Hâur 60 ntâu shông đhâu, thâuv tsênhv cxiv uô, trôngz nza liệt sĩ têz qơưs A1, tỉnh Điện Biên, tưz đhâu ntâu jiês kho đuô thiêz muôx ntâu luz nza trâus ar cxuz toz oz thiêr, uô phiv liv txos luôs hâux lưv zok nriêr chor tuz lênhv lâuk đrav ntêx tir ntâuk tros châuz têx poz cxa chox lok siv ADN cov pâuz tsênhz bê. Chênhr zos li hêik ntơư, txơưv ntux yar ntux nas uô tuôr thênhv, taz sik cán bộ, tuz lênhv cux siz chos côngv đas jos tsưr ziv zok nriêr, uô cov tâu tiêr luôs hâux lưv zok muôz trâu hli 9 shông 2026.

Xav txos hnuz 15/8, hur si tỉnh Điện Biên tưz zok nriêr tâu 3.400 luz nza têx poz cxa;  hâur co muôx 3.211 luz nza têx poz cxa tâu chox lok siv ADN. Zuôr xar 2.700 paz tâu choz trâu Viện Pháp y tuz lênhv; 510 poz cxa tâu choz trâu tsênhv qơư Pháp y tỉnh chiê njuôk shuôk AND cov huv đros./.

                                     Tsu cxêik nhênhv-Vũ Lợi

Chiê thax tsav tox siêz muôx tâu têx lênhx cưk kriê ntơưr kriê txux chi tâu jông thiêz qơư nhoz cơưv ntâuz ntơưr truôx khor, tỉnh Lào Cai tsênhv zênhx max phênhz, muôz iz cxiê luz tsêr cơưv ntơưr têz qơưk lok uô cê, sir jos uô tiêr hâux lưv co uô ntêx hnuz 30/8, bax trâu shông cơưv yiêz 2026-2027. Trơưk li đêx anr tâu cir, tas nro tỉnh zuôr txo grêk tsơưs 537 luz tsêr cơưv, tsi muôx 243 luz tsêr cơưv hâur jêx jok, iz chas ntơư phênhz 1.170 ntâu lênhx canr bôv seiz car sênhv đhâu muôz iz cxiê luz tsêr cơưv lok uô cê li heik sâuv uô lưv zav hâux lưv thiêz txo grêk tsơưs 3 cxênhz ntâu lênhx cưk kriê ntơưr trơưk cui tinhv.

Luôs hâux lưv co tâu fuô uô huv đros thax tsav tox siêz, taz por tsi uô ruôr hiêv, tuôr thênhv txos shux xênhz cêr cơưv txux. Đros trâu têx li heik co, iz xã muôx tsơưs tsơưs iz luz tsêr cơưv cxênhx nhuôs zâu thiêz iz tsêr cơưv phổ thông txâuk cxuô cấp txix cxênhx iz txos cxênhx 2. Đros trâu txo grêk tsơưs li co, chor nênhs uô hâux lưv paz zoz zux xav kror đruôz đraz iz tsêr cơưv zuôr tsar ndê txix 2,3 txos 4,4 lênhx nênhs. Cưk kriê ntơưr Trần Thị Thu Thảo, seiz car tsêr cơưv cxênhx 2 Mường Khương heik pâuz: “Canr bôv seiz car thiêz cưk kriê ntơưr, nhân viên puôr lênhx thôngx ziv đros tsưr ziv uô li heik sâuv. Viv chor tsêr cơưv tox siêz lok six txov nhêv li: Mường Khương, zos têx tsêr cơưv hâur jêx jok tsuôk muôx 4 lớp, mak cưk kriê tsuôk kriê ntơưr trâu ntơưv thax tsav qơư co xưz, huôv tsar tsi tâu cxuô têx txux chi, tsưr ziv jông uô hâux lưv. Zos cê kriê txux chi ntơưv qơư chênhr, cê kriê ntơưv têx jêx jok mak zuôr pâuz cxix cxuô zav cux li zôngx ziv đuô trâu phênhz, choz hâux lưv trâu cưk kriê ntơưr”./.

An Kiên– Riê Lâux cxêik nhênhv

Txix hli 7 txos hli 9 hâur niêx shông, njuôs shôngz hâur thax tsav xã Vân Hồ, tỉnh Sơn La tưz txos chêix txiêr sâu. Têx njuôs shôngz co, cux zos iz zav chox lok uô tâu nox kaz thiêz chox lok muôs trâu ciêz đrôngl, tsôngv px muôx phênhv sâu tâu nhiêx txiêx chox lok cxiv kho chuôz zis.

Hâur oz saz ntus cêr muk trâu jos Mường Men, Lóng Luông, Chiềng Yên..., muôx chôngz lênhx px thâux njuôs shôngz chox lok muôs, tsôngv px zuôr chox muk uô tâu ntâu zav nox kaz. Grê muôs 8.000đ-10.000đ iz cir. Zos chor njuôs shôngz hâu tâu siêr muôs 13-15 cxênhz iz cir./.

                             Tsu cxêik nhênhv-Thu Thùy-Bích Thủy

Trơưk li Ủy ban xã Gia Hội heik pâuz sei, coz nas lox lok ntêr trâu thâuv hmo 17/8 txos tas cik sơưr nzor hnuz 18/8, zơưv Tsu Xênhv Muôk nhoz jok Tà Lành, xã Gia Hội luz tsêr tưz trâus xoz tuô uô têx vuôk trâus tơưs, tsi jông tas, taz sik ho tsi uô ruôr hiêv li chas txos lênhx nênhs.

Cux ntơưv jok Tà Lành, muôx 8 tus tưv thiêz 02 tus buô trâus xoz tuô, uô ruôr hiêv tas ntâu trâu 4 chuôz zis pêx xênhv. Đhâu hlo muôx têx tsi jông li heik sâuv, Ban seiz car phax tar têx tsi jông xã Gia Hội tưz muk qênhz shuôs, xav jênhv têx trâus ruôr hiêv thiêz kriê chor chuôz zis pêx xênhv heik sâuv cxiv kho têx tsi jông, trâus puôk tsuôx tiv xoz tuô. Txix njuôk xav zuôr tror lok nas lox hâur têx hnuz zuôr txos, hâu nov ntơưv qơư cux fuô kriê pêx xênhv bax cxuô faz tsưr ziv phax tir thêir chiê txo grêk tsơưs têx tsi jông, riêz nênhs./.

Đinh Tuấn-Riê Lâux cxeik, nhênhv