Mnôngs cơưv suôx câuv jiês cơưv tiv 2, Quốc hội khoá 14, cử tri Hồ Trung Kiên nhoz đrôngl Laox Cai hêik pâuz:

          “Cur xar tiêk, cơưv Quốc hội jiês no, zos jiês cơưv pov muôx ntâu kror jông đros trâu huôv tsar cêr thôngx siêz, viv px luz nênhx. Têz qơưs têx tsênhv chêi tưz thongz đhâu thiêz hêik kriê txos cxuô lênhx cử tri sđ pâuz; đros ntơư cux tâu cxuô lênhx đại biểu sik thav tsênhz mênhx. Cur xav tiêk, đhâu jiês cơưv no, zuôr muôx ntâu kror hlôngr yiêz thiêz uô huv đros px sđ”./.

                                                                                                  (Tsu cxêik nhênhv-An Kiên)

            Thâuv txox cêr mul chênhr Nội Bài- Lào Cai tâu uô tiêr, Yên Bái tưz muôx ntâu kror jông zaz zâuv lênhx nên hss yưv pênhr hâur thiêz đrâuv luôk oz chas têz qơưk lol thax tsav. Hâur 10 luz hlik ntâu đhâu, tỉnh Yên Bái tưz hu grus ntâu tập đoàn, công ty lox yưv pênhr 43 dự án lol 3 qơư công nghiệp nhoz cxix luôk têx qơư công nghiệp têz qơưk thiêz 12 qơư công nghiệp tỉnh, đros pênhr đăng cir zos 14 cxênhz tỷ đeiv. Chiê zaz zâuv têx lênhx nênhs yưv pênhr trâu thax tsav, tỉnh Yên bái tưz muôx ntâu tsênhv qơư tsov cưv chiê paz txưv, muôz theox chênhv jông tiv zix trâu têx tsưr tsix, doanh nghiệp yưv pênhr lol thax tsav./.

               (Thừa Xuân-Txâur Vax cxeik nhênhv)

          Tror nzir iz shông thiêz, tỉnh Điện Biên chos tsik tâu ntông uô jôngr trơưk li hâux lưv zok muôz.

Tsênhz mênhx, shông no tỉnh Điện Biên sir jos chos cov tâu yiêz 393 ha ntông uô jôngr. Taz sik, txos chêix chos ntông uô jôngr suôx câuv , hur si tỉnh nhiv kruôr chos  tâu 66 ha, xav mak tax tâu 15% ntâu. Pos Nguyễn Thị Thu Hiền, phó chi cục lâm nghiệp tỉnh Điện Biên hêik pâuz:

           “Ar têz tsêz chos kôngz lôngk cux muôx lơưv; tz sik têx ar chiê chos ntông uô jôngr mak nhiv no px cux muôz luôx uô têz chiê tsêz chos kôngz lôngk tas iz cxiê. Thâuv yax kriê px, tsuv tror muôz têx ar têz ntơư chiê chos ntong uô jông; taz sik px ho tsik muôz, tsik uô trơưk hâux lưv tso tơưv”./.

                                                                                                            (Tsu cxêik nhênhv-Thu Thuỳ)

     Cxôngx hâur shôngk shông txos nhiv no, lưx lươngv coar lik niêv ciêz tỉnh Sơn La tưz qênhz yuôx zuôr xar 3.500 txuz, yưr lir 2000 txuz uô cxâuv, xưv bluô 7,7 tỷ đeiv. Hâur co, vênhv thix muôv muôs yuôx tưz trâus xưv bluô hành chinhr thiêz sâu tsês ntơưr côngz jênhv muôv muôs đros 7 qơư muôs yuôx sâuv thax tsav huyện Thuận Châu thiêz Mai Sơn. Hâur six hơưv kaz shôngk shông huôx tôngv nhiês muôv muôs hax huv chuôr, muôx tsi txâuk tsơưr lươngv zuôr ziv chuôz ndê, tỉnh SƠn La chox kriê têx lưx lươngv muôx txơưx jênhv krêz uô têx tsưr ziv phax tar nhiês muôv muôs hax huv; chuôz tsar qênhz yuôx, seiz car têx qơư tsiv uô kinh doanh, yưr lir têx uô cxâuv. Zơưv Nguyễn Hải Hà, phưv chi cục tsar chi cục coar lik niêv ciêz tỉnh Sơn La puz pâuz:

      “ Chi cục coar lik chuôz tsar qênhz yuôx, seiz car ciês hâur têx hnuz thưr 7, hnuz ciêz. Zos pov uô cxâuv mak yưr lir txos qơư lơưr pháp luật li cui tênhv. Đrâuv co, tsênhv uô côngz xưv yax mông chiê tsôngv box thiêz nênhs kinh doanh pâuz thôngz têz qơưk li cui tênhv chiê tsi muôv muôs hax huv chuôr, hax huv tsi txâuk tsơưr lươngv”./.

                          (TTT- Txâur Vax cxeik nhênhv)

     Thôngz đhâu dự án txo grêk yêiz pluôs trâu cxuô tỉnh tox siêz faz Bắc ntu II shông 2010-2015 txos trâu nhiv no, 24 ziv chuôz zis px nhoz 3 luz jos:  Sùng Phài, Sin Chải, Căn câu xã Sùng Phài, huyện Tam Đường, Lai Châu, tưz tâu têz qơưs muôz 46 tus nôngz yik chiê huôv tsar tu zus. Chênhr zos pâuz tsưr ziv huôv tsar tu zus thiêz tir thêir caz moz ơưk, chor yik ntơư tưz hloz lox jông.

       Zơưv Vũ Văn Luận, chủ tịch xã Sùng Phài hêik pâuz: tsôngv px hâur thax tsav xã tưz muôx tâu tsưr ziv huôv tsar tu zus tsiêx cxu, hâur ntơư zos huôv tsar tu zus yik. Đros ntơư, tsôngv px cux pâuz tâu tsưr ziv tu zus yik tros chiê muôs trâu tuz luôv ciêz đrôngl, muôx nhiêx txiêx chox lok cxiv kho ziv chuôz zis muôx luz nênhx truôx tuk jux juk./.

                                                                (Tsu cxêik nhênhv-KT)