Hnuz 18/11, zơưv Lê Văn Quý, tỉnh ủy viên, phưv chủ tịch UBND tỉnh Điện Biên chox thơưx đoax côngz xưv UBND tỉnh kriz uô qênhz yuôx chor tsênhv chêi paz uô xênhz yar lơưr Nghị quyết 30a, tsaz yênhx 135/CP thiêz tsênhv chêi paz lơưr cuêz tênhv số 755/QĐ-TTG ntơưv huyện Tủa Chùa.

Hêik ntơưv jiês uô hâux lưv đros huyện Ủy, HĐND, UBND thiêz chor phongx uô hâux lưv huyện Tủa Chùa trâu zar hnuz kêix 18/11, zơưv Lê Văn Quý, phưv chủ tịch UBND tỉnh hêik huyện Tủa Chùa tsuv qênhz yuôx, ntâuk gri muôx chêx cur chor tsaz yênhx dự án tâu yưv pênhr chiê paz pêx xêhv cxuôv yêiz thiv pluôs, chiê hêik pâuz trâu UBND tỉnh, chính phủ tso tơưv tsênhv chêi paz nênhs pluôs muôx chêx cur, paz trâu pêx xênhv hla đhâu cêr pluôs./.

                                                                                      (KT-Lik Thox cxêik nhênhv)

           Shông 2016, UB MTTQ huyện Sa Pa, tỉnh Lào Cai tưz huiz tôngv têx pênhr jos paz txưv 23 ziv chuôz zis pluôs kho đuô thiêz uô tsêr yiêz đros tas nro pênhr nhiêx txos 490 tsov đeiv. Tsaz yênhx paz txưv kho đuô tsêr nhoz trâu 10 ziv chuôz zis tsôngv box ( 10 tsov đeiv/ iz chuôz zis); paz txưv uô tsêr yiêz trâu 13 ziv chuôz zis tsôngv box ( 30 tsov đeiv iz chuôz zis). Đros thiêz hâux lưv paz txưv, UB MTTQ huyện Sa Pa thiêz têx xã tưz huiz tôngv chuôz zênhx ntơưv qơư thiêz yênhx puôk hnuz côngz lox tôngv, paz têx ziv chuôz zis pluôs kho đuô, uô tsêr yiêz. 23 ziv chuôz zis tâu jênhv paz txưv shông no puôr lênhx muôx luz nênhx txov nhêv, nhoz têx xã : Trung Chải, Tả Van, Tả Giàng Phìn, San Sả Hồ, Suối Thầu, Bản Phùng, Nậm Cang, Nậm Sài, Sử Pán thiê Thanh Phú. Hâux lưv paz txưv têx chuôz zis kho đuô, uô tsêr yiêz muôx ziz njiêz lok six lox, paz lơưr muôx cxaz theox chênhv sir jos đuô hâur luz nênhx./.

                                                                (KT-Txâur Vax cxeik nhênhv)

        Hnuz 19/11, tỉnh Sơn La tsưr tsix choz zok, muôz lok sir zôngv côngz trinhx đêx xuz thơưx ciês sir zôngv gruk đêx hâur ar. Côngz trinhx nhoz ntơưv jok Sói, xã Bó Mười, huyện Thuận Châu, đros phênhv pênhr yưv muôx 800 triệu đêiv ntâu, kriz uô txix hli 2/2016 shông no. No zos côngz trinhx uô siv, sir zôngv sâu đêx txix tễ ar nông, paz muôx đêx xênhz huôx huv vêv xênhz trâu thax tsav muôx tsik txâuk đêx nhoz chor xax txov nhêv tiv zix sâuv thax tsav. Đhâu thâuv choz zok muôz lok sir zôngv, congz trinhx zuôr cungz nzir trâu zuôr xar 60 chuôz zis pêx xênhv sâuv thax tsav, muôx 55 lir iz lênhx nênhs iz hnuz hmo. Zơưv Quảng Văn Chiến, jok Sói, xã Bó Mười, huyện Thuận Châu puz pâuz:

 “Thâuv ntêx tsik tâu muôx đêx no mak zôngv đêx hâur pak đêx khơưz xưz, tsik txâuk trâu chuôz zis sir zôngv, nhiv no mak tso siêz lơưv, txâuk trâu jêx jok zôngv. Muôx đêx no mak chuôz zis shir phaz lơưv, tsik xar li chak lơưv”./.

                                                                  (Hoàng Long-Lik Thox cxêik nhênhv)

      Zar hnuz keix hnuz 20/11, Công an huyện Than Uyên, tỉnh Lai Châu nhiv kruôr puz pâuz, taz viv nhiv kruôr ntês tâu 2 lênhx nênhs thâux gra 2000 khur zax zênhz mul muôs. Lơưr co, thâuv 8 six tas cik hnuz 18/11, tuêv cảnh sát qênhz yuôx nênhs phamv cxâuv lok zax zênhz, công an huyện Than Uyên tưz cxuôv yênhx côngz chuyên án 816S ntês tâu 2 lênhx nênhs muôv muôs zax zênhz. Têx lênhx nênhs co zos Lênh Xênhv Zax xênhz shông 1970, Tsưr Xênhv Thox xênhz shông 1973. Oz lênhx nênhs no zos niêv txir, nhoz jos Xi Lô, xã Chiềng Khoong, huyện Sông Mã, tỉnh Sơn La. Nhiv no hâux lưv no tsênhv tâu chiz coaz công an huyện Than Uyên tror krêz đar qênhz yuôx./.

                                                               (TTT-Txâur Vax cxeik nhênhv)

    Nhiv kruôr đhâu, ntơưv jok 2, xã Yên Hợp, huyện Văn Yên (Yên Bái) muôx yưv txuz trâus tsơưr tưx zav nox uô 79 lênhx nênhs tsuv tuôx tsêr kho moz, hâur co muôx 30 ntâu lênhx nhuôs zâu.

Uô ntêx co, tas nro chor nênhs co sik đros nox yôngz ntơưv zơưv Nguyễn Kim Thu, nênhs nhoz đros jok li chuôz zis. Đhâu thâuv nox txix 2-3 six hơưv, chôngz lênhx nênhs trâus moz tâuz hâu, moz plaz, xênhr siêz… thiêz tâu nênhs hâur tsêr chox muk chơưv paz ntơưv tsênhv qơư y tế huyện Văn Yên thiêz trạm y tế xã Yên Hợp.

Ciês đhâu thâuv muôx xor mông lok trâus tưx, UBND huyện Văn Yên, tỉnh Yên Bái tưz yênhx lix 2 tổ côngz xưv muk trâu tsênhv qơư y tế huyện thiêz xã Yên Hợp chiê chox kriê côngz xưv chơưv paz, njuôk shuôk nriêr pauz qir tiv trâus tưx. Đhâu thâuv tâu chơưv paz, tas nro 79 lênhx nênhs li đas jos tưz muôx jux juk./.

                                                            (Thừa Xuân-Lik Thox cxêik nhênhv)