Hnuz 15/11, thứ trưởng Bộ Nội vụ Nguyễn Trọng Thừa đros đoanx côngz xưv tưz muôx jiês uô hâux lưv hêik lok cxiv tsa jêx jos yiêz thiêz hlôngr yiêz uô têx ntâuz ntơưr ntơưv tỉnh Sơn la.

Hâur luôs hauax lưv uô trơưk luôs hâux lưv cxiv tsa jêx jos yiêz, shông no, tỉnh Sơn la muôx nzir 5 xã uô tâu tiêr luôs hâux lưv cxiv tsa jêx jos yiêz; 14 xã uô tâu tiêr 15-18 luôs hâux lưv cxiv tsa jêx jos yiêz. Shông 2017,  tỉnh Sơn La zuôr sir jos uô cov muôx nzir 7 xã uô tâu tiêr hâux lưv cxiv tsa jêx jos yiêz.

Ntơưv jiês uô hâux lưv no, Đoanx côngz xưv cux muôx luk kruôk txos tỉnh Sơn La cxuô luôs hâux lưv cxiv tsa jêx jos yiêz, uô tâu tiêr hâur ntu đhâu. Txix ntơư, tưz txo grêk tsơưs chor ziv chuôz zis pluôs, pov njôngr tsôngv px sđ muôx luz nênhx tsâu sor jux juk./.

                                                         (Tsu Vưx cxêik nhênhv-VOV4)

        Tsôngv cưr tix fôngx zưs hmor yuô! Jiês têz nus Bộ trương Bộ tái nguyên thiêz tênhx qơư Trần Hồng Hà ntơưv jiês khiêz phêv tiv 2, côx hôiv khóa 14 zar hnuz keix hnuz 15/11 tror jênhv tâu chôngz lênhx cử tri tỉnh Lai Châu li tsov cưv thiêz thôngx ziv. Cử tri Nguyễn Thanh Tùng, nhoz xã San Thàng, Thành phố Lai Châu puz pâuz, nhiv no, hâux lưv phuôv tsar qơư công nghiệp, jos hâux lưv uô tsênhv jux jus tâu uô ntơưv thax tsav nôngx cxênhz, tox siêz, hâur co muôx Lai Châu. Thâuv chox lol huôx tôngv zos tsi coar lik jông zuôr uô kiês nênhs tênhx qơư, uô zênhr shar txos tsôngv box luz nênhx thiêz uô xênhz yar. Cử tri Nguyễn Thanh Tùng heik:

    “ Đhâu hâux lưv qơư công nghiệp Formosa uô kiês nênhs tênhx qơư uô njês tuôs ntâu mak cur xar njôngr jiês khiêz phêv côx hôiv no tsuv tsov cưv đuô txos vênhv thix tênhx qơư hâur phuôv tsar kinh têr. Tsi taz tsov cưv txos qơư công nghiệp Formosa mak tsuv tsov cưv ntâu đuô txos têx qơư công nghiệp txơưr, uô li chas chiê tsôngv box li tênhx qơư tâu taz por”./.

              (Khắc Kiên-Txâur Vax cxeik nhênhv)

       Hmo 14/11, đhâu nox hmo tas, 7 lênhx hâur zơưv Ma Văn Kinh nhoz jos 2, xã Nà Hẩu, huyện Văn Yên, Yên Bái tưz tâu chox muk chơưv kho trâu tsêr kho moz, viv đhâu nox hmo tas, sđ trâus xênhr siêz, ntuôr, moz plaz, trơưk plaz, tsâuk muôs…Đhâu qênhz njuôk shuôk, 7 lênhx hêik ntơư zos trâus kâus tsơưr tưx zav nox, viv nox zav ndêz đê hâur har jôngr lok.

Đhâu iz hnuz chơưv kho, 7 lênhx trâus kâus tsơưr tưx ntơư cux tror jông moz, tsik pov muôx yưv li chas.

Ntơư zos txuz kâus tsơưr tưx zav nox jiês tiv 4 nhoz hâur thax tsav huyện Văn Yên xav txix hâur 10 luz hli đhâu shông 2016./.

                                          (Tsu Vưx cxêik nhênhv-TTT)

     Hnuz 15/11, tòa án tỉnh tsưr tsix jiês tis cêr cxâuv đros Thống Xênhv Mùa xênhz shông 1987 nhoz jos Pá Hốc, xã Tà Hộc, huyện Mai Sơn, tỉnh Sơn La thiêz Nánh Xênhv Vax xênhz shông 1974 nhoz jos Tong Tải B, xã Chiềng Chăn, huyện Mai Sơn, tỉnh Sơn La viv muôv muôs zax thiêz thiêz cxênhx tsês vưv qiv tsi trơưk chei. Lơưr Viện Kiểm sát tỉnh, hnuz 13/6/2016 tuêv côngz xưv Phax cảnh sát qênhz yuôx nênhs phamv cxâuv lok zax zênhz Công an tỉnh uô jênhv vưv ntơưv thax tsav jos Pom Ban, xã Quài Tở, huyện Tuần Giáo, thâuv mul qênhz yuôx tsêr so Tâm Toàn pov Thống Xênhv Mùa thiêz Nánh Xênhv Vax tsênhv muôv muôs zax zênhz. Sâu tâu 10 thôngx zênhz đơưz hnhar 3,254 gam, 1 traz fov K59 thiêz 8 luz muôk txưr. Ntơưv tòa, Thống thiêz Nánh tưz jênhv zuk li hâux lưv uô cxâuv. Uô lơưr điểm b, khoản 4, grê 194; khoản 1, grê 230, Bộ Luật hình sự, Hội đồng xét xử tưz tik cêr cxâuv cơư tux tas iz siv nênhx đros Thống thiêz Nánh./.

                                                (Kt-Txâur VAx cxeik nhênhv)

     Têis cik hnuz 15/11, Liên đoanx laox tôngv tỉnh tưz tsưr tsix chiv nhênhv 65 shông hnuz cxiv tsa tâu Công đoanx Laox Cai (Hnuz 15/11/1951-15/11/2016).

Xav txos trâu nhiv no, hur si tỉnh tưz muôx 53 cxênhz đoanx hluôk nênhs công đoanx; thâuv tưs cux uô ntêx nyuôk trâu cxuô luôs hâux lưv cxươx txos sđ luz nênhx zos đrêiv chêi tso tơưv thiêz uô truôx cxuô luôs hâux lưv zok muôz.

Txix shông 2013 txos trâu nhiv no,  Đoanx hluôk nênhs, lênhx laox tôngv tưz xar tơưv 268 faz tsưr ziv kỹ thuật yiêz chiê huôv tsar uô kôngz lôngk, huv đros.

Ndax trâu ntu no, Tổng liên đoanx laox tôngv VN cux muôz côngz mênhx trâu 11 lênhx uô tâu cxuô luôs hâux lưv jông thiêz uỷ ban tỉnh Laox cai cux muôz ntơưr kruôk trau 65 lênhx công đoanx./.

                                                    (Tsu Vưx cxêik nhênhv-TTT)