Hâur têx hnuz txix hnuz 17-19/3, ntux lok lơưl đros nas thiêz chuô lox ntơưv iz cxiê thax tsav hâur tỉnh Lào Cai, uô ruôr hiêv tas xar muôx 8 tỷ đeiv. Têx trâus uô ruôr hiêv phênhv ntâu ntơưv thax tsav 3 huyện Văn Bàn, Mường Khương thiêz Bảo Yên tưz uô 180 ntâu luz tsêr trâus puôk tsuôx, hâur ntơư 6 luz tsêr trâus vâu, tsi jông tas; 150 ha blêx, jâuz tâuv trâus ruôr hiêv; iz cxiê côngz trênhx tsêr cơưv ntơưr, tsêr vênhx huôv trâus puôk tsuôx, tsi jông...... Đhâu hlo thâuv muôx têx trâus ntux uô hiêv li heik sâuv, hâu nov ntơưv qơư tưz zênhx max hu zâuv tsôngv cưr tix nênhx tsa  sơưr đơưk ntơưv qơư sik đros paz tsôngv box khưx phưx têx trâus uô ruôr hiêv chiê truôx tuk luz nênhx, uô nox uô hâuk./.

(An Kiên-Riê Lâux cxeik, nhênhv)

    Têx txuz thiêz chor nênhs trâus tuôs tiv uô yêz siz yar siz tsông tâus cêr hâur thax tsav tỉnh Điện Biên hâur 3 luz hlik hâur shôngk shông no txix hli iz txos hli 3tưz txo grêk tsơưs ntâu. Tsênhv tsênhz, têx txuz uô yêz siz yar siz tsông txo grêk 34%; chor nênhs trâus tuôs txo grêk 20% ntâu pir li shông uô ntêx. Uô tâu luôs hâux lưv no zos khov cxuô cấp, cxuô ngênhx thiêz têx thax tsav hâur tỉnh Điện Biên uô jông hâux lưv yax mông, fuô kriê têx chei têz qơưk lok ngaz tuk zoz thôngz trâu tsôngv box cxuô heir nênhs; sir jos fuô kriê, uô luôs hâux lưv qênhz shuôs qênhz yuôx thiêz xưv bluô têx lênhx nênhs uô cxâuv chei ngaz tuk zoz thôngz.

     Hâur six hơưv zuôr txos, tỉnh Điện Biên zuôr xav tinhv tror gra siêz tsơưr lươngv hâux lưv seiz car, por hưv têx cêr mul lok...; cxơưz tiês uô jông hâux lưv yax kriê, qênhz yuôx, qênhz shuôs thiêz xưv bluô têx lênhx nênhs uô cxâuv./.

                         (Vũ Lợi-Riê Lâux cxeik, nhênhv)

    Đhâu ciês thâuv jênhv tâu pêx xênhv li hêik pâuz lok qênhx shênhx muôz njiê hlâu tso sâuv cêr uô phiv liv trâu chor yêz cxaz chuôz zoz thôngz sâuv txox cêr 37 nhoz thax tsav huyện Mai Sơn, tỉnh Sơn La, Ban ngaz tuk zoz thôngz tỉnh Sơn La tưz muôx ntơưr xa trâu Ban ngaz tuk zoz thôngz huyện Mai Sơn xav jênhv, uô tsênhz mênhx thiêz xưv lik truôx qênhx shênhx no. Thôngx cxix hêik huyện sir jos uô côngz xưv yax kriê, zoz zux thiêz xưv lik truôx chor nênhs uô cxâuv lơưr cêr chêi (zos muôx) chiê tir thêir ndar six hơưv.

    Đros zoz qơưx no, Ban ngaz tuk zoz thôngz huyện Mai Sơn tưz hêik Công an huyện, chor taz viv cik txos sêi đrơưv qênhz yuôx, xav jênhv thiêz uô tsênhv mênhx qênhx shênhx muôz njiê hlâu tso sâuv cêr 37, thax tsav huyện Mai Sơn./.

(Tuyết Lan-Lik Thox cxêik nhênhv)

     Xar muôx 4 six 15 phênhz zar zuôr tsâuk ntux hnuz 20/3, iz txuz hluôr tơưl cuz tưz muôx yưv ntơưv tsêr kruô so Thể Thao Yên Bái, cêr Trần Hưng Đạo, thành phố Yên Bái. Đhâu ciês thâuv jênhv tâu xor mông, lưx lươngv cảnh sát phax cuz, tuô cuz-chơưv paz (Công an tỉnh Yên Bái) tưz tso 2 luz yêz tuô hluôr tơưl đros 20 lênhx chiến sỹ tuôx muk tuô hluôr tơưl. Đhâu xar muôx 10 phênhv hluôr tơưl tưz tâu tuô tuôs. Hluôr tơưl  cuz tsik uô hiêv txos lênhx nênhs taz sik tưz cuz tas iz cxiê zav hâur tsêr. Nhiv no cơ quan Công an tsênhv qênhz yuôx uô tsênhz mênhx qir tiv muôx yưv cuz thiêz thôngz sâu tsênhz têx trâus hiêv./.