Nhiv kruôr đhâu, zơưv Hoàng Giang, Phưv Bí thư Thường trực Tỉnh ủy, Chủ tịch hôiv đôngx tỉnh Lào Cai uô hâux lưv đros Ban Thường vụ Đảng ủy phường Sa Pa lok fuô uô Bộ Chính trị têx Nghị quyết. Phường Sa Pa tưz huôv tsar uô tâu nền tảng ju lix sôr, fuô uô qơư tso đrêk yêz truôx jông, thêv nhiêx đhâu mạng xã hội; 100% xiv huv OCOP tâu muôz ntơưr côngk nhav pâuz tsênhz qơư uô thiêz tâu muôs sâuv điện tử. Hâur 9 luz hlik shông 2026, Sa Pa txeik tok zuôr xar 4 tsov lênhx kruô tuôx ndis shuôs têz qơưk uô si, xav hur si phênhv sâu tâu txix ju lix, zuôr muôs hax huv tâu 22.478 tỷ đeiv ntâu. Heik suô luk jiês uô hâux lưv, zơưv Hoàng Giang heik phường nhênhz chơưv fuô uô siv cxiv tsa qơư ju lix huôv tsar truôx jông khov lok têx hlôngr yiêz, đros trâu hâux lưv zov chênhr li: Cxiv tsa cxix luôs chiv xênhz đrox tsuôs ju lix sôr, uô trơưk txux chi AI, vênhx huôv thiêz huôv tsar hâu nov ntơưv qơư lês uô cxuô luôs hâux lưv trơưk li ntu hlôngr yiêz. Hâux lưv tso tơưv zos muôz qơư chuôz jos trâu huôv tsar kinh tế-xã hội, iz chas ntơư por hưv thiêz tuôr tsês têx txux chi vênhx huôv ntơưv qơư tsi trâus pôngz plox./.

                                                                                              Báo Lào Cai-Riê Lâux cxeik, nhênhv

Sơn La muôx tsưr ziv txos shông 2030 sir jos cov tỉnh tơưv đhâu zos têx tỉnh phiv liv lok zax zênhz tas nro têz qơưk. Chiê uô tâu tsưr ziv no, thax tsav qơư tsênhv kriz uô Đề anr hlôngr yiêz cxiv tsa xar, phường, thị trấn tsik muôx zax zênhz, ntu 2023-2025, tsưr ziv uô txos shông 2030. Đề anr xav jênhv tsênhz mênhx, hlôngr yiêz têx thax tsav muôx txiêz nanv, phiv liv lok zax zênhz txos kriz uô tuôr truôx têx thax tsav tsik muôx zax zênhz. Ciês shông xuz thơưx kriz uô, Sơn La tưz muôx luz xar xuz thơưx ciês kriz uô tâu tsưr ziv no. Taz sik, côngz xưv phax tar zax zênhz cux tsênhv njiz ntâu kror cêr txov tiv thax tsav phiv liv, iz phênhv pêx xênhv luz nênhx tsênhv yuôr ntâu txov nhêv thiêz chor nênhs fêv no têx tsưr ziv huôx tôngv ziv hnuz ziv txơưr txar ntâu. Txix têx phiv liv co, Đại tá Hoàng Vinh Hiển, Phưv Giám đốc Công an tỉnh Sơn La hêik pâuz:“Pêz hêik Trung ương tror uô cov tiêr têx chêi cik txos phax tar zuôr muôs lênhx nênhs thiêz zax zênhz chiê đơưk kho têx phiv liv hâur qênhz yuôx, xưv lik. Tiv oz zos yưv pênhr zuôr têx chuôz zênhx kỹ thuật yiêz jông, chuôz zênhx paz trâu chor lưx lươngv uô hâux lưv tir tar ntơưv thax tsav qơư, tiv zix zos lưx lươngv công an cấp xar”./.

                                                                                                Thùy, Long-Lik Thox cxêik nhênhv

Siz zuôr nzor cux tsênhv zos têx phiv liv nhoz thax tsav tsôngv box heir nênhs tsơưs ntơưv Điện Biên. Txix têx li heik co, tỉnh tsênhv sir jos yax kriê ntơưv cxuô luz tsêr cơưv ntơưr, jêx jok thiêz chuôz zis, phênhv ntâu zos lok đas jos xênhz zus nhuôs, têx mê nhuôv zâu li vax huôv thiêz siz zuôr nzor têx tsi jông. Ntơưv xã Mường Pồn, hâur 3 luz hlik hâur shôngk shông no, siz zuôr nzor tsav txos 50% têx gơưv niêv txir siz zuôr. Qơư y tế xã tưz fuô uô 200 ntâu jiês yax kriê, hu zâuv muôx 3.500 ntâu lênhx nênhs cxaz chuôz; iz chas ntơư, cux hux jos đros cxuô luz tsêr cơưv thiêz yax kriê đhâu mạng xã hội hur si. Tas nro tỉnh Điện Biên muôx zuôr xar 7 cxênhz gơưv niêv txir siz zuôr nzor hâur ntu 2021-2025. Ciês 6 luz hlik hâur shôngk shông 2026, muôx 510 lênhx nênhs siz zuôr nzor hâur hur si 2 cxênhz ntâu lênhx nênhs siz zuôr. Ntơưv qơư xav tinhv, tsuv sir jos muk yênhx jêx jok, yênhx chuôz zis yax kriê, chiê jux juk hlôngr yiêz pêx xênhv tsưr ziv jênhv pâuz, por hưv têx nhuôs zâu thiêz txo grêk tsơưs siz zuôr nzor./.

                                                                                                      Vũ Lợi-Riê Lâux cxeik, nhênhv 

Têis cik sơưr nzor 17/9, ntơưv jok Tú Lý, xar Đà Bắc, tỉnh Phú Thọ, xar muôx 40 yiv thôngx ar poz jêz txix saz kâuv tsêr poz lok trâus oz qar pư, cxuz tas 3 lênhx nênhs haur iz ziv chuôz zis, uô 3 lênhx nênhs trâus tuôs. Ciês đhâu txêik tâu xor mông, hâu nov tỉnh Phú Thọ tưz tuôx ntơưv qơư muôx ar poz, chox kriê côngz xưv zok nriêr, kho đuô têx trâus ruôr hiêv thiêz sêiz nus, phêiz kênh cêr pôngz siêz đros chuôz zis. Hâu nov tỉnh hêik thax tsav qơư paz trâu chuôz zis uô đaz uô kruô cov jông trâu chor nênhs trâus tuôs, đros sêi đrơưv qênhz shuôk tas nro têx qơư zôngx ziv muôx ar poz, tiv zix zos qơưk muôx pêx xênhv nhoz hâur têx tơư trôngz, saz kâuv tsêr thiêz têx qơư muôx ar tsik khor truôx, bax uô têx tsưr ziv phax tar, paz ngaz tuk jông trâu pêx xênhv./.

                                                                                                     CTV Mùi Sơn-Lik Thox cxêik nhênhv