Tas cik hnuz 20/8, Đoanx côngz xưv Bộ zaoz zux zos Thứ trưởng Thường trực Phạm Ngọc Thưởng uô thơưx chox tưz uô hâux lưv đros UBND tỉnh Lào Cai lok côngz xưv bax trâu shông cơưv yiêz thiêz uô tiêr têx tsêr cơưv phôv thôngz nội trú ntus đriv. Đhâu qênhz yuôx tsênhv tsênhz, Bộ zaoz zux ntâuk grê Tsêr cơưv Phôv thôngz mênhx cxưx niêv txir zus mor cxênhx iz thiêz cxênhx oz Mường Khương tưz bax tâu jông truôx siêz zos tsênhv qơư tsưr tsix hnuz Ntênhs uô tiêr thiêz krêz shông cơưv yiêz tas nro têx luz tsêr cơưv ntus đriv lok hnuz xiêz 5/9 zuôr txos. No zos iz hâur 4 tsêr cơưv nội trú ntus đriv jiês 1 ntơưv Lào Cai, nhoz hâur tsaz yênhx uô tiêr 100 ntâu tsêr cơưv ntus đriv ar sâuv tas nro têz qơưk. Côngz tsinhx zuôr uô tiêr uô ntêx hnuz 25/8, taz por phưx vưv 980 lênhx shux xênhz cơưv nội trú. Thứ trưởng Thường trực Phạm Ngọc Thưởng heik tsuv tsov cưv tiv zix txos shux xênhz tox siêz ntus đriv li theox chênhv nox, nhoz thiêz cơưv ntơưr:  "Qar qơư tsês chiê chor cưk kriê ntơưr uô hâux lưv muôx têx tsi tâu txâuk trôngx tok, taz sik chor nhuôs shux xênhz li qơư nhoz so, qơư nox hâuk mak tsuv muôx cxix cxuô. Xuz thơưx tsuv uô cov tiêr 100% côngz tsinhx, co zos tsưr ziv siêz tiv zix. Thiêz li Phưv Thủ tướng tưz hêik pâuz lơưv, chiê chox lok kriz cơưv thiêz uô tiêr mak tsuv uô cov taz por tiv zix"./.

An Kiên-Txâur Vax cxeik nhênhv

Zar hnuz kêix 20/8, Ủy ban tỉnh Sơn La uô hâux lưv đros cxuô sở, ngênhx thiêz ntơưv qơư lok sâuv seiz car, krêz uô têx khoar cxax ntơưv chor xã nhoz trơưk 2 saz ntus đêx Đas. Đhâu qênhz yuôx shuôs luôs hâux lưv khơưz yâu suôz jêz ntơưv thax tsav jê Mường La thiêz Mường Bú, lưv lươngv muôx vax huôv qênhz pov Công ty đêx ar thiêz khoar cxax Thăng Long Hà Nội khơưz yâu suôz jêz kuôk thax tsav tâu tso chei muôx 500 ntâu thiêr. Đoanx qênhz yuôx tưz heik doanh nghiệp cov tso tsês tsi khơưz yâu suôz jêz tsi trơưk chei li co, choz têx meir, chuôz zênhx thiêz qơư trâu suôz jêz trâu ntơưv qơư seiz car chiê tror xav jênhv, muôz tik cêr cxâuv trơưk cui tinhv. Zơưv Nguyễn Đình Việt, Chủ tịch Ủy ban tỉnh Sơn La heik cov tik cêr cxâuv txos qơư, tsi chiê muôx yưv nzir têx uô tsi trơưk chei li co; iz chas ntơư uô tsênhz mênhx têx tsưr tsix, lênhx nênhs cik txos li txơưx jênhv. Chor xã tnhoz trơưk 2 saz ntus đêx Đas tâu heik cov sir jos qênhz yuôx shuôs, lar heik zos thâuv hmo ntux, ntơưv têx qơư nhoz buôk chiêv lưv thax tsav txơưr đuô thiêz têx qơư zôngx ziv muôx yưv khơưz yâu suôz jêz tsi trơưk chei, bax hux jos, qênhz pov thiêz đơưk tu têx uô cxâuv txix ciês ntơưv qơư./.

Trấn Long– Riê Lâux cxêik nhênhv

Txu grês cêr pluôs truôx vênhs tsi taz zos paz uô ntêx, mak coaz tsôngv đuô zos muôz hâux lưv uô chiê tsôngv pêx xênhv chiv chir sir jos. Ntơưv Điện Biên, chor pênhr nhiêx txix têx tsaz yênhx têz qơưk  tsênhv paz ntâu chuôz zis pêx xênhv tox siêz huôv tsar uô nox, chuôz tsar phênhv sâu. Ntơưv xã Thanh An, chor vax txir lưk jôngr tơưr njuôz tsênhv huôv tsar jông. Tâu paz zuz nôngz txix pênhr nhiêx tsaz yênhx cxiv tsa jêx jok yiêz, tsôngv pêx xênhv muôx nzir tsưr ziv huôv tsar uô nox thiêz ndar txos tsưr ziv uô nox lêx ntêr. Hok ntơưv xã Mường Ảng, txix zênhx hangx tsênhv chei xã hội li 100 tsov đeiv pênhr txeik, niêv lâuk Phạm Thị Mơ chuôz zis yưv pênhr tu zus njêl, zus nhux, sik côngv chos cà phê thiêz ntông nox txir. Paz chuôz zis krêz đar uô nox, zôngv ar têz, lox tôngv ntơưv qơư thiêz jux juk truôx tuk phênhv sâu. Niêv lâuk Phạm Thị Mơ puz pâuz: "Cur chuôz zis txeik 100 tsov đeiv txix Zênhx hangx tsênhv chei chiê zus njêl, zus nhux. Khov co, pêz muôx phênhv sâu truôx tuk, tso siêz huôv tsar uô nox"./.

Vũ Lợi-Txâur Vax cxêik nhênhv.

Phongx Cảnh sát hình sự Công an tỉnh Lào Cai đros Công an xã Minh Lương thiêz Tổ côngz xưv Công an tỉnh Thanh Hóa nhiv kruôr fuô uô têx tsưr ziv lês uô hâux lưv zok muôz, tsưr tsix xav jênhv, ntêk Bùi Văn Nhượng, xênhz shông 1985, nhoz ntơưv xã Ngọc Trạo, tỉnh Thanh Hóa zos lênhx nênhs trâus lưv lươngv muôx vax huôv yơưz phơưz lok sâuv tuô nênhs. Đhâu thâuv uô tiêr têx ntâuz ntơưr trơưk cui tinhv, Phongx Cảnh sát hình sự Công an tỉnh Lào Cai tưz choz zok Bùi Văn Nhượng trâu Công an tỉnh Thanh Hóa chiê tror qênhz yuôx, muôz tik cêr cxâuv trơưk đreiv chei têz qơưk cui tinhv. Luôs hâux lưv ntêk tâu Bùi Văn Nhượng zos khov muôx Công an cxuô taz viv, ntơưv qơư sik hux jos truôx, đros xav jênhv, siz paz ntêk cxov, tsưx phưv truôx tuk thax tsav qơư./.

VOVTB-Riê Lâux cxeik, nhênhv