Đhâu ntâu txuz trâus kâus tưx chơưr, muôx yưv trâu ntaua tỉnh, thành phố, uô trâu tsôngv px nhoz tỉnh Yên Bái tâu cxơưx.  Muôx yưv têx kror tsik jông li hêik ntơư, tỉnh Yên Bái tưz fuô uô ntâu luôs hâux lưv, qênhz yuôx têx chơưr zuôr muôs tsik pâuz tsênhz qơư uô. Xav mak nhiv no, têx chơưr muôs tsik pâuz tsênhz qơư uô tsênhv muôs ntâu trâu cxuô thax tsav tỉnh Yên Bái; lar hêik zos tsôngv px nhoz thax tsav tox siêz cux tsênhv nhiêv hâuk đuô zav chơưr zuk tưx uô, muôs grê nhiêx fênhx zis. Zos tsiik uô jông qênhz yuôx cov tsênhz mênhx, qênhz shênhx kâus tưx chơưr cux zênhx pâuz tsik taua uô ntêx. Zơưv Nguyễn Hùng Tuấn, Chi cục phó chi cục sêiz car ciêz đrôngl tỉnh Yên Bái hêik pâuz “Chiê sêiz car cov tâu truôx chor nênhs zuôr muôs chơưr, pêz cux hêik trâu uỷ ban tỉnh, tsuv cxiv tsa iz đoanx qênhz yuôx liên ngênhx, zos pêz chi cục sêiz car têx qơư uô chơưr, muôs chơưr hâur thax tsav tỉnh”./.

                                                     (Tsu cxêik nhênhv-Đinh Tuấn)

     Xav cxôngx hnuz xiêz 1/3 txos nhiv no, Công an tỉnh Điện Biên thiêz têx nganhx muôx txơưx jênhv tưz cxov tâu 56 lênhx nênhs phamv cxâuv, hâur co tik cêr cxâuv 15 txuz đros 16 lênhx nênhs cxaz chuôz ruôr hiêv 18 hecta ntâu jôngr sâuv thax tsav. Hâur hnuz 11/3, chiz coaz qênhz yuôx tưz uô hồ sơ ntâuz ntơưr, krêz tik cêr cxâuv 4 txuz đros 4 lênhx nênhs phamv cxâuv ntor luôx jôngr muôx: Hù Xênhv Hơưx, xênhz shông 1986; Di Xênhv Vax xênhz shông 1965; Cá Xênhv Muôk xênhz shông 1967 puôr lênhx nhoz jos Vang Hồ, xã Nậm Vì thiêz Thân Xênhv Lùng xênhz shông 1983 nhoz jos Quảng Lâm, xã Quảng Lâm. Têx lênhx nênhs no tưz ntor luôx 36 cxênhz 300 yiv ndis jôngr phax phưv sâuv thax tsav 2 xã Nậm Vì thiêz Quảng Lâm  chiê uô têz. Tiv zix, hnuz 12/3, chiz coaz qênhz yuôx tưz krêz tik cêr cxâuv Dế Xênhv Phàng xênhz shông 1987, nhoz jos Suối Voi, xã Leng Su Sìn viv ntor luôx 14 cxênhz 500 yiv ndis jôngr phax phưv. No zos têx mênhv chêx jôngr nhoz hâur huyện Mường Nhé li thax tsav por hưv coaz tsôngv./.

                                  (Vũ Lợi- Txâur Vax cxeik nhênhv)

     Thâuv 9 six ntâu hunz 21/3, ntơưv jos Huổi Mơưi, xã Mường Cai, huyện Sông Mã, tỉnh Sơn La, tuz lênhv zênhx biên phôngx Mường Cai đros tuz lênhv biên phôngx tỉnh thiêz tuz lênhv sêiz car trôngx đriv  Chiềng Khương, tưz cxov tâu iz lênhx zuôr muôs zax zênhz; ntơư zos Hồ x Thox, xênhz shông 1991, nhoz jos Huổi Pá, xã Mường Lạn, huyện sốp Cộp, tỉnh Sơn La.

     Ntơư zos yơưz tâu 1,4 cir zax zênhz, 400 cxênhz đêiv nhiêx đros trâu iz luz yêz máy, iz luz máy hu xor tôngx. Nhiv no tuz lênhv Biên phôngx tỉnh tsênhv taz tov uô ntơưr cov cxix cxuô chiê choz zok lênhx nênhs zuôr muôs zax zênhz hêik sâu trâu cơ quan muôx vax huôv hâur têz qơưs./.

                                                       (Tsu cxêik nhênhv-Tuyết Lan)

      Thâuv 8 six 30 phênhz tsâus ntux hnuz 21/3, ntơưv tuêv 3, phường Cốc Lếu, TP Lào Cai, tỉnh Lào Cai, Tuêv cảnh sát qênhz yuôx nênhs phamv cxâuv đros Tuêv seiz car Hải quan tưz pov, ntês 1 lênhx pox niêv tsênhv thâux 1 thôngx zax zênhz. Đhâu xav tênhv, lênhx nênhs co zos Nguyễn Thị Hồ Phương xênhz shông 1971, nhoz xã Sơn Hải, huyện Bảo Thắng, tỉnh Lào Cai. Nhiv no, Phương đros chor zax zênhz tâu sâu tsês tsênhv tror nhoz ntơưv chiz coaz Công an chiê tror qênhz yuôx uô tsênhz mênhx ./.

(An Kiên- Txâur Vax cxeik nhênhv)