Tul mê nhuôs Phùng Trà My, 18 luz hlik mênhx cxưx Hà Nhì nhoz jos San Sui, xã Vàng San, huyện Mường Tè tâu njuôs pov trâus moz hlưz tâuz hâu zav B. Mê nhuôs tâu lênhx nênhs hâur tsêr chox tuôx tsêr kho moz đa khoa tỉnh Lai Châu kho moz hnuz xiêz 10/3. Đhâu iz đraz hlik kho moz, txos nhiv no mê nhuôs My li đas jos tưz jông jux juk. No zos jiês xuz thơưx cxôngx thâuv pheiz tỉnh lok shông 2004, nhoz Lai Châu thiêx pov muôx nênhs trâus moz hlưz tâuz hâu. Moz khênhr huôv đros mê nhuôs cxôngx 6 luz hlik txos 3 shông, moz hnhar thiêz zôngx ziv uô tuôs lênhx nênhs zos tsi ciêr chênhr tâu chơưv kho. Sở y tế tưz chox kriê têx taz viv y tế, qơư y tế tiv phaz tsưr tsix yax mông txos têx ziv chuôz zis lok zav moz no thiêz muôx têx tsưr ziv phax tar. Heik tsôngv box pov têx moz yưv njuôs xav zos moz hlưz tâu hâu mak ciêr chênhr mul seiz njuôs lok sik thôngz pov ciês trâu chiz coaz y tế jê tiv zix./.

     (Khắc Kiên- Txâur Vax cxeik nhênhv)

   Cik txos luôs hâux lưv,  Nênhs sêiz car tsêr cơưv thiêz oz lênhx cưk kriê ntơưr nhoz tsêr cơưv nhuôs zâu xã Xuân Giao, huyện Bảo Thắng, tỉnh Lào Cai hêv tiêk: zuôr muôz mê nhuôs zâu tso trâu hâur mêir đoz plâuz kêiz uô muôx yưv tsik jông sâuv mạng xã hội, zơưv Phùng Minh Thái, phưv chánh văn phòng Sở zoz zux thiêz thox cxov tỉnh Lào Cai puz pâuz kror no tsuv tâu sêiz shuôk jông.

Đhâu ciês thâuv nriêr pâuz xor mông, hlôngr njês muôs sở zoz zux tỉnh Lào Cai tưz muk đros cơ quan txơưx jênhv tiv phaz, tsêr cơưv ntơưr thiêz lênhx mê nhuôs co li chuôz zis chiê sik thav tsênhz mênhx kror hâux lưv no thiêz muôx hêik pâuz tsênhz xa trâu UBND tỉnh.

Đhâu nriêr pâuz, tsênhz mênhx nênhs sêiz car tsêr cơưv ntơưr Vũ Thu Hằng thiêz oz lênhx cưk kriê ntơưr Vũ Thị Thu Hiền, Lê Thị Phượng li kror uô no zos hêv cov mê nhuôs mnôngs luk. Viv mê nhuôs tuôx trâu tsêr cơưv, hnuz tưs cux kuôx, uô trâu chor cưk kriê ntơưr tsik pov kaz uô li chak.

Taz sik, zos iz lênhx cưk kriê ntơưr, tiv zix zos lênhx nênhs sơưr thơưx sêiz car tsêr cơưv ntơưr mak kror no zos iz kro uô tsik jông thiêz zuôr trâus xưv lik lơưr cuiz tênhv./.

             (An Kiên-Lik Thox cxêik nhênhv)

    Công an huyện Mộc Châu đros công an tỉnh Sơn La nhiv kruôr ntês tâu Pàng Xênhv Muôk xênhz shông 1992, nhoz jos Pha Đón, xã Lóng Sập, huyện Mộc Châu viv muôv muôs zax zênhz. Chuôz zênhx sâu tâu muôx 24.000 njiêr yuôx shơư zênhz. Nhiv no luôs hâux lưv co tsênhv tâu chiz coaz muôx txơưx jênhv tror qênhz yuôx uô cov tsênhz mênhx./.

                                                                     (KT- Txâur Vax cxeik nhênhv)

   Lưx lươngv cảnh sát cơ động-Công an tỉnh Yên Bái nhiv kruôr pov, sâu tsês yênhx puô cir plaz hnur tsiêx cxu thiêz ntâu zav hax huv pâuz tsik tsênhz qơư, tâu thâux sâuv thax tsav thành phố Yên Bái.

   Lơưr co, jênhv tâu xor mông luz yêz kruô biển số 18B-019.08 zos zơưv Trần Văn Bình (zus shông 1976, nhoz ntơưv phường Hợp Minh, thành phố Yên Bái) tsar, muk txix Yên Bái-Nam Định thâux iz cxiê zav hax huv pâuz tsik tsênhz qơư, Phòng cảnh sát cơ động-Công an tỉnh Yên Bái tưz chiê nênhs qênhz yuôx, pov muôx 4 luz hnaz trâu chor plaz hnhur tsiêx cxu hnhar 250 cir, 4 hnaz trâu 144 tuk mê nhuôs kêiz thiêz iz cxiê hnaz trâu 3.755 luz trik yo, 227 gơưv khâu, tas nro puôr lênhx tsik pâuz tsênhz qơư.

     Phòng cảnh sát cơ động tưz xa ntâuz ntơưr thiêz choz zok têx co trâu Đội cơ động Chi cục sêiz car ciêz đrôngs tỉnh Yên Bái xưv lik lơưr cêr chêi têz qơưk./.

                        (Báo Yên Bái-Lik Thox cxêik nhênhv)