz, truôx siêz đuô muk cơưv ntơưr./.

Báo và PTTBĐB-Txâur Vax cxêik nhênhv