Têik cik 12/11, phưv chủ tịch côx hôiv Tòng Thị Phóng tưz dự hnuz hội niêv côngv siêz tas nro mênhx cxưx đros tsôngv box jok Hùn, xã Chiềng Cọ, thành phố Sơn La, tỉnh Sơn La ndaz ndơưv chiv nhênhv 86 shông hnuz yênhx lix Mặt trận thôngx ziv Việt Nam (18/11/1930-18/11/2016).

     Hêik ntơưv hnuz hội Niêv côngv siêz jok Hùn, phưv chủ tịch côx hôiv Tòng Thị Phóng hêik shir phaz đros pêx xênhv cxuô mênhx cxưx jok Hùn, xã Chiềng Cọ li têx hlôngr yiêz. Đros hênhr kruôk pêx xênhv jok Hùn li têx sir jos, côngv siêz tưz uô jông Đảng, têz qơưk li têx cêr chêi, phưv chủ tịch côx hôiv cux hêik chính quyền thiêz mặt trận têz qơưk jok Hùn, tror phuôx huiz pênhr jos ntơưv qơư cux xưk li têz qơưk li têx paz chiê cxiv tsa têz qơưk ziv hnuz ziv huôv tsar lox jông; tror cxiv tsa luz nênhx vênhx huôv ntơưv jêx jok, taz por vêv xênhz tênhv qơư ntơưv qơư nhoz…Phưv chủ tịch côx hôiv cux hêik cán bộ thiêz pêx xênhv cxuô mênhx cxưx jok Hùn, xã Chiềng Cọ tuôr chiê jông têx vênhx huôv cxôngx nzor; côngv siêz, sik paz, sik đros uô trâu luz nênhx cêhx huôv cxôngx nzor; côngv siêz, sik paz chiê uô trâu luz nênhx vênhx huôv, kinh tế tiv phaz ziv hnuz ziv huôv tsar./.

                                                             (Hồng Việt-Lik Thox cxêik nhênhv)

     Shông no, tỉnh Yên Bái sir jos cov sâu tâu têx nhiêx xar muôx 2 cxênhz tỷ đeiv. 10 luz hlik ntâu đhâu, tas nro tỉnh tưz sâu tâu 1.500 ntâu tỷ, tâu zuôr xar 90% trơưk li tsưr ziv tso tơưv hâur shông. Iz cxiê phênhv sâu tâu ntâu zos: Xổ số, sâu txix zuôr muôs têx xiv huv trâu luôs 2 chas thax tsav, têz qơưs đrâuv…. Ciês lok sâuv sâu têx nhiêx sir zôngv ar mak tâu zuôr xar 300 tỷ đeiv, tsar ndê ntâu đuô 2,4 bâus pir li shông uô ntêx.

Chiê uô tiêr tâu luôs hâux lưv sâu têz qơưs têx nhiêx heik sâuv hâur shông no, ngênhx sâu sê tỉnh Yên Bái tsênhv sir jos fuô uô ntâu faz tsưr ziv li Zơưv Nguyễn Mạnh Khôi, Phưv Cục tsar Cục sê tỉnh Yên Bái heik:

     “ Tiv iz, pêz ntâuk grê đuô têx luôs hâux lưv sâu nhiêx txiêx, txix ntơư phênhz pheiz têx phênhv sâu tưs uô tâu trơưk  tsưr ziv, phênhv tưs uô tsi yuô tâu chiê muôx tsưr ziv khưx phưx, sir jos uô cov tâu. Tiv 2 zos pêz qênhz yuôx têx taz viv zôngx ziv trâus uô hiêv lox. Tiv 3 zos qênhz shuôs đuô têx cuiv ar têz chiê tso ntiêr ar thiêz muôz ntơưr vax huôv sir zôngv ar….. Tiv 4 zos sir jos sâu têx nhiêx sê tsênhv sâu tsi tâu tâu”./.

                                                            (Thừa Xuân-Riê Lâux cxêik nhênhv)

     Hmo 12/11, huyện Si Ma Cai, tỉnh Lào Cai tưz kriz uô hnuz hội vênhx huôv cxuô mênhx cxưx jiês tiv 1, shông 2016.

Dự jiês kriz uô muôx chor nênhs lênhx tov huyện ủy, HĐND, UBND huyện; chor nênhs zos kuz lênhx tov huyện đhâu cxuô ntu thiêz chôngz pêx xênhv sâuv thax tsav. Chor shông đhâu, đros huôv tsar lok kinh tế, pêx xênhv huyện Si Ma Cai li luz nênhx ziv hnuz ziv tâu gra siêz. Chor vênhx huôv jông, suôz gâux, đhiê pax vuôs, uô si cxôngx nzor, ntênhk hội cxôngx nzor tâu tiv phaz tsov cưv tuôr chiê, khưx phưx. Hẫu xlưv tsưr tsix hnuz hôiv vênhx huôv cxuô mênhx cxưx jiês tiv iz zuôr paz gra siêz đuô tsơưr lươngv huôx tôngv vênhx huôv, vênhx nghệ, thể thao ntơưv tiv phaz; chuôz cxaz niêv côngv siêz hâur pêx xênhv./.

                                                             (AN Kiên-Lik Thox cxêik nhênhv)

    Hnuz 13/11, huyện Phù Yên, tỉnh Sơn La tsưr tsix ntênhs uô tiêr tsêr meir xơưs tsôngk trik yo nhoz Công ty tsiv uô thiêz muôv muôs Tâm Việt.

Dưv anr tsêr meir xơưs tsôngk trik yo krêz côngz uô hâur shôngk shông no ntơưv jok Chát, xã Gia Phù, huyện Phù Yên, xav hur si têx pênhr yưv uô tas muôx 60 tỷ đeiv ntâu, đros trâu cxiv uô têx qơư jông thiêz njuôk xav 2 shông xuz thơưx zuôr xơưs tâu 230 cxênhz txos 250 cxênhz têx tsôngk trik yo, xiv huv ízhông. Têx shông lơưr co uô tâu txix 330 cxênhz txos 350 cxênhz xiv huv iz shôngk. Njuôk xav hâur ntu iz, tsêr meir zuôr muôz hâux lưv uô trâu 700 ntâu lênhx lox tôngv hâur thax tsav; thiêz thâuv uô tiêr , zuôr muôz hâux lưv uô trâu 2500 lênhx lox tôngv, muôx phênhv sâu tâu truôx txix 3,5 txos 4,5 tsov đeiv iz lênhx nênhs iz hlik. Chiê tror hu zâuv têx lênhx nênhs yưv pênhr uô tuôx trâu Phù Yên, zơưv Đào Văn Nguyên, Chủ tịch UBND huyện Phù Yên, tỉnh Sơn La heik: “ Hâur six hơưv zuôr txos, huyện Phù Yên zuôr tror sir jos uô jông lơưr Đảng, têz qơưs têx chei, lar heik zos sir zôngv cov tâu jông têz qơưs cux li tsôngv px sđ têx pênhr nhiêx tâu trơưk li tsưr ziv tso tơưv chiê muôz jông six hơưv trâu têx lênhx nênhs yưv pênhr saz đrâuv thiêz hâur thax tsav yưv pênhr cxiv uô qơư huôv tsar uô nox hâur thax tsav huyện Phù Yên”./. 

                                                (Hoàng Long-Riê Lâux cxêik nhênhv) 

     Đại tá Phạm Văn Hải, trưởng phongx phax tar zax zênhz thiêz nênhs phamv cxâuv-Bộ đội pênhz phax tỉnh Lai Châu puz pâuz taz viv nhiv kruôr tso tơưv cuêz tênhv khởi tố Chang A Và, mênhx cxưx Hmôngz, zus shông 1991, nhoz ntơưv jok Nâm Vì, xã Chung Chải, huyện Mường Nhé (tỉnh Điện Biên) lok muôl muôs tsik zos chêi tsơưr zax zênhz. Ntơưv cơ quan qênhz yuôx, Chang A Và tưz hêk tiêr zuôr chor zax zênhz co ntơưv iz lênhx txir nênhx Hmôngz muôx 35 shông nhoz jok Cao Chải, xã Tà Tổng, huyện Mường Tè đros gri 8 triệu đêiv. Đhâu co, Chang A Và tâu iz lênhx nênhs hu uô Vân (tsik pâuz qơư nhoz) tuôx nus zuôr zax zênhz đros gri zos 50 triệu đêiv. Thâuv sêiz lax gri tas, oz lênhx nênhs muk jok Nậm Khao, xã Nậm Khao chiê muôl muôs chêk trâus công an, pênhz phax tỉnh Lai Châu pov, cxov tsês. Bộ chỉ huy bộ đội pênhz phax tỉnh Lai Châu tsênhv uô cov tiêr ntâuz ntơưr, choz zok lênhx nênhs đros cxuô zav trâu công an tỉnh tror kriz đar qênhz yuôx./.