Zar hnuz kêix 24/11, ntơưv Laox Cai muôx Đoanx têiv plor côx hôiv tinhv li jiês cơưv njiz cưv tri đros lưx lươngv vur trang sâuv thax tsav. Dưv thiêz hêik chox kriê jiês cơưv, phưv chuv tiv côx hôiv Đôr Bar tyv hênhr kruôk têx chêx cur chor lưx lươngv vur trang tưz tax tâu hâur ntu đhâu. Phưv chuv tiv côx hôiv kruôk chor canr bôv, chiênr syr phưx phưx phiv liv chiê uô tiêr jông têx jênhv vưv tâu choz.

    Uô ntêx co, zar têik cik, đoanx côngz xưv zos phưv chuv tiv Đôr Bar Tyv chox thơưx tưz chuôr yuô, uô hâux lưv ntơưv thax tsav trâus đêx ngaz cuôr Quang Kim, huyện Batz Xatz, tinhv Laox Cai thiêz khơưk muôz huv trâu chor ziv chuôz zis pluôs ntơưv no./.

                                                                             (AN Kiên-Lik Thox cxêik nhênhv)

    Zar hnuz kêix hnuz 24/11, Đoàn đại biểu Côx hôiv khóa 14 tỉnh Yên Bái tsưr tsix phêv ziv chuôs njiz cử tri chiê heik trâu cử tri pâuz lok têx tsênhv njiêz, tsaz yênhx hâur jiês cơưv tiv 2, Côx hôiv khóa 14 nhiv kruôr cơưv suôx câuv hnuz 23/11 ntơưv TP Yên Bái. Đhâu mnôngs heik trâu sđ pâuz lok Côx hôiv jiês cơưv tiv 2, cử tri TP Yên Bái heik tơưv cêr shir phaz, njênhs njôngr trâu Côx hôiv têx nuv uô hlôngr yiêz ntơưv jiês cơưv no. Iz chas ntơư, cử tri lok six moz siêz txos iz cxiê hâux lưv thiêz heik Đoanx đại biểu Côx hôiv uô tsênhz mênhx li: Hâux lưv cxiv tsa thiêz uô tiêr têx ntâuz ntơưr chei têz qơưs; hâux lưv seiz car têx canr bôv công chức; tsi so hlôngr qơư, hâux lưv uô, xeir zuôr têx canr bôv hâu nov thênhv siêz lês car uô têz qơưs hâux lưv …./.

                                                                              (KT-Riê Lâux cxêik nhênhv)

     Hâur chor hnuz txix 23 txos 26/11, ntơưv tinhv Điện Biên muôx “Liên hoan Đôiv yax kriê vênhx huôv thax tsav ntus đriv thiêz poz hiêr jiês tiv 9, thax tsav faz Băcz shông 2016”. Liên hoan muôx tsênhv njiêz “Ntus đriv njuôz”, zos Bôv Vênhx huôv Thêv thao thiêz Du liv, Bôv tư lệnh Bôv đôiv pênhz phax thiêz UBND tinhv Điệnv Biên sik côngv tsưr tsix. Jiês no muôx zuôr xar 450 canr bôv, chiênr sir vênhx huôv tuôx txix 15 đôiv yax kriê vênhx huôv hâur Bôv đôiv pênhz phax 14 tinhv: Sơn La, Điênv Biên, Lai Châu, Laox Cai, Hax Giang, Cao Băngx, Langv Sơn, Quangv Ninh, Haiv Phongx, Thair Binhx, Nam Đinhv, Thanh Hoar, Nghêv AN, Hax Tĩnh thiêz Hocv viênv pênhz phax./.

                                                                             (VOV4-Lik Thox cxêik nhênhv)

   Hnuz 24/11, ntơưv Sơn La, Tsêr kho moz bộ đội 103, tsêr cơưv trâu tuz lênhv cơưv seiz njuôk shuôs, kho moz lok zos Học Viện Quân y, Bộ Côx phax đros UBND tỉnh Sơn La tsưr tsix ntâuk grê 10 shông têx hâux lưv mak têx tuz lênhv thiêz tsôngv box sik côngv tês uô hâur ntu 2006-2015.

   10 shông uô tsaz yênhx têx tuz lênhv thiêz tsôngv box sik côngv tês uô, tsêr kho moz bộ đội 103 tưz đros cấp ủy, hâu nov ntơưv qơư tsưr tsix seiz njuôk shuôs, kho moz trâu 64 cxênhz ntâu lênhx tsôngv box nhoz 9 hâur 12 huyện, TP hâur tỉnh Sơn La; xav hur si têx nhiêx tas muôx 10 tỷ đeiv ntâu. Tsêr kho moz cux sik đros thox cxov, gra siêz txux chi tsưr ziv uô nuv trâu canr bôv cưk yuôx, bác sỹ nhoz têx qơư y tế ntơưv qơư. Têx luôs hâux lưv uô tâu no tưz paz gra siêz tỉnh Sơn La tsơưr lươngv tsoz phưz đas jos trâu tsôngv box thax tsav tox siêz đêz đrôngs, ntus đriv, ziv hnuz ziv uô tâu jông hâux lưv seiz njuôk shuôs, kho moz trâu côngv thôngx sđ./.

                                                                      (Trung Hà CTV-Riê Lâux cxêik nhênhv)

     Zar hnuz kêix 24/11, Công an huyênv Tân Uyên, tinhv Lai Châu tsưr tsix cơưv pov chir hêik pâuz chêx cur chuyên anr nziêk đas zuôr cxuô zav muôx sâuv thax tsav 2 huyện Than Uyên thiêz Tân Uyên.

Lơưr co, hli 5/2016 Công an huyện Tân Uyên jênhv tâu mông txix pêx xênhv muôx nênhs tiêk zos luâtk sư, uô đros iz cxiê lênhx nênhs uô ntơưr tơưv tiv phaz pênhr lok chêi pâux nzir txar qơư nhoz uô tsêr mêir đêx tênhv Huôiv Quangv-Banv Chatz hoz oz huyênv Tân Uyên thiêz Than Uyên. Lênhx nênhs co tiêk zos luâtk sư thiêz zuôr hlôngr njêx muôs trâu pêx xênhv sâuv thax tsav muk hêik thor pâux nzir nhiêx trâu pêx xênhv, uô muôx yưv phiv liv hâur pêx xênhv. Đhâu xav jênhv, Công an huyện Tân Uyên uô tsênhz mênhx, lênhx nênhs co zos Đôr Văn Dungr, 46 shông, uô hâux lưv muôl muôs nquôr thax, trik yo thiêz tuô fêik buô ntơưv tôv 8, phươngx Hơpv Minh, thanhx phôr Yên Bair, tinhv Yên Bair. Nhiv no, Cơ quan canhv satz qênhz yuôx, Công an huyênv Tân Uyên, tinhv Lai Châu tưz tso tơưv cuêz tênhv khơiv tôr txuz hâux lưv no đros lênhx nênhs zos Đôr Văn Dungr./.

                                                                        (Khắc Kiên-Lik Thox cxêik nhênhv)