Ủy ban qênhz yuôx Trung ương li Tuêv seiz car nhiv kruôr uô hâux lưv đros UBND tỉnh Sơn La lok hâux lưv cxiv tsa 13 tsêr cơưv phôv thông nội trú oz cấp ntơưv têx xã ntus đriv. Txos nhiv no, têx côngz tsinhx tax txix 74 txos 97% luôs hâux lưv uô. Iz cxiê tsêr cơưv ntơưr nhoz Yên Sơn, Lóng Phiêng tax zuôr xar 97%; hok Mường Lạn, Lóng Sập nhiv kruôr tax 74 txos 76%, tsuv tror sir jos uô cov tâu tiêr chiê taz por tsêr cơưv tok shux xênhz hâur shông cơưv yiêz. Chủ tịch UBND tỉnh Nguyễn Đình Việt khav tênhv, Sơn La zuôr chêx chôngk uô tiêr, chox 13 tsêr cơưv lok huôx tôngv taz por, muôx chêx cuk, tax tâu zoz qơưx shông cơưv yiêz./.

Trấn Long-Txâur Vax cxeik nhênhv

Ntơưv jiês cơưv sik thav kinh tế lênhx nênhs Việt Nam shông 2026 tỉnh Lai Châu: Đơưk uô jông têx cui tinhv, phiv liv-sik hux jos yưv pênhr, zuôr xar 200 lênhx đại biểu tưz sik thav, heik tơưv tsưr ziv đơưk têx phiv trâu doanh nghiệp lênhx nênhs. Têx tsênhv njiêz phênhv ntâu zos lok sâuv têx ntâuz ntơưr hành chính, ar têz, pênhr, tênhx qơư, hlôngr yiêz sôr thiêz huôv tsar kôngz nuv trơưk tsưr ziv uô yiêz, muôs tâu gri. Doanh nghiệp heik tỉnh cov uô tsênhz mênhx têx xor mông lok ar têz, njuôk hov qơư, dưv anr;  tsêr nhiêx-doanh nghiệp sik paz pênhr, siz kriê tsưr ziv huôv tsar uô nox truôx. Zơưv Nguyễn Sỹ Cảnh, Phưv Chủ tịch Ủy ban tỉnh Lai Châu khav tinhv, hâu nov ntơưv qơư zuôr sir jos hlôngr yiêz txix seiz car yênhx hâux lưv uô, phưx vưv, đros đơưk têx phiv liv trâu doanh nghiệp. Tỉnh choz Sở Nhiêx txiêx lênhk txeik sơưr đơưk têx lul heik, Văn phongx Ủy ban tỉnh sox seiz, cxơưz cxiz đơưk uô thiêz sik thav đros doanh nghiệp tsi so 3 luz hlik iz jiês. Hâu nov tỉnh heik mênhx, doanh nghiệp têx luôs hâux lưv uô tâu chênhr zos tỉnh li yênhx côngz, đhâu ntơư paz cxơưz cxiz kinh tế lênhx nênhs thiêz kinh tế-xã hội Lai Châu huôv tsar./.  

Khắc Kiên– Riê Lâux cxêik nhênhv

Xav txos hli 8/ 2026, hâur tsaz yênhx "Chiến dịch 500 hnuz hmo", tỉnh Lào Cai tưz uô tiêr luôs hâux lưv muôz mẫu sinh phẩm njuôk shuôs trâu 820 lênhx tuz lênhv tâu tas siv nênhx, tax tâu tsưr ziv uô ntêx 12 luz hli pir li têz qơưk tsưr ziv tso tơưv. Đhâu qênhz yuôx 47 xor mông txix tsôngv box thiêz bôv đôiv lâuk cungz, têx lưv lươngv muôx vax huôv tưz nriêr thiêz khơưk tsês tâu 22 lênhx tuz lênhv tâu tas siv nênhx li têx poz cxa, tax tâu 30% ntâu. Thax tsav qơư tsênhv chêx chôngk sôr hóa xor mông thiêz cxơưz tiês hâux lưv khơưk tsês tsênhv tsênhz chiê ndar txos chiv nhênhv 80 shông Hnuz Thương binh - Liệt sĩ. Lơưr Đại tá Hoàng Văn Toàn, Phưv Tsar Ban chox kriê zok nriêr, xav tênhv xor mông têx poz cxa liệt sĩ tỉnh Lào Cai: “Nhiv no muôx têx poz cxa pir li hâur ntu tir ntâuk tros châuz zos tưz đhâu zuôr xar 80 shông lơưv, tsơưr lươngv poz cxa tsi taz por, taz sik đros công nghệ nhiv no tâu zôngv lok uô mak muôx ntâu poz cxa pêz tsênhv muôx têx zuôr muôz tâu thiêz xav tênhv tâu ADN”./.

An Kiên-Txâur Vax cxêik nhênhv

Cơ quan Cảnh sát qênhz yuôx Công an tỉnh Sơn La nhiv kruôr ntêk Quàng Văn Huy, xênhz shông 1985, nhoz xã Mường Bú lok sâuv sir zôngv cơ quan, tsưr tsix têx xor mông, ntâuz ntơưr chuôr, cui tinhv ntơưv yôngx 1, Grê 341 Bộ Luật Hình sự. Quyết định tưz tâu Viện Kiểm sát thax tsav 1 cir. Trơưk li qênhz yuôx, shông 2013, Huy zuôr yêz ô tô Mitsubishi Pajero taz sik tsi uô ntâuz ntơưr hlôngr bê. Kaz shông 2025 thiêz hâur shôngk shông 2026, Huy đas cir zuôr biển số luz yêz co đros ntâu ntâuz ntơưr chuôr đhâu mạng xã hội. Hnuz xiêz 9 thiêz 10 hli 2 shông 2026, Huy sir zôngv chor ntâuz ntơưr thiêz biẻn số yêz chuôr ntơư thâuv tsar yêz muk lol tâus cêr chiê trâus lưv lươngv muôx vax huôv qênhz pov. Hnuz 11/2, Công an xã Mường Bú qênhz pov têx ntâuz ntơưr chuôr co đhâu qênhz shuôs ntâuz ntơưr têx yêz thiêz xa txuz nuv no trâu công an tỉnh qênhz yuôx. Công an tỉnh Sơn La heik tsôngv pêx xênhv sơưr đơưk, tsi tâu zuôr, sir zôngv têx ntâuz ntơưr, biển số yêz chuôr; tsi njênhs luôs lưv tus piêr kriê, uô ntâuz ntơưr tâu sei, fênhx zis lok sik tsi đhâu lưv lươngv muôx vax huôv./.

CTVVOVTB-Riê Lâux cxeik, nhênhv