Ntênhs hội xiêz 02/9 shông 2026 đros njiêz luk “Tây Bắc muôx ntâu txux chi vênhx huôv jông-nthuôr đêz đar trâu chôngz lênhx ntâu tus pâuz txos” ntơưv xã Than Uyên, tỉnh Lai Châu, muôx yênhx cxênhz lênhx pêx xênhv thiêz tsôngv kruô tuôx đros côngv cêr lov jêv. Xiêz 02/9, txix thâuv nzor lok tưz yênhx tsôngv box cxuô heir nênhs nhoz Than Uyên cêr nênhx xênhz huôx vênhx huôv jông. Lar heik, tsaz yênhx nthuôr uô cêr lov jêv txuôk đros cêr côngv siêz zos txux chi jông hâur shông no. Hlôngr njêx muôs Hội kỷ lục gia Việt Nam, Tsưr tsix kỷ lục Việt Nam tưz heik pâuz thiêz muôz quyết định côngk nhav Kỷ lục Việt Nam trâu Ủy ban xã Than Uyên đros njiêz luk “Têx txux chi vênhx huôv đhiê pax vuôk, sênhr chêr txuôk đros cêr côngv siêz tsês trâu côngv thôngx reik đros hnuz hội xiêz 02/9 tâu tsưr tsix thiêz nthuôr uô hâur ntâu shông đhâu, txix shông 2022 txos shông 2026./.

                                                                                     Khắc Kiên-Riê Lâux cxeik, nhênhv

Ntơưv Quảng trường 8/5, phường Mộc Châu, Ủy ban tỉnh Sơn La tưz tsưr tsix tsaz yênhx nthuôr uô cêr lov jêv “Mộc Châu-Qơư jông jav”. No zos huôx tôngv txêik tok 81 shông cxiv kho tâu têz qơưk Việt Nam, đros co uô lơưr shông du lịch têz qơưk 2026. Đros tsênhv njiêz “Mộc Châu-qơư jông jav”, tsaz yênhx nthuôr uô cêr lov jêv tâu tsưr tsix muôx 3 zav. Đhâu têx suôz gâux, đhiê pax vuôs tưz paz piêr txos têx jông jav muôx nhoz Qơư du lịch têz qơưk Mộc Châu zos qơư tuôx ndis shuôk jông, ngaz tuk, sưv jê đros tsôngv kruô tuôx ndis sêiz uô si thiêz zos qơư tsôngv kruô nhiêv tror tuôx nriêr pâuz, ndis sêiz uô si nzir trâu hâur ntu zuôr txos…/.

Trấn Long-Lik Thox cxêik nhênhv

Trơưk li Sở Vênhx huôv tỉnh Lào Cai, hâur 5 hnuz so xiêz 02/9, ntơưv qơư tưz txeik tok tâu 450 cxênhz lênhx kruô tuôx ndis shuôs têz qơưk uô si, ntâu đuô 2 bâus pir li shông uô ntêx. Hâur co, kruô ntiêx têz muôx 34 cxênhz lênhx. Thax tsav Ju lix Sa Pa tror zos qơư muôx chôngz lênhx kruô tuôx ndis seiz uô si đros thiêz 150 cxênhz ntâu lênhx kruô, txuôk lơưr co zos Bảo Hà muôx 85 cxênhz lênhx; Bắc Hà txeik tok 25 cxênhz lênhx. Lar heik, shông no ntơưv têx qơư ju lix côngv thôngx li: Lâm Thượng, Bản Liền, Nghĩa Đô.... tsar ndê chôngz lênhx kruô. Têx jông li heik co zos khov uô truôx luôs hâux lưv cxiv tsa têx xiv huv ju lix hâur thax tsav qơư, zuôr pêx xênhv uô qơư chênhr thiêz uô trơưk công nghệ sôr chiê buôk ti tsôngv kruô. Zơưv Nguyễn Văn Phương, Bí thư Đảng ủy xã Nghĩa Đô heik:“Nghĩa Đô tưz xav tinhv iz tsưr ziv, tsi fuô uô sei, mak tsuv truôx ntêr, co zos têx hâux lưv ndis shuôs, cơưv shâuv reik đros trâu nthuôr uô đuô têx muôx jông thâuv nzor, tuôr tsês tsôngv box ntơưv qơư têx txux chi vênhx huôv jông. Cấp ủy, hâu nov ntơưv qơư sik đros côngv têk, zuôr pêx xênhv uô qơư chênhr. Pêz cux vav chiê siêz uô reik đros trâu ndis shuôs têz qơưk, cxiv tsa Nghĩa Đô huôv tsar ntâu zav jông txơưr tsi thôngx li 2 chas thax tsav qơư chiê huôv tsar truôx thiêz jông”./.

                                                                                   An Kiên-Riê Lâux cxeik, nhênhv 

Uô lơưr Thủ tướng Chinhr phuv Công điện sôr 62 hnuz 31/8/2026, Ủy ban tỉnh Điện Biên tưz muôx công văn, choz Sở Zoz zux sêiz car, sik côngv đros têx sở: tài Chính, Nội vụ, Mênhx cxưx thiêz Tôn giáo đros Ủy ban têx xar, phường sêi đrơưv qênhz shuôk, nriêr pâuz xor mông pov tsir hêik pâuz lok iz luz tsêr cơưv sâuv thax tsav hêik cov sơưr đơưk paz cxur thiêz cxuô zav trâu shux xênhz; đros co uô tsênhz mênhx qênhx shênhx, qir tiv, txơưx jênhv zos muôx thiêz têx đơưk kho. Đros co, Ủy ban tỉnh Điện Biên hêik qênhz shuôk tas nro kriz uô lơưr Trung ương thiêz thax tsav qơư têx tsênhv chêi trâu chor nhuôv, shux xênhz tâu sơưv. Tsênhv tsênhz zos shux xênhz nội trú, nhoz hâur tsêr cơưv niêv txir zus mor; shux xênhz ntơưv chor tsêr cơưv nội truz oz cấp nhoz chor xar ntus đriv, thax tsav tsôngv box mênhx cxưx tsowus nênhs thiêz tox siêz, xar txov nhêv tiv zix; shux xênhz zos chuôz zis pluôs, zuôr xar pluôs, nênhs tâu têz qơưk paz thiêz chor nênhs muôx luz nênhx txov nhêv. Đhâu co nriêr pâuz tsênhz chor nênhs tsik tâu paz, paz tsik tâu cxix cxuô lok sik paz tsik tâu ndar six hơưv./.

                                                                                              Vũ Lợi-Lik Thox cxêik nhênhv