Zơưv Nguyễn Đình Việt, Chủ tịch Ủy ban tỉnh Sơn La nhiv kruôr seiz car jiês uô hâux lưv lok sâuv qênhz shuôs tsưr ziv yưv pênhr uô têx dưv anr tênhv tênhz: Tsêr meir tênhv năng Đông Phù Yên, tênhv chuô Tà Xùa thiêz tênhv chuô Hồng Ngài. Ntơưv jiês uô hâux lưv, chor nênhs yưv pênhr uô heik tỉnh đros paz đơưk têx phiv liv lok chaz xor tênhv, zuôr qơư fuô uô dưv anr, ar têz thiêz yêik txar qơư nhoz trâu pêx xênhv.... Zơưv Nguyễn Đình Việt, Chủ tịch Ủy ban tỉnh khav tinhv, tỉnh zuôr sir jos đros paz, muôz jông six hơưv chiê têx dưv anr tênhv tâu fuô uô zôngx ziv. Zơưv Nguyễn Đình Việt heik cxuô sở, ngênhx bax đros đơưk têx phiv liv, sir jos hlôngr yiêz ntâuz ntơưr hành chính; hux jos đros cxuô bộ, ngênhx đơưk têx phiv liv ntơưv dưv anr tênhv chuô Hồng Ngài thiêz cxiv tsa tsưr ziv yêik txar qơư nhoz trâu pêx xênhv chiê zuôr qơư uô dưv anr tsêr meir tênhv năng Đông Phù Yên. Cxuô thax tsav qơư zênhx max thôngz sâu, cxiv kho tsưr ziv njuôk hov, sir jos uô tiêr hâux lưv co uô ntêx hnuz 15/9, paz hu zâuv yưv pênhr uô thiêz cxơưz cxiz kinh tế-ju lix huôv tsar./.

Báo Sơn La-Riê Lâux cxeik, nhênhv

Mul tsi tâu txos qơư y tế, tsôngv px tâu bác sĩ tuôx ciês ntơưv tsêr nhoz chiê seiz njuôk shuôs moz. Nhoz thax tsav tox siêz đêz đrôngs, têx đoanx y tế gra lơưr têx chuôz zênhx, tsưr tsix seiz njuôk shuôs moz ciês ntơưv qơư. Tsưr ziv uô no paz Điện Biên pov nzor têx moz gênhs, txo grêk tsơưs nhiêx txiêx muk lok thiêz paz tsôngv px tâu buôk ti jix vuv y tế jông. Txix hâur shôngk shông txos nhiv no, Điện Biên tưz seiz njuôk shuôs, kho moz thiêz heik kriê đas jos tsi pôngz nhiêx txiêx trâu 422 cxênhz ntâu lênhx nênhs, tax 62% ntâu jênh sôr tas nro tỉnh. Taz sik, tas nro 45 qơư y tế xã, phường nhiv no tsi tâu tuôv zênhv tâu zoz qơưx seiz njuôk shuôs moz nzor; ntâu qơư tsênhv muôx tsi txâuk meir siêu âm, điện tim thiêz chuôz zênhx njuôk shuôs moz. Viv li, têx đoanx seiz njuôk shuôs moz tâu seiz zos tsưr ziv uô uô ntêx. Zơưv Phạm Văn Mẫn, Phưv Giám đốc Sở Y tế tỉnh Điện Biên, puz pâuz: "Tsaz yênhx no tsi tiêk muôx ziz njiêz paz lênhx nênhs tâu njuôk shuôk moz mak đhâu têx chêx cuk, têx jiês njuôk shuôk tưz pov lok six ntâu têx lênhx nênhs trâus moz hnhar chiê chơưv kho nzor. Thôngx cxix tsaz yênhx njuôk shuôk đas jos tsi zuôr nhiêx txiêx cux tưz paz chiê têx lênhx nênhs nhoz đêz, tox siêz, nênhs lâuk, nênhs trâus sêv khiz luz chêr tâu seiz njuôs shuôk đas jos. Đhâu co cux cxênhx txuôs tâu nhiêx txiêx njuôk kho moz"./.

Vũ Lợi-Txâur Vax cxêik nhênhv

Yuôr 2 ciêz ntâuz xưz, tưz txos shông cơưv yiêz 2026-2027. Ntơưv chor xã ntus đriv tỉnh Lai Châu, 5 luz tsêr cơưv phổ thông nội trú 2 cấp tsênhv sir jos uô cov tiêr têx hâux lưv zok muôz chiê bax txeik tok shux xênhz tuôx tsêr cơưv, cơưv ntơưr. Têx tsêr cơưv tâu yưv pênhr uô muôx cxix cxuô qơư nhoz cơưv txux, qơư nhoz hâur tsêr cơưv, qơư uô hâux lưv thiêz têx chuôz zênhx jông phưx vưv kriê, cơưv txux chi, muôz jông qơư trâu shux xênhz cơưv ntâuz ntơưr, nox nhoz thiêz xênhz huôx. Têx hnuz no, canr bôv, cưk kriê ntơưr, nhân viên cxuô luz tsêr cơưv tsênhv zênhx max qêz suô, tu têx qơư nox nhoz cơưv ntơưr cov tiêr chiê bax txeik tok shux xênhz tuôx cơưv txux chi.

5 luz tsêr cơưv yiêz uô tiêr trâu shông cơưv 2026-2027 zuôr paz muôx qơư truôx khor thiêz jông đuô trâu shux xênhz thax tsav ntus đriv nhoz cơưv txux chi, muôz nzir cêr shir phaz, jông siêz trâu thax tsav ntus đriv têz qơưk./.                                   

Khắc Kiên-Riê Lâux cxeik, nhênhv 

Đhâu iz ntu sir jos ciêr chênhr khưx phưx ar poz ntơưv ceik cêr 59+100, txox cêr 161, ntu đhâu jok Liên Hà 1, xã Bảo Hà, tỉnh Lào Cai, cêr muk đhâu thax tsav tưz muk lok tâu đhâu. Uô ntêx co, ntux nas lox ntêr hnuz tưz uô ar poz lok cxuz cêr, uô cêr muôx nhos 50 thiêr ar trâus xưz poz lok trâu saz tul niêv đêx Liêz, cêr muk lok tsi tâu. Lưx lươngv muôx vax huôv tưz canhv pov, cêv kuôk thax tsav riêz nênhs, phênhz cêr thiêz krêz cêr muk lok. Txos hnuz 18/8, hâux lưv khưx phưx zênhx max tâu uô tiêr. Txix 7 six sơưr nzor hnuz 19/8, têx yêz tưz muk lok tâu đhâu. Hâux lưv khưx phưx cêr paz trâu tsôngv pêx xênhv muk lok tâu zôngx ziv đuô, thâux xa hax huv thiêz phưx vưv xênhz huôx hâur luz nênhx./.

Thừa Xuân-Txâur Vax cxêik nhênhv.