Têik cik hnuz 19/3, Ban Trị sự Giáo hội Phật giáo tỉnh Điện Biên tsưr tsix Đại hội têiv plor Phật giáo tỉnh jiês tiv 2, six cxiv 2017-2022.

   Hâur six cxiv II txix shông 2017 txos shông 2022, Ban Trị sự giáo hội phật giáo Viêt Nam tỉnh Điện Biên tror xav jênhv tuôr truôx tsưr tsix, uô tiêr qơư uô hâux lưv; kruôz kriê phật tử hâur tỉnh xênhz huôx Phật giáo jông, huv li Phật giáo kriê thiêz Giáo hội Phật giáo Việt Nam li huôx tôngv; sik côngv đros cơ quan sêiz car vênhx huôv chiê hêik pâuz têx vênhx huôv jông, chiê zaz zâuv tsôngv kruô; sir jos uô chor hâux lưv siêz jông li njuôk kho moz, muôz yuôx tsik zuôr nhiêx txiêx trâu shux xênhz mênhx cxưx ntơưv têx tsêr cơưv niêv txir zus mor, chor ziv chuôz zis nhoz đêz, txx siêz, sik côngv têk uô yiêz têx tsêr cơưv ntơưr đaz tuôs, cxuôv tsêr đaz tuôs lav nhoz trâu chor pox nhuôs mênhx cxưx nhoz thax tsav txov nhêv. Đại hội tưz thôngx ziv tso 27 lênhx thành viên Tăng ni, Phật tử cxaz chuôz Ban Trị sự Giáo hội Phật giáo tỉnh Điện Biên six cxiv II (2017-2022)./.

                                          (Vũ Lợi-Lik Thox cxêik nhênhv)

   Hmo 18 tas cik hnuz 19/3, sâuv thax tsav huyện Văn Bàn tỉnh Lào Cai muôx jiês khâur jênhs chuô, uô ruôr hiêv tsôngv box li tsêr nhoz thiêz kôngz lôngk. Tsênhz mênhx, ntơưv xã Dương Quỳ muôx 45 luz tsêr trâus zơưk trur, 30 hecta blêx, kôngz lôngk trâus liêv. Yuôr xã Hòa Mạc muôx 16 luz tsêr trâus zơưk trur thiêz yênhx châuv hecta blêx, jâuz tâuv cxuô zav trâus ruôr hiêv. Hâur jiês chuô lox nhiv kruôr đhâu tsênhv pov lol lơưs thiêz lol nas lox. Ciês thâuv muôx ntux nas, chinhr quyênx têx tiv phaz tưz ciêr chênhr mul paz max tsôngv box khưx phưx têx trâus ruôr hiêv, ngaz tul luz nênhx thiêz uô xênhz yar./.

                                  (An Kiên- Txâur Vax cxeik nhênhv)

    Zar zuôr tsâuk ntux hnuz 19/3, ntơưv xã Nghĩa Tâm, huyện Văn Chấn, tỉnh Yên Bái muôx ntux nas đros lơưr sâuv thax tsav đar, uô phiv liv txos ntâu ziv chuôz zis. Zơưv Nguyễn Cao Cường, chủ tịch UBND xã Nghĩa Tâm, huyện Văn Chấn puz pâuz: Muôx 140 ntâu luz tsêr trâus lơưr uô hiêv txos trur. Tsik muôx chuô lox viv li jâuz tâuv tsoz chos cxuô zav tsik trâus hiêv ntâu. Nhiv no, chính quyền xã Nghĩa Tâm thiêz huyện Văn Chấn tsênhv sir jos ntâuk gri, paz pex xênhv kho đuô tsêr cov truôx tuk luz nênhx. Chor qơư muôs vuôk vor tsêr sâuv thax tsav tưz bax paz cxuô zav trâu pêx xênhv, chor chuôz zis tsik muôx nhiêx mak muôz trâu txêik uô ntêx. Têx ziv chuôz zis trâus hiêv muôx 30% tror sâur mak xã zuôr njuôk xav chiê hêik thor tâu paz”./.

                                     (Tuấn Xuân-Lik Thox cxêik nhênhv)

    Thâuv 9 six tas cik hnuz 19/3, ntơưv thax tsav jos Phông Xây, huyện Sầm Nưa tỉnh Hủa Phăn têz qơưk Lào, lưx lươngv phax tar zax zênhz thiêz nênhs phamv cxâuv Bộ đội pênhz phax tỉnh Sơn La đros Công an tỉnh Hủa Phăn Lào ruôr yênhx côngz chuyên án 187 Lv ntês tâu 2 lênhx nênhs zos Hạn Xênhv Và, 33 shông thiêz Giang Xênhv Zax 32 shông nhoz jos Xi Vi Lây CỤm, jos Kang huyện Sầm Nưa Lào. Chuôz zênhx sâu tâu muôx 24 cxênhz khur zax zênhz, 3 luz yêz meir, 3 luz điện thoại di động. Nhiv no Bộ chỉ huiz bộ đội pênhz phax Sơn La tưz choz têx lênhx nênhs phamv cxâuv thiêz chuôz zênhx sâu tâu trâu công an tỉnh Hủa Phăn Lào chiê yưr lir. Thôngx cxix đros têx lưx lươngv muôx txơưx jênhv têz qơưk lào tror krêz đar qênhz yuôx chuyên án../

                                       (Tuyết Lan- Txâur Vax cxeik nhênhv)