Tỉnh Sơn La tsênhv chêx chôngk uô hâux lưv hlôngr yiêz tsưr tsix bộ meir hâur tas nro cxix luôk chính trị cov huv đros thiêz huôx tôngv muôx chêx cuk đuô lơưr TW li chox kriê. Njuôs xav txix hli 11 shông 2024 txos nhiv no tas nro tỉnh zuôr txu grês 5 Sở; 26 phongx nhoz têx sở, nganhx. Zơưv Lò Minh Hùng, Phưv Bí thư Thường trực Tỉnh ủy Sơn La puz pâuz: Tỉnh tưz uô tiêr têx đề án txu grês bộ meir chiê côngz fur têx cuiz tênhv hâur hli 2: “Thâuv hlôngr yiêz, txu grês têx chiz coaz, taz viv hâur cxix luôk chính trị mak cux zos hlôngr yiêz cán bộ, công chức tsênhv uô hâu nov nhoz têx chiz coaz, taz viv tsuv hlôngr yiêz. Hâur ntu nhiv kruôr đhâu pêz tưz uô jông côngz xưv yax mông, vênhv tôngv, pov phênhv ntâu cán bộ lênhs tov txos ntu so lâuk so nzor chiê txu grês biên chế thiêz tâu lơưr puôr lênhx thôngx ziv. Thôngx cxix ciêr chênhr cxiv uô hâux lưv muôz nhiêx txiêx chiê paz têx đồng chí so lâuk nzor lơưr cui tênhv”./.          

Thu Thùy-Txâur Vax cxeik nhênhv

            Đhâu hlo têx so tsiêz têz qơưk Naz shông 2025, chor công ty, doanh nghiệp hâur thax tsav tỉnh Yên Bái tưz zênhx max siz zâuv muk uô nox, lax luôv đros trâu têx sir jos chiê uô tâu ntâu luôs hâux lưv jông hâur shôngk shông yiêz. Công ty Yên Thành (Yên Bái) têx hâux lưv uô chênhr zos tsiv uô njuôs thiêz shôngz ntông muôs trâu 2 chas thax tsav qơư. Nhiv no Công ty tsênhv hux jos đros pêx xênhv chos 100 ntâu ha njuôs shôngz Bát độ thiêz cir ntơưr chos luk sâu zuôr pêx xênhv, HTX têx xiv huv thâuv muôx njuôs shôngz chox lok jiêz kra kruôr chiê muôs trâu ciêz đrôngs Nhật Bản, Đài Loan (Trung Quốc).....Đros trâu têx li heik co, zos tsiv uô iz cxiê zav njuôs hur jông OCOP muôs hâur têz qơưk. Zơưv Nguyễn Đức Dũng, Giám đốc Công ty heik pâuz: “Chiê uô tâu têx luôs hâux lưv tso tơưv, công ty tsênhv sir jos zok nriêr sâu zuôr, krêz đar cêr sik hux jos uô nox đros lưv thax tsav qơư thiêz cxiv kho têx tsi jông đhâu moz Covid-19 uô tuôr thênhv; Tiv 2 zos sir jos uô lơưr têx tsưr ziv uô nox yiêz, iz chas ntơư, phuôx tôngv phôngz yaox sik tưr xar tơưv têx tsưr ziv jông chiê uô tâu hâux lưv truôx jông đuô, txo grêk tsơưs iz cxiê nhiêx txiêx phưx vưv uô nox, lax luôv, cxaz nzir phênhv sâu tâu trâu nênhs lox tôngv”./.

Thừa Xuân-Riê Lâux cxeik, nhênhv

          Đhâu nox tsiêz tas ntâu chuôz zis khênhr sik zâuv muk tsêr mnov cxaz chuôz têx huôx tôngv ntênhs phêv cheix ntux yiêz, viv li lênhx nênhs thiêz yêz muk lok chuôz ndê. Chênhr viv li, têx lưx lươngv muôx txơưx jênhv tỉnh Sưn La tsênhv sir jos krêz uô têx tsưr ziv phưx vưv jông tsôngv box li zoz qơưx muk lok thiêz taz por zaoz thôngz hâur ntu no. Trung tá Vũ Mạnh Thắng, Tuêv tsêr Tuêv CSGT Công an huyện Sông Mã, tỉnh Sơn La puz pâuz: “Lưx lươngv CSGT Công an huyện tưz tsov cưv yax mông trâu tsôngv box sâuv thax tsav, tiv zix zos tsôngv box mênhx cxưx tsơưs nênhs nhoz tox siêz pâuz têx njiêz luv, cui tênhv yiêz hâur Nghị định 168, tiv zix zos têx uô cxâuv chuôz ndê phênhv xưv bluô pir đros Nghị định 100 thiêz Nghị định 123 thâuv ntêx lok hâuk chơưr bia, cheix yêz muk chênhr, muk đhâu tênhz liêz thiêz têx uô cxâuv tsi uô trơưk lưx lươngv muôx txơưx jênhv li lênhv chiê tsôngv box pâuz thiêz uô trơưk” ./.

Thu Thùy-Txâur Vax cxeik nhênhv

            Trơưk li mông txix Chi Cục qênhz yuôx jôngr tỉnh Điện Biên mông heik pâuz, txix hnuz 17-23/2 zos ntu zôngx ziv muôx hluôr tơưk txeik cuz jôngr hâur tas nro thax tsav tỉnh. Txix têx li heik co, Chi Cục qênhz yuôx jôngr heik têx hạt qênhz yuôx jôngr thiêz chor tsưr jôngr hâur thax tsav fuô uô truôx jông cxuô faz tsưr ziv phax tar cuz tox cuz jôngr  lơưr Ủy ban tỉnh côngz tênhv. Lar heik, tsuv qênhz shuôs truôx luôs hâux lưv hlơưr têx blôngx kruô, hlơưr têz cux li têx hâux lưv zôngx ziv uô hluôr tơưk txeik cuz jôngr hâur xuz tsuôs, jôngr ntông. Iz chas co, chiê txo grêk tsơưs têx tsi jông li heik sâuv, chor qơư seiz jor har jôngr muôx têx tâu yênhx lix nhoz têx ndâux cêr muk lol hâur har jôngr, chiê qênhz shuôs lênhx nênhs muk lol đhâu trâu chor thax tsav zôngx ziv muôx hluôr tơưk txeik cuz. Uô lơưr tsưr ziv 4 ntơưv qơư chiê taz por uô tâu truôx jông luôs hâux lưv phax cuz tuô cuz jôngr./.

    Báo Điện Biên-Riê Lâux cxeik, nhênhv