Sở lox tôngv xaz pênhz thiêz xar hội tỉnh Lai Châu puz pâuz, ntu đhâu Côngz xưv thox cxov hâux lưv uô trâu lox tongv jêx jok tâu tỉnh Lai Châu tsov cưv txos tiv zix chiê paz trâu tsôngv box muôx hâux lưv uô thiêz phênhv sâu truôx. Txix hâur shông txos nhiv no, iz huôv tỉnh tưz thox cxov muôx 5.000 ntâu lênhx nênhs, tax 90% tsưr ziv. Hâur co, muôx 2.000 ntâu lênhx nênhs tưz cơưv tiêr thiêz 80% tưz muôx hâux lưv uô yiêz. Chêx cur no tưz hôngr phênhv gra siêz chor nênhs đhâu thox cxov hâux lưv uô tas nro tỉnh tsav muôx 30%. Chor nghêx tâu tsêx tsung kriê zos kho yêz mêir, xơưk trik yo, uô xênhz yar kôngz nuv./.

                                                               (TTT-Lik Thox cxêik nhênhv)

      Tas cik hnuz 16/11, UBND tỉnh Laox Cai tsưr tsix kruôs txos 400 ntâu lênhx  cưk kriê ntơưr uô tâu hâux lưv jông hlôngr njêx muôs trâu 18 cxênhz ntâu lênhx canr bôv, cưk kriê ntơưr hâur zuôr xar 700 tsêr cơưv hâur tas nro tỉnh. Têx lênhx cưk kriê ntơưr uô tâu nuv jông tâu kruôs txos no zos têx lênhx muôx ntâu txux chi tsưr ziv thiêz đas jos paz trâu tỉnh cêr zoz zux hâur six hơưv đhâu.

Đhâu 25 shông tror tsa tỉnh, Lào Cai luôs hâux lưv zoz zux kriê txux chi tưz muôx ntâu hlôngr yiêz. Txix iz tỉnh muôx 50% jênh sôr tsi pâuz ntơưr; 14 xã tsi muôx tsêr lớp cơưv ntơưr; 65% lênhx nhuôs zâu txos hnuz nhôngs muk cơưv ntơưr tsi tâu muk đros cơưv txux, nhiv no Lào Cai tưz yênhx qơư chi cax uô tâu jông luôs hâux lưv no hâur tas nro thax tsav trung du, tox siêz faz Bắc thiêz zoz zux thax tsav tox siêz hâur thôngz têz qơưs. Muôx tâu têx li heik no zos khov trâu chor cưk  kriê ntơưr têx tsưr ziv, đas jos sir jos moz siêz uô nuv kriê txux chi.

       Hâur ntênhs kruôs txos têx lênhx uô tâu hâux lưv jông hâur kriê ntơưr, muôx 2 tập thể tâu Chủ tịch têz qơưs muôz côngz mênhx uô tâu hâux lưv jông ; 6 tập thể thiêz 5 lênhx cưk kriê ntơưr tâu Thủ tướng Chính phủ muôz ntơưr kruôs; yênhx puô tập thể thiêz cưk kriê ntơưr uô tâu nuv jông tâu UBND tỉnh Lào Cai muôz ntơưr kruôs./.

                                                             (An Kiên-Riê Lâux cxêik nhênhv)

      Têik cik hnuz 16/11, UBND tỉnh Điện Biên kriz uô jiês cơưv hli 11/2016, zuôr ziv chênhv uô tiêr têx tsưr ziv zov chênhr: Qênhx shênhx kriz uô jênhv vưv huôv tsar kinh tế-xar hôiv, taz por côx phax-ngaz tuk shông 2016 thiêz tsưr ziv, jênhv vưv huôv tsar shông 2017; tsưr ziv yưv pênhr côngz shông 2017; qênhx shênhx uô muôl muôs, zôngv nhiêx txiêx têz qơưk tiv phaz shông 2016, njuôk xav thiêz phêiz kênh njuôk xav shông 2017; njuôk xav nhiêx txiêx tiv phaz shông 2015…Zơưv Sơn Xênhv Muôk, phưv bí thư tỉnh ủy, Chủ tịch UBND tỉnh sêiz shuôk jiês cơưv./.

                                                             (KT-Lik Thox cxêik nhênhv)

      Hnuz 16/11, Sở zoz zux thiêz thox cxov tỉnh Yên Bái tsưr tsix njiz njêx muôs têx canr bôv seiz car, cưk kriê ntơưr uô tâu jông luôs hâux lưv kriê ntơưr thax tsav txov nhêv ndax six hơưv chiv nhênhv 34 shông hnuz Cưk kriê ntơưr VN ( 20/11/1982-20/11/2016) ….. Dự ntênhs njiz njêx muôs no muôx đôngx chir Dương Văn Tiến-Phưv Chủ tịch UBND tỉnh, hâu nov têx ban, ngênhx đros trâu 52 lênhx canr bôv uô hâux lưv seiz car thiêz têx cưk kriê ntơưr uô tâu nuv jông têx tsêr xơưv thax tsav txov nhêv hâur tỉnh.

     Đros trâu hur si têz qơưs, tỉnh Yên Bái cêr kriê txux chi tưz hla đhâu ntâu ntu huôv tsar thiêz uô tâu ntâu luôs hâux lưv jông paz trâu tỉnh cêr huôv tsar kinh tế-XH. Tsơưr lươngv, tsưr ziv kriê txux chi tsi so tâu gra siêz, hâux lưv phổ cập zoz zux trâu têx nhuôs zâu 5 shông, cxênhx iz thiêz cxênhx 2 tâu tuôr truôx, uô jông…./.

                                                              (KT-Riê Lâux cxêik nhênhv) 

     Hmo 16/11, ntơưv Cung vênhx huôv tỉnh Hòa Bình tưz muôx ntênhk hôiv ntâuk đruôk Mường jiês tiv 2, shông 2016. Cxaz chuôz ntâuk đruôk Mường jiês o muôx 300 lênhx nênhs tuôx txix 11 huyện, thành phố hâur tỉnh. Hâur kriz uô tsaz yênhx ntênhk hội, đrauv sik tưr ntâuk đruôk Mường, hnar trik yo mênhx cxưx, tsênhv muôx diễu hành tâus cêr đruôk Mường đros muôx 1.600 lênhx nênhs nhoz tỉnh Hòa Bình cxaz chuôz. Đruôk Mường zos iz zav sênhr suôz, đros đrêiv tsôngv box Mường luz nênhx txix ntêr lok. Ntâuk đruôk zos iz kror phôngx cxưx chiê txuôk txix nênhs tsênhv nhoz đros nênhs tưz tas siv nênhx./.

                                                                 (KT-Lik Thox cxêik nhênhv)