Nhiv kruôr đhâu, Cơ quan thường trú Đeix nta suôz Việt Nam nhoz faz Bắc tưz xa Công đoanx Đeix nta suôz Việt Nam têx huv puz txos trâu chor nhuôs shux xênhz muôx luz nênhx txov nhêv ntơưv tsêr cơưv cxênhx nhuôs zâu jok Hô Huổi Luông, nhoz tsêr cơưv cxênhx nhuôs zâu Bản Lé, thị xã Mường Lay, tỉnh Điện Biên.

          Ntơưv jiês muôz huv puz co, zơưv Trần Thanh Bình, Giám đốc Cơ quan thường trú Đeix nta suôz Việt Nam nhoz faz Bắc hlôngr njêx muôs Cong đoanx VOV muôz 200 têik cuô mik hmôngr puz trâu têx nhuôs zâu muôx luz nênhx txov nhêv hâur tsêr cơưv heik sâuv, iz chas ntơư zơưv Bình cux heik mênhx, no zos Công đoanx Đeix nta suôz Việt Nam iz hâur têx hâux lưv uô tsi so, chiê sik đros tsoz phưz, paz têx nhuôs tox siêz đêz đrôngs, thax tsav txov nhêv, qơư trâus đêx nas uô ruôr hiêv muôx luz nênhx tsâu sor thiêz jông đuô.

         Hâur ntu no, VOV Tây Bắc cux tưz choz Công đoanx Đeix nta suôz Việt Nam iz cxênhz têik cuô mik hmôngr thiêz yuôx kho moz gênhk puz trâu Ủy ban huyện Phù Yên, tỉnh Sơn La; xã Chiềng Phung, huyện Sông Mã (Sơn La); xã Ngọc Chiến, huyện Mường La (Sơn La), zos têx thax tsav trâus coz nas chuô sôr 3 nhiv kruôr đhâu uô ruôr hiêv hnhar, chiê muôz puz trâu têx nhuôs zâu cxuô luz tsêr cơưv hâur thax tsav./.

Vũ Lợi-Riê Lâux cxeik, nhênhv

            Ciêz Du lịch-Vênhx huôv Lai Châu shông 2024 muôx tsênhv njiêz “Ndis shuôk têx hâur trôngz jông jav ntơưv Lai Châu”, tâu tsưr tsix txix hnuz 8-10/11/2024 ntơưv thành phố Lai Châu zuôr muôx ntâu huôx tôngv vênhx huôv, du lịch, nriêr pâuz, ndis shuôk uô si jông.

          Kror chênhr zos qơư piêr pâuz du lịch muôx nhoz 8 tỉnh Tây Bắc thiêz thành phố Hồ Chí Minh; chor huôx tôngv nthuôr uô cêr lov jêv, vênhx huôv li: đhiê pax vuôs xòe, đhiê kênhx, uô têx hâux lưv cxôngx nzor… Đuô li, tsênhv muôx hmo nthuôr uô cêr lov jêv oz têz qơưk Việt-Trung; giải Marathon tỉnh Lai Châu shông 2024… Zơưv Trần Quang Kháng, Phưv Giám đốc Sở Vênhx huôv, Thể thao thiêz Du lịch Lai Châu puz pâuz: “Pêz kriz uô têx zav Du lịch muôx liv nhoz Lai Châu, xưk li du lịch côngv thôngx. Đrâuv tỉnh têx qơưk du lịch côngv thôngx tưz huôv tsar li Sin Suối Hồ, Sì Thâu Chải, Lao Chải mak pêz tror huôv tsar chor zav du lịch yiêz, xưk du lịch trachking chor qơư du lịch têx hâur trôngz siêz Lai Châu thiêz du lịch thể thảo mảo hiểm. Đros co, thax tsav qơư cux zuôr huôv tsar chor zav du lịch đros uô kôngznuv, xưk li xu lĩhj têx đrox tsuôs chiv xênhz pak đêx đros piêr pâuz têx hax huv kôngz nuv, hax huv OCOP muôx ntơưv tỉnh”./.

Khắc Kiên-Lik Thox cxêik nhênhv

            Nhiv kruôr đhâu, thị xã Mường Lay, tỉnh Điện Biên tsưr tsix uô ju lix cheix đêx nyiêz jông sâuv đêx Đas shông 2024. No zos jiês xuz thơưx xor xưv co tâu tsưr tsix chiê krêz uô têx muôx jông lok huôv tsar ju lix hâur pak đêx tênhv thị xã Mường Lay.

           Xor xưv no zuôr nthuôr uô ntâu têx txux chi, cêr lov jêv jông li: cheix câuk za sâuv đêx Đas, ndis seiz têx tox trôngz hâur pêk, sik tưr gruôv gox chiê hu zâuv chôngz lênhx ntâu tus tuôx seiz uô si lov jêv. Iz chas ntơư, tsênhv nthuôr uô têx txux chi cêr lov jêv li: Đhiê pax vuôk xòe, lêiv poz, sik truz hluô, tuô hnênhr đros trâu sik tưr uô têx zav nox Tây Bắc. Niêv lâul Lê Việt Trinh, nhoz TP Điện Biên Phủ heik: “No zos jiês xuz thơưx tâu tuôx cheix gox ndis seiz pak đêx Đas uô si, cur lok six jông siêz thiêz shir phaz viv seiz njiê pov têx muôx jông hâur đêx, tox trôngz hâur pêk. Vav chiê siêz đhâu jiês no, ju lix thị xã Mường Lay heik taz, Điện Biên heik cxuô zuôr huôv tsar uô tâu jông đuô hâur ntu zuôr txos”./.

Vũ Lợi-Riê Lâux cxeik, nhênhv     

           Nganhx BHXH Sơn La đros chinhr quyền cxuô cấp tưz thiêz tsênhv sir jos kriz uô BHYT, BHXH chiv chir zuôr. Đhâu co, paz gra siêz luz nênhx, ngaz tuk xar hôiv trâu pêx xênhv.

          Tix lâus Vưx Xênhv Vax ziv chuôz zis nhoz jok Chả Lạy Ba, xar Co Mạ, huyện Thuận  Châu, Sơn La zênhx zos chuôz zis pluôs. Jê lok no, tix lâus tuk mê nhuôv nhiv kruôr muôx 3 hli ntâu hnuz nhôngs trâus moz njưl, tsuv tuô kho moz ntêr hnuz ntơưv tsêr kho moz, nhiêx txiêx zuôr yuôx, kho moz trâu mê nhuôv zos iz kror tsuv cxơưx hlo.

         Hmôngr jông, khov muôx BHYT viv li têx nhiêx kho moz, zuôr yuôx nox tưz tâu bảo hiểm thêv tas nro hur si. Khov co, tix lâus chuôz zis cux tso siêz chiê mê nhuôv chơưv kho moz ntơưv tsêr kho moz mak tưz tsik cxơưx txos nhiêx txiêx kho moz trâu mê nhuôv: “Cur tuk mê nhuôv trâus moz njưl hnhar, tuôx kho moz ntơưv no cux tâu chor bác sĩ sir jos kho, nhiêx txiêx kho moz cux tas ntâu. Hmôngr jông muôx bảo hiểm paz thêv tas nro têx nhiêx kho moz trâu cur tuk mê nhuôv”./.

Trấn Long-Lik Thox cxêik nhênhv