Tas cik hnuz 12/8, ntơưv tỉnh Phú Thọ, Phưv chủ tịch  têz qơưk Võ Thị Ánh Xuân dưv Hnuz ntênhs tas nro tsôngv px por vêv txiv ngaz têz qơưk shông 2026 ntơưv Cty TNHH Công nghệ Cosmos 1. No zos doanh nghiệp chuyên gia cơ khí paz muôx hâux lưv uô truox tul trâu 1 cxênhz 800 ntâu lênhx nênhs lox tôngv. Ntu đhâu, phongz yaox Tas nro tsôngv px por vêv txiv ngaz Têz qơưk ntơưv Phú Thọ tâu krêz uô jông đros ntâu trâur nuv chiv chir seiz car muôx chêx cuk, gôngr phênhv tuôr truôx txiv ngaz chính trị, taz por xã hội. Phưv chủ tịch têz qơưk Võ Thị Ánh Xuân heik mênhx, por vêv txiv ngaz têz qơưk zos tas nro Đảng, tas nro tsôngv px, tas nro quân thiêz tas nro cxix luôk chính trị li jênhv vưv; hâur co, Công an muôx pưs txux tsênhv. Đ/c thix ziv trỏ chox phongz yaox uô jông hâur yênhx lênhx nênhs, chuôz zis, chiz coaz doanh nghiệp, tiv zix zos ntơưv têx qơư công nghiệp thiêz têx công nhân, nênhs lox tôngv: “Por vêv txiv ngaz têz qơưk hâur ntu huôv tsar yiêz tsi taz zos por vêv têx yênhx tix tưz tax tâu mak tsênhv zos por vêv pênhr jos, cxuô zav thiêz tênhx qơư jông tiv zix chiê têz qơưk huôv tsar, por vêv luz nênhx truox tul trâu tsôngv px”./.

                                                     Tuấn-Xuân-Txâur Vax cxêik nhênhv

Uô lơưr Thủ tướng Chính phủ ntâuz ntơưr số 777 lok muôz iz cxiê luz tsêr cơưv ntơưr têz qơưk lok uô cê, tỉnh Lai Châu tsênhv qênhz shuôs, cxiv tsa tsưr ziv fuô uô luôs hâux lưv co hâur thax tsav. Trơưk li dưv thảo đêx anr, Lai Châu njuôk xav txo grêk txix 335 tsêr cơưv têz qơưk yuôr muôx 194 tsêr cơưv, txo grêk 141 luz tsêr cơưv, bâuv 42%. Luôs hâux lưv uô co zos chiê muôx txâuk nênhs uô hâux lưv kriê txux chi, yưv pênhr cxiv uô têx qơư nhoz cơưv ntơưr truôx khor thiêz uô jông đuô luôs hâux lưv kriê, cơưv txux chi, iz chas ntơư taz por cxuô lênhx shux xênhz puôr lênhx tâu cơưv ntâuz ntơưr cxix cxuô. Hâur ntu fuô uô hâux lưv heik sâuv, cxuô cấp, ngênhx zuôr tror sâu jênhv, đơưk têx phiv liv, shux xênhz niêv txir thiêz tsôngv pêx xênhv cêr cxơưx txos, lar heik zos lok sâuv muk lol kriê thiêz cơưv ntâuz ntơưr. Hâux lưv muôz iz cxiê luz tsêr cơưv lok uô cê tâu vav chiê siêz zuôr muôz qơư cơưv txux chi jông đuô trâu shux xênhz, tiv zix zos tsôngv box cxuôr heir nênhs thax tsav tox siêz, ntus đriv./.

                                                      Báo Lai Châu– Riê Lâux cxêik nhênhv

Hnuz 12/8, Cuiv por vêv thiêz huôv tsar jôngr tỉnh Sơn La tsưr tsix Phêv ziv yax kriê chính sách thêv jix vưv tênhx qơư jôngr, jix vưv tuôr tsês cac-bon jôngr; thôngx cxix sik thav lok quy ước por vêv thiêz huôv tsar jôngr reik đros sir zôngv nhiêx jix vuv tênhx qơư jôngr hâur côngv thôngx. Sơn La nhiv no muôx 676 cxênhz ntâu hec ta jôngr, hâur co muôx muôx nhos 550 cxênhz hecta tâu thêv jix vưv tênhx qơư jôngr. Ntu 2021-2025, tỉnh sâu tâu 1 cxênhz 240 tỷ đeiv ntâu nhiêx jix vuv tênhx qơư jôngr thiêz thêv 1 cxênhz 120 tỷ đeiv ntâu trâu têx lênhx nênhs tâu sơưv. Chính sách no tưz paz muôz siêz tốngv px li jênhv pâuz por vêv jôngr, yênhx trus hlôngr yiêz siêz xar. Khov co, jôngr nhoz Sơn La chuôz tsar txix 45% shông 2020 ndê txos muôx nhos 47% lok shông 2025: “Đhâu phêv ziv hnuz no, pêz zuor yax mông txos têx ban, nganhx chiê tror heik kriê txos têx tuêv, têx tsưr jôngr lok têx njiêz luv tưz tâu sâu jênhv, tiv zix zos njiêz luv lok tín chỉ các-bon thiêz sir zôngv nhiêx jix vuv tênhx qơư jôngr trơưk cui tênhv”./.

Trấn Long-Txâur Vax cxêik nhênhv