Hnuz 29/11, uỷ ban huyện Văn Yên tưz tsưr tsix côngz fố uỷ ban tỉnh Yên Bái quyết tênhv côngk nhav xã Xuân Ái tax tâu luôs hâux lưv cxiv tsa jêx jos yiêz shông 2016. Ntơư zos luz xã tiv 15 uô tâu luôs hauax lưv cxiv tsa jêx jos yiêz nhoz ntơưv tỉnh Yên Bái.

      Đhâu 5 shông uô trơưk luôs hâux lưv cxiv tsa jêx jos yiêz, xã Xuân Ái tưz zaz zâuv sđ sik côngv paz tâu 50 tỷ đêiv nhiêx trâu luôs hauax lưv cxiv tsa jêx jos yiêz; hauar ntơư, tsôngv px sđ sik côngv paz tâu 18 tỷ đêiv. Txos trâu nhiv no 100% luz xã muôx cêr lênhx muk txos tsênhv qơư xã thiêz iz cxiê jêx jos; chor ziv chuôz zis tâu sir zôngv tênhv tênhz têz qơưs ziv hnuz ziv tsar ndê; pov njôngr tsôngv px sđ muôx luz nênhx hlôngr yiêz truôx tuk jux juk./.

                                                                                      (Tsu cxêik nhênhv-VOV4)

      Uô trơưk tsưr ziv hlôngr chos jôngr ntông, hâur shông 2016, tỉnh Lai Châu tưz thôngz đhâu 16 dưv anr, muôx 2.700 ha jôngr ntông trâu têx huyện thiêz 2 công ty ntông cao su Lai Châu fuô uô chos ntông. Tas cheix chos jôngr, tas nro tỉnh Lai Châu tưz chos tâu 2.700 ha, tâu 100% tsưr  ziv tso tơưv. Têx ntông tâu muôz chos phênhv ntâu zos: Txir tuôz ziz, ntôngx, Cuiv fix lok zos đâux txis…..

     Nhiv no, chor ntông tưz chos tâu mak hloz huôv lok six jông. Zơưv Nguyễn Văn Biển, Chi cục tsar Chi cục yuôx jôngr tỉnh Lai Châu heik pâuz: tsênhv chei pâux nzir tênhx qơư jôngr ntông hâur thax tsav tưz muôz phênhv sâu truôx trâu tsôngv box, viv li hâux lưv seiz car thiêz por hưv jôngr, cux li têx jôngr ntông chos tâu tsôngv box sđ moz siêz chos thiêz tu./.

                                                    (Tuyết Lan-Riê Lâux cxêik nhênhv)

      Huyện Sa Pa, tỉnh Laox cai zos thax tsav qơư muôx chuô lax nziês hauar yênhx shông, zôngx ziv chos cxuô tsoz chos đrox thiêz ntông yuôx. Pâuz tâu têx muôx liv ntơư, tsoz chos a ti sô, huyện Sa Pa tưz chox kriê px sđ chos ntâu. Nhiv no huyện tưz chos tâu 70ha tsoz chos a ti sô. Hauar iz shông, tsôngv px sâu tâu 4 cxênhz tấn txir nhôngk, sâu tâu nhiêx txiêx xar 8 tỷ đêiv. Chênhr zos li hêik ntơư, huyện Sa Pa tưz tso tơưv luôs hauax lưv yax kriê px sđ chos nzir 4-5ha đương quy, tam thất trâuy ntơưv xã Sa Pả thiêz thax tsav huyện Sa Pa. Pos Trần Thị La Hương, phó phôngx kinh tế huyện Sa Pa hêik pâuz:

      “Hâur ntu txos shông 2020, huyện tsênhv zuôr chox car tsôngv px sđ chos cxuô tsoz chos yuôx cov tâu 200 ha. Ntơư zos pêz tso cán bộ muk yax kriê tsôngv px sđ huôv tsar chos cov tâu zos đrêiv li tsưr ziv xav thiêz uô cov muôx liv trâu px cux li têz qơưs”./.

                                                                                    (Tsu cxêik nhênhv-Thanh Thuỷ)

     Hâur 2 hnuz 26-27/11, Ban chox kriê vênhv tôngv tso nyar jông siêz tỉnh Sơn La đros tsêr kho moz tso nyar thiêz lênhk txeik zuôr nyar T.Ư, Công ty Bảo hiểm nhân thọ Prudential tsưr tsix tso nyar jông siêz ntơưv tsêr cơưv Đại học Tây Bắc thiêz tsêr cơưv Cao Đẳng Sơn La.

     Hâur 2 hnuz tsưr tsix tsaz yênhx, ntơưv 2 tsêr cơưv heik sâuv tưz muôx zuôr xar 2 cxênhz lênhx nênhs đas cir cxaz chuôz tso nyar jông siêz, tưz tso tâu 716 taz viv nyar. Hur si chor nyar no zuôr tâu xa lok trâu Tsêr kho moz lênhk txeik nyar T.Ư, no zos têx nyar jông, paz trâu yênhx cxênhz lênhx nênhs trâus muôx moz zuôr trâus txos cxaz nyar. Tsaz yênhx tso nyar jông siêz zos hâux lưv uô muôx liv, phuôx huiz têx lênhx hluôk nênhs Sơn La txux chi tsưr ziv, hâux lưv uô ntêx nyuôs viv luz nênhx côngv thôngx./. 

                                     (KT-Riê Lâux cxêik nhênhv)

      Hâur têx shông đhâu, MTTQ cxuô cấp hâur thax tsav huyện Tủa Chuôx, tỉnh Điện Biên tưz đros cxuô ngênhx, cxuô xã uô jông côngz xưv fuô yax kriê chêi têz qơưs trâu cán bộ thiêz px hâur thax tsav.

     Luôs hauax lưv tsưr tsix fuô yax kriê chêi têz qơưs, tưz tâu fuô uô zênhx max, huv đros txos cxuô lênhx cán bộ, lênhx nênhs laox tôngv, cxuô lênhx tuz lênhv hur si hâur thax tsav huyện.  Đhâu ntơư tưz pov njôngr tsôngv px sđ pâuz tsênhz mênhx đuô lok chêi têz qơưs đros trâu tir thêir tâu têx nênhs fêv tsik chiê ruôr hiêv txos sđ luz nênhx nox nhoz muk lok hâur yênhx hnuz thiêz tsưx phưv truôx chính trị hauar thax tsav jêx jos; paz phênhv cxươz cxiz px truôx siêz huôv tsar cêr uô nox, muôx luz nênhx truôx tuk./.

                                                                                      (Tsu cxêik nhênhv-KT)