Chủ tịch Ủy ban tỉnh Sơn La nhiv kruôr cir Cuêz tênhv số 2175, hêik pâuz qênhx shênhx zov chênhr lok ntux nas lox, tox poz, đêx ngaz cuôr txix hnuz xiêz 5/7 txos hnuz 25/8 ntơưv têx xã Chiềng Lao, Mường Bú, Mường Lạn, Mường Chiên thiêz Ngọc Chiến. Hâur ntu no, Sơn La muôx 6 jiês lok nas lox, uô 396 luz tsêr trâus puôk tsuôx, phiv liv txos uô kôngz lôngk, zaoz thôngz thiêz ntâu côngz tsinhx cxuô zav. Ntơưv iz cxiê thax tsav qơư muôx ar poz, poz jêz poz lok, zôngx ziv muôx tox poz nzir.

Ủy ban tỉnh hêik cxuô thax tsav qơư sêiz jor yênhx hnuz hmo, seiz jông hêik pâuz lok ntux yar ntux nas, heik kriê, tsưr tsix txar pêx xênhv muk đhâu têx qơư riêz nênhs thiêz kriz uô tsưr ziv phax tar lơưr tsưr ziv "4 ntơưv qơư"; đros co bax nênhs, chuôz zênhx kho đuô têx trâus ruôr hiêv, truôx tuk luz nênhx thiêz kho đuô uô nox. Njuôk xav txix hmo 27 txos tsâuk ntux hnuz 28/8, Sơn La tror muôx lok nas, zôngx ziv muôx đêx cuôr yôngz, tox poz. Sơưr đơưk tsik muk đhâu têx đêx, cưx đêx, cưx ha thiêz thax tsav muôx tox poz thâuv muôx lok nas lox./.

DTMN-Lik Thox cxêik nhênhv

Tsênhv yuôr tsi ntêr hnuz thiêz tưz krêz shông cơưv yiêz 2026-2027. Ntơưv têx xã tox siêz, ntus đriv tỉnh Lai Châu, hâux lưv bax trâu hnuz krêz shông cơưv yiêz tsênhv tâu kriz uô. Ntơưv xã Thu Lũm, têx tsêr cơưv tưz uô vêv xênhz, cxiv kho đuô tsêr cơưv, qênhz shuôk chuôz zênhx thiêz hu zâuv shux xênhz tuôx cơưv ntơưr. Tsêr cơưv Phưv thôngz Mênhx cxưx niêv txir zus mor cxênhx iz thiêz cxênhx oz Thu Lũm muôx 28 lớp, 735 lênhx shux xênhz; shux xênhz lớp 1 tâu nriêr pâuz tsêr cơưv txix kaz hli 8. Xã Thu Lũm cux sik côngv 6 qơư zoz zux yênhx 3 qơư, txo grêk 50% qơư coar lik. Tsêr cơưv nhuôs zâu Thu Lũm nhiv kruôr muôx 16 qơư cơưv, 19 lớp, 356 lênhx shux xênhz. Yuôr ntơưv xã Hua Bum, Tsêr cơưv Phưv thôngz niêv txir zus mor cxênhx iz thiêz cxênhx oz muôx 1.094 lênhx shux xênhz. Cưk kriê tưz muk txos 12 jêx jok kriê shux xênhz lớp 1, bax trâu shông cơưv yiêz. Têx tiv phaz tsênhv sir jos taz por qơư kriê thiêz cơưv ntơưr, paz gra siêz tsơưr lươngv zaoz zux thax tsav ntus đriv./.

 DTMN-Txâur Vax cxêik nhênhv.

Ntơưv jiês cơưv ntâuk grê shông cơưv 2025-2026 hnuz 27/8, tỉnh Điện Biên hêik Trung ương kriz đar uô tsưr ziv tsêr cơưv phôv thông nội trú oz cấp txos trâu têx xã txov nhêv tiv zix, thax tsav tsôngv box mênhx cxưx tsơưs nênhs thiêz tox siêz, tiv zix zos qơư tsôngv box nhoz uô nênhx tsơưs, muk lok phiv liv.

Shông cơưv đhâu, Điện Biên txo grêk xar muôx 58% chor tsêr cơưv, têx luôs hâux lưv zoz zux phênhv ntâu tâu uô tiêr thiêz siêz đuô tsưr ziv tso tơưv. Tỉnh tsênhv yưv pênhr uô 15 tsêr cơưv nội trú oz cấp ntơưv 15 xã ntus đriv, tas nro pênhr yưv uô zos 3.550 tiv đêiv ntâu. Tsêr cơưv Si Pa Phìn tưz tâu muôz lok kriê ntơưr; 9 tsêr cơưv njuôk xav uô tiêr hâur shông cơưv 2026-2027, 5 tsêr cơưv tror tâu sir jos uô cov tiêr. Điện Biên cux thix ziv muôx tsưr ziv truôx tuk lok biên chế, nhiêx txiêx nội trú thiêz tsênhv chei paz shux xênhz, cưk kriê ntơưr, nhân viên thax tsav txov nhêv/.

GD&TĐ-Lik Thox cxêik nhênhv

Hnuz 26/8, Công an xar Lương Thịnh, tỉnh Lào Cai txêik tâu mông heik pâuz lok iz lênhx nhuôv nxeik muôx 7 shông muk zuôv cêr ntơưv jos Khe Lụa. Ciês đhâu co, lưx lươngv Công an zênhx max xav jênhv, qênhz yuôx đas jos thiêz nriêr mê nhuôv co li nênhs cxênhz jê . Đhâu xav jênhv, mê nhuôv no xênhz shông 2018, nhoz jok Khe Cá, xar Lương Thịnh, trâus zuôv cêr thâuv chiv chir muk nriêr pos zơưs tsêr nhoz ntơưv xar Việt Hồng. Txos 5 six 30 phênhz zar hnuz kêix, đhâu xar muôx iz six hơưv, Công an xar Lương Thịnh tưz choz mê nhuôv tror trâu chuôz zis. Công an tỉnh Lào Cai heik têx chuôz zis tsuv seiz jông, tsoz phưz mê nhuôs, tsi chiê mê nhuôs muk đêz thâuv tsi muôx lênhx nênhs hloz đros muk. Thâuv mê nhuôs muk zuôv cêr, tsuv zênhx max hêik trâu cơ quan Công an jê tiv zix pâuz chiê tâu paz max./.

VOVTB-Txâur Vax cxeik, nhênhv