Hnuz 21/3, tỉnh Sơn La li Đoanx Quốc hội tưz muôx jiês uô hâux lưv đros uỷ ban tỉnh Sơn la, hêik lok luôs hâux lưv sêiz kaz, uô trơưk tsênhv chêi, chêi têz qơưs, hlôngr yiêz uô cxuô luôs hâux lưv têz qơưs….ntu 2011-2016.

Ntơưv jiês uô hâux lưv no, cxuô lênhx đại biểu cux tâu mnôngs hêik lok têx luôs hâux lưv uô tâu tiêr thiêz tsik tâu trơưk li tsênhv chêi, chêi têz qơưs, hlôngr yiêz uô têx ntâuz ntơưr hâur thax tsav tỉnh Sơn la hâur ntu 2011-2016. Taz sik, hâur ntu uô tỉnh Sơn La cux tsênhv uô tsik tâu tiêr iz cxiê luôs hâux lưv tso tơưv./.

                                                     (Tsu cxêik nhênhv-Hoàng Long)

     Tas cik hnuz 21/3, huyện Điện Biên, tỉnh Điện Biên tưz tsưr tsix  hội tsêr mnov Hoàng Công Chất, tsưr tsix ntênhs hội nthuôr uô têx txux chi cêr nênhx vênhx huôv jêx jok shông 2017 thiêz hnuz hội vênhx huôv, thêv thao, ju lix cxuô heir nênhs huyện Điện Biên jiês tiv 6.

      Ntênhs hội nthuôr uô têx txux chi cêr nênhx vênhx huôv jêx jok ntơư zos ntênhs hội chax chês thâuk nzor tâu tsưr tsix uô tsi so lok hnuz 24 thiêz 25 hli 2 zênhz lix hâur niêx shông chiê ndo txos lênhx zênhz shôngx Hoàng Công Chất têx txiêx njis, côngz  lox đros chor tuz lênhv sơưr đơưk tir ntâuk trok châuz, por hưv zuk qơư nhoz. Thôngz đhâu ntênhs hội chiê paz piêr kriê cêr uô nênhx nhiêv têz nhiêv qơư, ndo txiêx njis txos têx lênhx zênhz shôngx, tuz lênhv tưz tâu tas siv nênhx viv têz  qơưk, viv tsôngv pêx xênhv, kriê trâu chor tuz nhuôs, cxênhx hluôk tov  kaz pâuz sir jos lok sâuv cêr cơưv txux chi, uô nênhx jông, siz chos huôv tsar uô nox chiê cxuz cêr yeiz pluôs, cxiv tsa têz qơưk ziv hnuz ziv truôx jông. Zơưv Trần Công Kha, Phưv Bí thư Đảng ủy, Chủ tịch Ủy ban xã Noong Hẹt, heik: "Têx shông jê lok no, pêz tưz tsi so tâu cxuô cấp moz siêz paz max txos lok sâuv cxiv kho, uô đuô têx qơư di tích. Thiêz cux txix têx li heik ntơư hâur niêx shông, txos nhiv no, phênhv ntâu tưz uô tâu jông trơưk li tsôngv kruô sơưr đơưk tsưr ziv xar,siêz nhiêv"./.

                                  (Vũ Lợi-Riê Lâux cxeik, nhênhv)

     Đhâu oz hnuz zuôr tsôngv px nhoz xã Bản Lầu, huyện Mường Khương, tỉnh Laox cai têx txir pôngr lux; taz sik doanh nghiệp ho tror tsik zuôr, shor zos tiv li chas? Công ty Kim Sơn, tsuôk zuôr tsôngv px têx txir pôngr lux txix hnuz 19/3 txos hnuz 221/3, zuôr tâu xar 40 tấn txir pôngr lux thiêz trơưk li njuôk xav, nhiv no tsôngv px têx txir pôngr lux tsênhvf yuôr xar 300 tấn, taz sik hâur têx hnuz ntux yar cuz sor no, têx txir pôngr lux ntơư cux zôngx ziv trâus lưx, puôk tsuôx./.

                                                           (Tsu cxêik nhênhv-TTTB

     Tsôngv box....! Xưk tưz xa mông, thâuv 6 six tas cik hnuz 21/3, sâuv txox cêr lox 4D, ntơưv đrơưv trôngz Hoàng Liên Sơn, hâur thax tsav jok Chu va 12, xã Sơn Bình, huyện Tam Đường, tỉnh Lai Châu tưz muôx iz txuz uô yêz siz yar siz tsông tâus cêr; luz yêz lox ntơư muôx biển số 15C-00828 thiêz luz yêz  lox muôx biển số 99C-11006. Txuz uô 2 luz yêz lox siz yar siz tsông no tưz uô 2 lênhx tsar yêz trâus pôngz trâu hâur cưx ha toz muôx 30 thiêr thiêz uô 4 lênhx nênhs trâus saz.

Trơưk li Phongx Cảnh sát zoz thôngz, công an tỉnh Lai Châu heik pâuz, txuz yêz siz yar heik sâuv muôx yưv thâuv 2 luz yêz tsênhv taz tov muk siz lơưs liês trơưk iz saz cêr txix Sa  Pa, Lào Cai lok trâu Tam Đường, lai Châu. Qir tiv xuz thơưx zos luz yêz lox muôx biển số 15C-00828 muk tsông luz yêz lox muôx biển số 99C-11006, uô  2 lênhx tsar yêz pôngz trâu hâur cưx ha toz. Qir tiv uô yêz siz yar siz tsông thiêz têx lênhx nênhs trâus saz hâur txuz yêz siz tsông ntơư cux tsênhv tâu cơ quan muôx vax huôv ntơưv qơư qênhz yuôx cov tsênhz mênhx./.  

                            (Khắc Kiên-Riê Lâux cxeik, nhênhv)