Zar hnuz kêix 15/9, Chủ tịch Ủy ban tỉnh Lai Châu Hà Quang Trung sêiz car jiês cơưv hli 9, tsêx trung sêiz lax lok biên chế ntu 2027-2031 thiêz iz cxiê tsênhv njiêz huôv tsar kinh têr-xar hôiv. Chor đại biểu hêik tiêk, kriz uô tsưr ziv chinhr quyền oz cấp uô phiv liv lok chor nênhs uô hâux lưv ntơưv iz cxiê cơ quan, taz viv; hok xêir zuôr, zaz zâuv nênhs uô hâux lưv muôx txux chi ntơưv thax tsav tox siêz đêz đrôngs, ntus đriv tsênhv njiz ntâu kror phiv liv. Jiês cơưv cux sêiz lax txos tsênhv chêi paz trâu tôv công nghệ sôr côngv thôngx ntu 2026-2030; đros co tso ziv chênhv lok cêv kuôk Qơư du lịch têz qơưk Ô Quy Hồ thiêz tox siêz Sìn Hồ, sir jos uô cov tâu côngz jênhv zos qơư du lịch têz qơưk uô ntêx shông 2045. Chủ tịch Ủy ban tỉnh hêik tror uô cov tiêr chor dưv thảo, uô huv zos cui tênhv, cxix cxuô thiêz tsênhv tsênhz; nhênhz chơưv siz txuôk lok du lịch Lai Châu-Sa Pa, đros co uô jông tênhv qơư, đrox tsuôs chiv xênhz thiêz têx vênhx huôv côngv thôngx jông./.

                                                                                            Báo Lai Châu-Lik Thox cxêik nhênhv

Sơn La sir jos huôv tsar uô cê hâux lưv pheiz têx vuôz tsuôz kiês nênhs hâur xênhz huôx sâuv tas nro tỉnh txix shông 2031. Lơưr UB tỉnh li cuiz tênhv số 2219, kênhz tiv zix hnuz 31/12 shông no, tas nro xã, phường tsuv tso tơưv tsaz yênhx, tsưr ziv lok sik đề án pheiz têx zav vuôz tsuôz kiês nênhs hâur tsênhv tsênhz. Txix hnuz xiêz 1/1/2027, têx chiz coaz, tsưr tsix, ziv chuôz zis thiêz lênhx nênhs uô hâux lưv pheiz têx zav vuôz tsuôz zos zav nox, zav vuôz tsuôz lox...tâu nhiês tso nhiês iz kror qơư; txix shông 2029, krêz uô ntơưv ntâu xã phường. UB tỉnh heik tsuv bax cxuô zav, lênhx nênhs thiêz nhiêx txiêx, muôz siêz công nghệ yưr lir, chuôz tsar tror tsiv uô đuô, txu grês hâux lưv muôz phâus por tsês hâur ar, gôngr phênhv txu grês kiês nênhs tênhx qơư./.

                                                                                             Trấn Long-Txâur Vax cxêik nhênhv

Bôv Chỉ huy Quân sự tỉnh Lào Cai congv đros cxuô thax tsav qơư muôz zuz ntông, nôngz tsiêx cxu paz trâu chor ziv chuôz zis muôx luz nênhx txov nhêv ntơưv xar Phong Hải thiêz Mường Khương. Ntơưv xar Phong Hải, taz viv tưz muôz 1.700 tuk kêiz nôngz, 16.000 tsoz zu cêv fix trâu 15 ziv chuôz zis, tsiv gri 5 triệu đêiv iz ziv chuôz zis. NO zos chor ziv chuôz zis đăngk cir thiêz sir jos cov tơưv đhâu yêiz pluôs hâur shông 2026. Ntơưv xar Mường Khương, 35 ziv chuôz zis pluôs tâu paz 3 tuk buô nôngz iz ziv chuôz zis, tsiv gri 5 triệu đêiv. Chor ziv chuôz zis tsênhv tâu paz zav nox hâur tu zus thiêz kriê kỹ thuật tu zus. Tsaz yênhx paz tsưr ziv uô nox, paz trâu pêx xênhv muôx nzir phênhv sâu, sir jos cov tơưv tâu đhâu yêiz pluôs./.

                                                                                                  VOVTB-Lik Thox cxêik nhênhv

Ntơưv xã Sính Phình, tỉnh Điện Biên, tsôngv px Hmôngz tsênhv sir jos tuôr tsês têx txux chi vênhx huôv chax chês hâur luz nênhx yiêz. Đros 16.000 ntâu lênhx nênhs Hmôngz nhoz uô nênhx ntơưv 30 jêx jos, ntâu txux chi vênhx huôv jông tsênhv tâu tuôr tsês, txix hâux lưv xơưk pax ntâuz, uô tsôngk tril yo hnar txos trâu têx vax jêz xor their tsêr thiêz kênhx Hmôngz. Têx hâux lưv uô, cêr nênhx vênhx huôv tâu choz kriê đhâu ntâu cxênhx nênhs, hâur co pox nhuôs tsênhv chiv chir xơưk, uô tsôngk tril yo hnar; cxiv uô vax jêz xor their txix tsưr ziv kriê cxôngx nzor, yuôr têx nghệ nhân tsênhv sir jos kriê tsưr ziv yuôz thiêz đhiê kênhx trâu cxênhx hluôk nênhs. Hâux lưv tuôr tsês têx txux chi vênhx huôv cxôngx nzor paz tsôngv px Hmôngz por hưv zuk hêir nênhs têx txux chi cêr nênhx vênhx huôv jông, iz chas ntơư muôz cêr shir phaz, lov jêv trâu cxuô jêx jok tox siêz Điện Biên hâur ntu huôv tsar nhiv no./.

                                                                                                   Vũ Lợi-Txâur Vax cxêik nhênhv