Hnuz 8/9, Ban chox kriê zok nriêr, xav jênhv xênhv bê têx lênhx tuz lênhv tâu tas siv nênhx tỉnh Điện Biên tsưr tsix choz zok 845 mẫu chor nza tuz lênhv trâu Viện Pháp y Quân đội, Bộ Côx phax, chiê njuôk shuôk ADN, phưx vưv nriêr pâuz xênhv bê trâu têx lênhx tuz lênhv tâu tas siv nênhx. No zos jiês tiv 6 tỉnh Điện Biên choz zok tuz lênhv chor mẫu sâu tâu ntơưv têx qơư nza sâuv thax tsav. Đros 845 kror mẫu jiês no, tỉnh tưz uô tiêr choz zok 100% chor mẫu sâu tâu. Têx mẫu no sâu tâu ntơưv Qơư nza Độc Lập, Qơư nza A1 thiêz Qơư nza Thanh nien xung phong. Têx mẫu tâu tuôr tsês jông, uô tiêr ntâuz ntơưr thiêz choz zok lơưr cui tênhv chiê njuôk shuôk ADN, paz xav jênhv xênhv bê, chox chor liệt sĩ tror lok đros chuôz zis thiêz qơư nhoz./.

                                                                                                      Vũ Lợi-Lik Thox cxêik nhênhv

Ủy ban tỉnh Điện Biên nhiv kruôr quyết định cxaz nzir 49 tỷ đeiv trâu 10 xã ntus đriv chiê muôx txâuk nhiêx txiêx fuô uô zênhx max têx chei paz trâu shux xênhz tsêr cơưv phổ thông nội trú hâur shông cơưv yiêz. Trơưk li quyết định, 10 xã tâu cxaz nzir nhiêx txiêx ntơư zos: Thanh Yên, Si Pa Phìn, Sín Thầu, Sam Mứn, Quảng Lâm, Thanh Nưa, Núa Ngam, Nậm kè, Nà Bủng thiêz Mường Nhà. 10 xã co tsuv seiz car, sir zôngv chor nhiêx heik sâuv tâu trơưk tsưr ziv, cui tinhv, hâux lưv, têx chei paz, zos lênhx nênhs tâu sơưv, tsi chiê uô tuôr xuôv. Cxaz nzir nhiêx txiêx li co chiê taz por fuô uô tâu zênhx max têx chei paz trâu shux xênhz tsêr cơưv phổ thông nội trú ntơưv chor xã ntus đriv hâur shông cơưv yiêz./.

                                                                                                   Vũ Lợi– Riê Lâux cxêik nhênhv

Sâuv thax tsav phường Văn Phú, tỉnh Lào Cai nhiv no muôx 31 côngz trênhx, dự án tsênhv tâu txar qơư chiê uô, tas nro muôx 530 ntâu héc ta, đros 1.300 ntâu ziv chuôz zis, tsưr tsix cik txos. Chiê kriz uô côngz xưv muôz qơư kriz uô cov truôx jông, phường Văn Phú xav jênhv tsuv qênhz yuôx yênhx ntâuz ntơưr, tsênhv chêi, sik thav thiêz heik kriê chiê pêx xênhv pâuz tsênhz zuk li qênhx liv, jênhv vưv, đros co nriêr pâuz txos yênhx kror phiv liv chiê đơưk kho... Txos nhiv no, zuôr xar 370 hâur tas nro 530 ntâu héc ta ar tưz tâu choz zok. Zơưv Bùi Ngọc Giang, Phưv Chủ tịch Ủy ban phường Văn Phú, tỉnh Lào Cai puz pâuz: “Hâur ntu kriz uô dưv anr, pêz  sir jos sik côngv qênhz yuôx, xav jênhv cxuô kror pêx xênhv hêik txos; tiv zix zos xav jênhv têx côngz trinhx cxiv tsa sâuv ar kôngz nuv, chiê muôx tsưr ziv đơưk kho paz trâu pêx xênhv. Phươngx cux tsưr tsix cơưv, nzor ntâuk gri têx phiv liv muôx yưv hâur ntu kriz uô, txix co nriêr tsưr ziv huv đros, sir jos đơưk kho cov sêi”./.

                                                                                                   Thừa Xuân-Lik Thox cxêik nhênhv

Công an tỉnh Sơn La nhiv kruôr vênhv tôngv yênhx côngz Cuôv Xênhv Zax, xênhz shông 1984, nhoz jok Lũng Xá trâus lưv lươngv muôx vax huôv yơưz phơưz tuôx lênhk zuk cêr cxâuv, suôx câuv 7 shông khiêr gâuv viv zuôr muôs, thâux gra zax zênhz tsi trơưk chei. Tsênhv tsênhz, hnuz xiêz 06/9, ntơưv jok Lũng Xá, xã Vân Hồ, Phongx Cảnh sát qênhz yuôx nênhs zuôr muôs, uô luôv zax zênhz tsi trơưk chei, Công an tỉnh Sơn La đros Công an xã Vân Hồ thiêz Cục Cảnh sát qênhz yuôx nênhs zuôr muôs zax zênhz tsi trơưk chei, Bộ Công an vênhv tôngv thiêz txeik tok Cuôv Xênhv Zax tuôx lênhk zuk têx cêr cxâuv, đhâu 7 shông khiêr gâuv chiê uô trơưk chei têz qơưk cui tinhv thiêz tâu sơưv têx chei paz./.

                                                                                           CTVVOVTB-Riê Lâux cxeik, nhênhv